Хэрэгүүд 26:29 - Библи

²⁹ – Түргөөр гү, түргөөр бэшэ гү, гэбэшье гансал та бэшэ, харин мүнөөдэр намайе шагнажа байгаашад булта (энэ гэнжэнүүдһээ гадна) намдал адли болохыень би Бурханда зальбарнаб, – гэжэ Павел харюусаба.

Шэнэ Хэлсээн

²⁹ – Түргөөр гү, түргөөр бэшэ гү, гэбэшье гансал ши бэшэ, харин мүнөөдэр намайе шагнажа байгаашад булта (энэ гэнжэнүүдһээ гадна) намдал адли болохыень би Бурханда зальбарнаб, – гэжэ Павел харюусаба.

Хэрэгүүд 26:29 Iomraidhean Croise

2 Хаан түрэнүүд 18:33

Тиихэдэнь хаанай сэдьхэл хүмэрижэ, тэрэ дээшэлэн, хаалгын дээрэхи таһалга руу орожо уйлаба. Тиишээ ошожо ябахадаа, Давид иигэжэ дабтан дуугаржа ябаа: – Минии хүбүүн Абшалоом! Хүбүүмни, Абшалоом хүбүүмни! Шинии орондо минии гээгдээ һаа, дээрэ байгаа. Абшалоом хүбүүмни, хүбүүмни!

4 Хаан түрэнүүд 5:3

Тэрэ шэбэгшэ басаган өөрынгөө эзэн эхэнэртэ хандажа: – Хэрбэеэ минии эзэн Самаридахи лүндэншэдэ ошоо һаа, элдин үбшэнөө эмшэлүүлхэ байгаа, – гэжэ хэлэбэ.

Египедһээ гаралга 16:3

– Египедтэ Эзэнэй гарһаа үхөө һаамнай дээрэ һэн ха, – гэлдэбэ. – Тэндэ мяхатай тогоо тойроод һуугша һэмди, дуран соогоо талха эдигшэ бэлэйбди. Арад зоноо үлэсхэлэндэ дайруулжа үхүүлхэ гэжэ энэ сүл губида асарба гүт?

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 38:20

Би тэрээндэ: – Та тэдэнэй гарта орохогүйт. Эзэнэй айладхал дуулахыетнай гуйнаб. Тиихэдэ бүхы юумэн танда таатай, аятай болохо, амиды мэндэ үлэхэт.

Тоололго 11:29

– Ай даа, намайе гансааран Эзэнэй мэдээе дуулгагша байһай гэжэ һанана гүш? Эзэн Һүлдэеэ Өөрын арад зондо бултанда бэлэглэжэ, тэдэ бүгэдэ лүндэншэд болодог һаань! – гэжэ Моисей хэлээд,

Иоанн 5:34

Теэд хүнүүдые Өөрынгөө гэршэ болгохо гэжэ оролдоһоноймни хэрэг Намда үгы, харин таанарайл абарагдахын түлөө тэдэниие гэршэ болгон баринаб.

Хэрэгүүд 12:6

Иродэй Пётрые улад зоной урда шүүбэрилхэ гэһэн үдэрэй урда һүни Пётр хоёр сэрэгшэдэй хоорондо дабхар гэнжээр хүлеэтэй унтажа байгаа. Тиихэдэ түрмын үүдэнэй хажууда үшөө харуул табигданхай байба.

Хэрэгүүд 21:33

Түмэнэй дарга тэдэндэ дүтэлжэ, Павелые дабхар гэнжээр хүлихыень захираад, һүүлдэ тэрэнэй хэн байһан, юу хэһэн тухай һураашалба.

Хэрэгүүд 25:14

Тэдэнэй нэгэ хэды хоноһон хойно Фест Агрииппа хаанда Павелай хэрэг тухай хөөрэбэ: – Феликсын хаалтада байлгаһан нэгэ хүн эндэ бии.

Римэйхиндэ 10:1

Аха дүүнэр! Израилиин арад зоной абарагдахые би бүхы зүрхэ сэдьхэлээрээ хүсэнэб, тэрээн тухай Бурханда зальбарнаб.

Коринфынхидтэ 1-дэхи 4:8

Зай, тиихэдээ таанад бэеэ ханаба гүт? Баяжаба гүт? Таанад бидэнгүй хаанууд болообди гэжэ һананат. Үнэхөөрөө таанадай хаан шэрээдэ һуухые хүсэнэб, тиигэбэл бидэшье таанадтай хамта захирха һэмди.

Коринфынхидтэ 1-дэхи 7:7

Хүн бүхэн намдал адли һамгагүй байһай гэжэ би хүсэнэб, гэхэтэй сасуу хүн бүхэн Бурханһаа өөрын тусгай абьяас бэлигтэй юм, нэгэ хүн иимэ абьяастай, нүгөө хүн тиимэ абьяастай.

Коринфынхидтэ 2-дохи 11:1

Тэнэг зан гаргахадамни тэсэбэритэй байһайт гэжэ хүсэнэб. Хэрэг дээрээ тиимэл байдаг ха юмта даа.

Эфесэйхиндэ 6:20

Тэрэ Һайн Мэдээсэл номноходоо ёһоорнь хэлэжэ байха зоригтой байхымни тула баһа зальбаржа байгты. Би, Бурханай элшэн, мүнөө тэрэ Мэдээсэл номноһонойнгоо түлөө түрмэдэ һуунаб.

Колоссынхидтэ 1:28

Тиимэһээ бидэ Христоосые хүн бүхэндэ номнонобди. Иисүүс Христоостой нэгэдэһэн хүн бүхэниие Бурханай урда байлгахын тула бидэ бүхы ухаан бодолоороо тэдэниие һурганабди, идханабди.