Хэрэгүүд 21:14 - Библи

¹⁴ Павелые үгэдөө оруулха аргагүй байһанаа ойлгоходоо, бидэ аргадахаяа болижо: – Эзэнэй эрхэ мэдэлээр лэ болог даа! – гэлсэбэбди.

Шэнэ Хэлсээн

¹⁴ Павелые үгэдөө оруулха аргагүй байһанаа ойлгоходоо, бидэ аргадахаяа болижо: – Дээдын Эзэнэй эрхэ мэдэлээр лэ болог даа! – гэлсээ бэлэйбди.

Хэрэгүүд 21:14 Iomraidhean Croise

Эхин 43:14

Түгэс Хүсэтэ Бурхан тэрэ хүнэй сэдьхэл зүрхые зөөлэрүүлжэ, нүгөө ахыетнай Бэньямиинтэй хамта бусааха шиидхэбэри гаргуулхань болтогой. Нам тухай хэлэбэл, бүхы хүүгэдээ алдаха гэһэн заяатай һаа, алдахал болоно бэзэб.

4 Хаан түрэнүүд 20:19

Хэзэкияа Исайда хандан хэлэбэ: – Мүнөө шинии Эзэнһээ дамжуулан хэлэһэн үгэнүүдшни һайн мэдээсэл байна. «Минии амиды мэндэ байгаа сагта эндэ амгалан тайбан, аюулгүй байдал оршохо» гэжэ Хэзэкияа сэдьхэбэ ха юм.

Матвей 26:39

Тиигээд тээ хажуу тээшээ ошожо, уруугаа харан газар дээрэ хэбтээд: – Эсэгэмни! Хэрбээ арга бии һаа, энэ аягаһаа амсуулангүй, иимэ ехэ зоболон намһаа зайлуулыт даа. Гэбэшье Минии дура хүсэлөөр бэшэ, харин Танай эрхэ хүсэлөөр болог лэ, – гэжэ зальбарба.

Матвей 26:42

Иисүүс дахин хажуу тээшээ ошожо: – Эсэгэмни! Хэрбээ энэ аягаһаа амсуулангүй, энэ зоболон Намһаа зайлуулха аргагүй һаа, Танай дура хүсэлөөр болог лэ, – гэжэ зальбарба.

Матвей 6:10

Хаан түрэтнай мандахань болтогой, тэнгэри огторгойтойл адляар газар дэлхэй дээрэшье эрхэ хүсэлтнай бэелхэнь болтогой!

Лука 11:2

Иисүүс шабинартаа хэлэбэ: – Бурхандаа иигэжэ мүргэгты: Эсэгэмнай! Нангин нэрэтнай алдаршахань болтогой. Хаан түрэтнай мандахань болтогой,

Лука 22:42

– Эсэгэ Бурхамни, хэрбээ хүсэбэл, энэ аягаһаа амсуулангүй, иимэ ехэ зоболон Намһаа зайлуулыт даа! Гэбэшье энэ Минии мэдэхэ хэрэг бэшэ, Өөрынтнай эрхэ хүсэлөөр болог лэ.

Рүүт 1:18

Өөртэйнь хамта ябахаар эрид шиидэһыень Наомии хараад, бэшэ юумэ хэлэхэеэ болибо.

1 Хаан түрэнүүд 3:18

Самуил юушье нюунгүй бүгэдыень тэрээндэ хөөрэбэ. Тиихэдэнь Элии иигэжэ үгүүлээ һэн: – Тэрэ хадаа Эзэн мүн. Һанаһаараа Тэрэ юумэ үйлэдэхэл.