Хэрэгүүд 17:11 - Библи

¹¹ Энэ хотын зон Фессалоникиинхидтэ орходоо Бурханай үгэ үлүү ехээр шагнаха дуратай байжа, номнол анхаралтайгаар хүлеэн абаад, Павел Сила хоёрой хэлэһэниинь үнэн гү гэжэ мэдэхын тула Нангин Бэшэгые үдэр бүхэн шудалжа байба.

Шэнэ Хэлсээн

¹¹ Энэ хотын зон Фессалоникиинхидтэ ороходоо Бурханай үгэ үлүү ехээр шагнаха дуратай байжа, номнол анхаралтайгаар хүлеэн абаад, Павел Сила хоёрой хэлэһэниинь үнэн гү гэжэ мэдэхын тула Нангин Бэшэгые үдэр бүхэн шудалжа байба.

Хэрэгүүд 17:11 Iomraidhean Croise

Иоов 23:12

Хэлэһэн үгэдэнь зааханшье зүреэгүйб, үгэһэн заабариһаань нэгэхэншье хадуураагүйб.

Һургаал 1:5

Сэсэн мэргэн хүн шагнажа, мэдэлгэеэ арьбажуулха, ухаатайшье зон зүбшэл заабари тэрээнһээ олохо.

Һургаал 8:10

Салин сагаан мүнгэнһөө үлүүгээр минии заабари сэгнэжэ абагты. Шэжэр алта шэлэнхаар мэдэлгэ абахые шэлэһэниинь дээрэ.

Һургаал 9:9

Мэргэн хүндэ заабари үгэхэдэш, бүришье мэргэн болохо. Шударга үнэн хүниие һургахадаш, тэрэ мэдэлгэеэ арьбажуулна.

Исай 34:16

Эзэн Бурханай ном олоод уншагты. Эдэ амитад хододоо суг байха гээд тэндэ бэшээтэй. Эзэн энээн тушаа захирһан гээшэ.

Исай 8:20

Эзэнэй һургаал болон гэршэлэлгэдэ хандагты. Тэдэниие сахин дүүргээгүй һаа, худал хуурмаг үгэнүүдтэ хүрмэгдэхэт. Теэд тэдэ үгэнүүд хооһон, аша туһагүйл.

Ерэмияа 2:21

Би шамайе шэлэгдэн абтаһан, эгээл эрхим үрэһөө тариһан үзэмэй модоной эшэ мэтээр һуулган дүмөө бэлэйб. Теэд яагаад шимни гашуун муу үзэм үгэдэг эгээлэй ондоо эшэ мэтэ болошоо гээшэбши?

Матвей 13:23

Үрэжэлтэй хүрьһэндэ таригдаашань иимэ удхатай: мэдээсэл шагнаад, тэрэниие ойлгоһон хүнүүд аша үрэ ехэтэй юм – тэдэнэй нэгэ зариманиинь тариһанһаа зуу дахин ехэ, нүгөөдүүлынь жара дахин ехэ, баһа бусадынь гуша дахин ехэ үрэжэлтэй байдаг.

Лука 1:2

Эхинһээнь байлсаһан, болоһон бүгэдые хараһан зоной маанадта хөөрэһые тэдэ нүхэд буулгажа бэшэнэ.

Лука 11:3

ажамидаралаймнай хоол үдэр бүхэндэ мандаа үгэжэ байгаарайт.

Лука 16:29

Тиихэдэнь: «Дүүнэртэшни Моисейн болон лүндэншэдэй һэргылэмжэ бии ха юм: тэдэнэйнгээ хэлэһые дүүнэршни дуулажа байг лэ», – гэжэ Абраһаам хэлэбэ.

Лука 24:44

Һүүлээрнь Иисүүс тэдэндэ хэлэбэ: – Нам тухай Моисейн Хуули соо, лүндэншэдэй номууд соо, Бурханай магтаалнууд соо бэшэгдэһэн бүхы юумэн бэелхэ гэжэ Би таанадтаяа байхадаа хэлээ һэнби. Тиимэл юумэн болоо.

Иоанн 3:21

Харин үнэн сэхээр ажаһуудаг хүн гэрэл туяа тээшэ эрмэлзэнэ, тэрэнэй үйлэ хэрэгынь Бурханай урда хэгдэнэ гэжэ элирнэ бшуу.

Иоанн 5:39

Мүнхын амидарал олохобди гэжэ этигэн, таанар Нангин Бэшэгые оролдосотойгоор шудалнат. Теэд Нангин Бэшэгтэшье Нам тухай гэршэлэн хэлэгдэнэ!

Хэрэгүүд 10:33

Тиигээд би тэрэ дороо хойноһоотнай эльгээгээ һэнби. Танай ерэһэнтнай ехэ һайн гээшэ. Мүнөө бидэ булта Бурханай урда зогсожо, Эзэнэй танда хэлэ гэжэ захирһан бүхэниие танһаа дуулахаяа эндэ суглараабди.

Хэрэгүүд 11:1

Бусад арадууд Бурханай үгые баһа мэдэбэ гэжэ Иудейн ороноор эндэ тэндэ байһан элшэнэр болон һүзэглэгшэд дуулаба.

Хэрэгүүд 17:1

Павел Сила хоёр Амфиполь, Аполлони хотонуудые дамжан, Фессалоникидэ хүрэжэ ерэбэ. Тэндэ мүргэлэй гэр бии һэн.

Хэрэгүүд 2:41

Пётрой үгэдэ этигэһэн хүнүүд уһан арюудхалгада хүртэжэ, гурбан мянга тухай хүнөөр һүзэглэгшэдэй тоо нэмэгдэбэ.

Хуули дабталга 29:29

Гансал Эзэн Бурханаймнай мэдэхэ нюуса зүйлнүүд байдаг. Харин Тэрэ бидэндэ Өөрынгөө һургаал эли болгоо, бидэ болон үхи хүүгэднай тэрэнииень хододоо сахин дүүргэн ябаха ёһотойбди.

Фессалоникиинхидтэ 1-дэхи 1:6

Таанад маанадта болон Эзэндэ һажаан ажамидаржа эхилээ һэнта. Ехэ зобожо байһаншье һаа, Бурханай үгые таанад баяртайгаар угтажа абаа һэнта. Энэ баярые таанадта Арюун Һүлдэ олгоно.

Фессалоникиинхидтэ 1-дэхи 2:13

Бурханда үргэлжэ баясхалан хүргэжэ байха ондоошье шалтагаан бидэндэ бии. Таанадта Бурханай үгэ асархадамнай, таанад Тэрэниие хүнүүдэй үгэдэл бэшэ, харин Бурханай үгэдэл шагнажа, угтажа абаа һэнта. Тэрэ үнэхөөрөө Бурханай үгэ байгаа, та һүзэглэгшэдэй дунда ажаллажа байгаа.

Фессалоникиинхидтэ 2-дохи 2:10

үхэлдэ хүртэхэ хүнүүдтэ элдэб янзын мэхэ гохо хэрэглэхэ. Өөһэдыгөө абаран, үнэн зүб юумэндэ этигээгүй, дурлаагүй зон үхэхэ.

Яковай хандалга 1:21

Элдэб янзын забхай зальхай, нүгэлтэ юумэнүүдые үйлэдэхэеэ болёод, зүрхэ сэдьхэлдэтнай һуулгагдаһан, таанадые абарха аргатай мэдээсэлые зосоогоо тогтоожо байгаарайгты.

Пётрой 1-дэхи хандалга 2:2

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.