Хэрэгүүд 16:26 - Библи

²⁶ Гэнтэ газар ехээр хүдэлжэ, түрмын байра иишэ тиишээ найгалзан хэлбэлзэбэ. Тэрэ дороо түрмын бүхы үүдэнүүд нээгдэжэ, хаалтада байһан зоной гэнжэнүүдынь мултаран унаба.

Шэнэ Хэлсээн

²⁶ Гэнтэ газар ехээр хүдэлжэ, түрмын гэр иишэ тиишээ найгалзан хэлбэлзэбэ. Тэрэ дороо түрмын бүхы үүдэнүүд нээгдэжэ, хаалтада байһан зоной гэнжэнүүдынь мултаран унаба.

Хэрэгүүд 16:26 Iomraidhean Croise

3 Хаан түрэнүүд 13:28

Үбгэн лүндэншэ харгыда гаража, аян зам дээрэ хэбтэһэн бэе хүүрыень олобо. Бэеын хажууда элжэгэн ба арсалан зогсожо байгаа. Арсалан бэе хүүрые эдеэгүй, элжэгэндэ хүрөөгүй байба.

Псалманууд 102:20

Тэрэнэй үгэ дууладаг, айладалынь дүүргэдэг, хүсэ шадалтай Эльгээмэлнүүдынь, Эзэндэ магтаал үргэгты!

Псалманууд 146:7

Эзэндэ магтаал дуу дуулагты, манай Бурханда ятагаар хүгжэмлэн дуулагты.

Псалманууд 68:6

Бурхан! Та минии мунхаг тэнэгые мэдэнэт, буруу байһамни Танһаа нюуса бэшэ.

Псалманууд 79:11

Тэрэнэй һүүдэр хадые бүрхөөгөө, мүшэрнүүдынь Бурханай хуша шэнги.

Исай 42:7

Тиихэдэм, һохор зоной нюдэн нээгдэхэ, түрмэдэ һуугшад сүлөөдэ гараха, харанхыда һуугшад түрмэһөө гараха.

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Матвей 28:2

Гэнтэ тэндэнь газар аймшагтайгаар хүдэлбэ, тиин Эзэнэй Эльгээмэл огторгойһоо бууба. Тэрэ агы нүхэ хааһан шулууе хажуу тээшэнь үмхирүүлээд, дээрэнь һууба.

Хэрэгүүд 12:10

Тэдэнэр хоёр харуулай хажуугаар үнгэржэ, хото ошоһон түмэр үүдэндэ хүрэжэ ерэбэ. Үүдэн урдань өөрөө нээгдэбэ. Тэдэнэр үүдээр гараад, саашаа ябаба. Нэгэ гудамжа үнгэрһэнэй һүүлээр Эзэнэй Эльгээмэл гэнтэ харагдахаяа болишоо.

Хэрэгүүд 12:7

Гэнтэ Эзэнэй Эльгээмэл бии боложо, Пётрой байһан газарта гэрэл туяа сасарба. Эльгээмэл Пётрые түлхин һэреэжэ: – Түргөөр бодо! – гэбэ. Тиихэдэ Пётрой гарһаа гэнжэнүүдынь мултаран унаба.

Хэрэгүүд 4:31

Иигэжэ зальбарһанайнь һүүлдэ сугларһан байрадань газар хүдэлжэ, тэдэнэр булта Арюун Һүлдөөр дүүрээд, Бурханай Үгэ айлтагүйгөөр номножо оробо.

Хэрэгүүд 5:19

Гэбэшье Эзэнэй Эльгээмэл һүниндөө түрмын үүдэ нээжэ, элшэнэрые сүлөөдэ гаргаба. Тиихэдээ тэрэ Эльгээмэл:

Гэршэлгэ 11:13

Тэрэ үедэнь газар ехээр хүдэлжэ, хотын арбанай нэгэ хубинь һандарба. Долоон мянган хүн газарай хүдэлөөнһөө боложо үхэбэ, бэшэниинь айжа мэгдээд, тэнгэриин Бурханиие алдаршуулан магтаба.

Гэршэлгэ 6:12

Зургаадахи тамгыень Үргэлэй Хурьганай тайлахадань, харан гэхэдэмни, газар ехээр хүдэлбэ; наран гээшэ үхэһэн хүнүүдэй хойноһоо шаналан уйлаашадай хара хубсаһандал адли баларташоод, һара гээшэ шуһан улаан болошоод байба.