Хэрэгүүд 13:10 - Библи

¹⁰ – Ши, худал хуурмагай бэелэл, шолмосой хүбүүн, али бүхы үнэн юумэнэй дайсан! Эзэнэй арюун сэхэ замые саашадаашье хазагайруулжа ябахаб гэжэ һанана гүш?

Шэнэ Хэлсээн

¹⁰ – Ши, худал хуурмагай бэелэл, шолмосой хүбүүн, али бүхы үнэн юумэнэй дайсан! Дээдын Эзэнэй арюун сэхэ замые саашадаашье хазагайруулжа ябахаб гэжэ һанана гүш?

Хэрэгүүд 13:10 Iomraidhean Croise

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

2 Угай бэшэг 17:6

Эзэндэ алба хэжэ байһандаа тэрэ омогорхон, Иудын хан түрэдэ ондоо бурхадта мүргэдэг газарнуудые тэрэ үгы хээ бэлэй.

Экклезиаст 9:3

Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Ерэмияа 23:36

Иигээд тэдэ «Эзэнэй хүндэ ашаан» гэһэн үгэнүүдые дуугарха ёһогүй. Тиигэжэ дуугараа һаань, Би айладхалаа тэдээндэ үнэхөөр хүндэ ашаан болгожорхихоб. Улад зон Минии, өөһэдынгөө амиды мэндэ Бурханай, Түмэн Сэрэгтэ Бурханай, үгые ондоо болгоо.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Матвей 13:38

Таряалан гээшэнь газар дэлхэй мүн. Һайн үрэһэниинь Бурханай хаан ороной хүнүүд, харин буртаг үбһэниинь шолмосой хүнүүд мүн.

Матвей 15:19

Ушарынь юуб гэбэл, зүрхэнһөөтнай хара һаналнууд түрөөд, таанадые алаха, эрэдээ гү, али эхэнэртээ урбаха, забхай зальхай ябадал гаргаха, хулгай хэхэ, бусадые хардаха, муушалха гэхэ мэтын дорой хэрэгүүдтэ түлхидэг юм.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Матвей 3:7

Уһанда арюудхуулхаяа олон фарисейнүүдэй, саддукейнэрэй ерэжэ ябахые хараад, Иоанн тэдээндэ иигэжэ хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Лука 11:39

Тиихэдэнь Иисүүс тэрээндэ иигэжэ хэлээ: – Фарисейнүүд, таанар аяга, табагай газаахииень аршажа арилгадагта, харин досоогоо таанад эд хүрэнгэдэ шуналтай, нүгэлтэй байнат.

Лука 11:52

Хуули заадаг багшанар, таанад гашуудал үзэхэт! Таанад эрдэм ухаанай ордондо орохо үүдэнэй түлхюур абаһан аад, тэндэ өөһэдөөшье ороогүйт, орохо гэһэн хүнүүдтэшье һаалта хээт, – гэжэ зэмэлбэ.

Иоанн 1:23

– Минии тухай лүндэншэ Исай иигэжэ бэшээ һэн: «Эзэндэ сэхэ зам гаргажа үгэгты гэжэ хэн бэ даа сүл губида хашхарба».

Иоанн 8:44

Таанарай эсэгэ шолмос, тиимэһээ эсэгынгээ бүхы дура хүсэлыень бэелүүлхэ зорилготойт. Танай эсэгэ анханһаа нааша хүнүүдые аладаг, үнэн зүйлые үзэжэ ядадаг байһан, ушарынь хэлэбэл, тэрээндэтнай үнэн зүйл гэжэ байгаагүйл. Худал юумэ хэлэхэдээ, тэрэтнай өөрынгөө түрэлхи хэлэн дээрэ дуугардаг һэн, юундэб гэбэл, худалша, худал юумэ үүдхэгшэ байһан байна.

Хэрэгүүд 20:30

Өөһэдынтнайшье дундаһаа буруу номногшод гаража, шабинарыемни дахуулха.

Коринфынхидтэ 2-дохи 11:3

Могой мэхэ гохо гарган, Евые яажа мэхэлээ һэм, тон тиигэжэл таанад мэхэлүүлээд, Христоосто үнэн сэхэ, арюун сэбэр һанал бодолнуудаа хубилгана гүт гэжэ би айнаб.

Галадуудта 1:7

Христоосой һургаалһаа ондоо үнэн зүб һургаал үгы юм! Харин таанадые үймүүлжэ, Христоосой һургаалые буруудхаха һанаатай хүнүүд лэ бии.

Эфесэйхиндэ 4:14

Тиин бидэ уһанай долгиндо, али һалхинай һэршэгэнэлгэдэ абтаһан юумэндэл ямаршье һургаалда абтан хэлбэлзэдэг, хүнэй мэхэ гоходо орожо, ехэ шадамараар мэхэлүүлдэг балшар хүүгэд байхаяа болиёл.

Пётрой 2-дохи хандалга 2:15

Тэдэ сэхэ замһаа хадуураад, төөришэбэ; буруу юумэ хэжэ, мүнгэндэ шунашаһан Бэһоорой Балаһаам хүбүүнэй замаар ябаба.

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.