13 Эзэн зарга мэдүүлхэеэ бодожо, арадуудые шүүхэеэ зэһэбэ.
Намайе диилээб гэжэ дайсамни бү һанаг, унаа гэжэ намда дурагүйшүүл бү баярлаг!
[Дуун. Асаапай псалма.]
Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.
Өөрынгөө арад түмэнэй түлөө тэмсэгшэ Эзэн Бурхантнай иигэжэ айладхана: «Уур хилэн дундаа таанадта үгэһэн аягаяа мүнөө һөөргэнь абанаб. Найгалзуулдаг гашуун хэһээлтын шүлэ таанад бэшэ уухагүйт.
Эзэн дэлхэйн бүхы амин голтойшуулые гал дүлэнөөр, эритэ һэлмээр шүүбэрилхэ, олохониинь Тэрээндэ усадхагдаха.
«Ёшапаадай хүндыдэ арад угсаатаниие ерүүлэгты. Хамаг угсаатаниие шүүхын тулада Би тэндэ һуухаб.
Арад түмэндөө Эзэнэй айладхаһые дуулыта! «Бодожо, хада уулануудай урда хэрэгээ мэдүүлыт! Толгойнууд дуу хоолойетнай шагнаг лэ!» – гэжэ Тэрэ тунхаглана.
Хада ууланууд, дэлхэйн хатуу үндэһэ һуури, Эзэнэй зарга шүүбэри хэхые шагныта! Эзэн арад түмэнөө шүүбэрилнэ, Израильтай Тэрэ тэмсэжэ байна.
