Иоов 42:8 - Библи

⁸ Иимэһээ та гурбан долоон буха, долоон тэхэ Иоовоор нядалуулан, Намда түгэс шатаалта үргэл үргэгты. Удаань Иоов таанарай түлөө Намһаа хүлисэл гуйха болоно. Таанар Иоовтой адли Нам тухай үнэн үгэ хэлэжэ шадаагүй хадаа хүндэ шиидхэл абаха ёһотойт. Гэбэшье Иоовой гуйлта Би дуулабал, таанарые хэһээлтэгүй орхихоб.

Иоов 42:8 Iomraidhean Croise

Эхин 20:17

Тиигээд Абраһаам Абимээлэхэй түлөө Бурханиие гуйжа, мүргэн зальбарба. Тиихэдэнь Абимээлэхэй бэень урдынхиһаа үлүү энхэ элүүр болобо. Абраһаамай һамган Саррые ордондоо оруулһан ушарһаань Абимээлэхэй хатаниие, шэбэгшэнэрыень Эзэн үрэгүй болгожо, тэдэ хээлитэй болохоёо болиһон юм. Харин Абраһаамай гуйхада, Эзэн тэдэниие дахин үрэтэй болгожо, тэдэ үхи хүүгэдые түрэжэ эхилбэ.

Эхин 20:7

Зүгөөр ши мүнөө тэрэниие үбгэндэнь бусаа. Тэрэшни лүндэншэ хүн, шинии амиды үлэхын тула уншалга хэхэ, тиихэдэнь Би шамайе амиды мэндэ үлөөхэб. Хэрбээ тэрэниие үбгэндэнь бусаагаагүй һаа, өөрөөшье, шинии хамаг угшье хосорхо!

1 Угай бэшэг 15:26

Бурханай хэлсээнэй ханза үргэн ябаһан левидүүдтэ Бурхан туһалан байгаа. Тэдэ Тэрээндэ үргэл болгон, долоон тугал, долоон хурьга үргэбэ.

2 Угай бэшэг 29:21

Захиралтын ёһоор, хаан угай, Иудын хан түрын нүгэл сагааруулгын ба нангин үргөө сэбэрлэхын тула долоон буруун, долоон хуса, долоон хурьган, долоон тэхэ асарагдаба. Эзэнэй үргэлэй шэрээ дээрэ түгэс шатаалта үргэл үргэхэ тухай хаан Аһарооной үри һадаһадта, санаартадта, захирба.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Иоов 1:8

«Минии зараса Иоовые хараа гүш? Тэрээн шэнги гэм зэмэгүй, үнэн шударга, Бурханда һүгэдэн бэшэрдэг, бузар мууһаа зайладаг хүн дэлхэй дээрэ үгыл», – гэжэ Эзэн айладаба.

Иоов 22:30

Тэрээнһээ байтагай гэмтэй хүнэй зүгһөө шинии зууршалбал, Тэрэ шамайе һанан шиидхэлһээ тэрэниие сүлөөлхэ.

Иоов 35:8

Гэмтэ ябадалаараа өөртэйгөө адли бусад хүнүүдыел хохирооно бэзэт. Һайн үйлэ хэбэл, хүнүүдтэ туһатай. Харин юртэмсын Эзэндэ энэ бүхэн хамаагүй.

Иоов 42:9

Тэмаан хотын Элипааз, Шууһаа обогой Билдаад, Наамаа обогой Цопаар Эзэнэй хэлэһэниие ёһолон дүүргэбэ. Тиигээд Иоов гурбан нүхэдэйнгөө түлөө хүлисэл гуйжа, Эзэн анхаран шагнаба.

Псалманууд 103:10

Та тала нюрууда булагуудые орьёлуулнат, хада уулануудай дундуур тэдэ урдана.

Египедһээ гаралга 18:12

Моисейн хадам эсэгэ Итроо түгэс шатаалта үргэл, хоолдо хүртэлсэдэг үргэл Эзэндэ үргэбэ. Үргэлдэ Аһароон болон Израилиин ахамад түрүүшүүл байлсаба, Бурханай урда хоол барилсаба.

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Ерэмияа 14:11

Эзэн намда айладхаба: – Эдэ зоной һайн байха тухай Намда ши бү зальбара!

Ерэмияа 15:1

Тиигээд Эзэн намда: – Моисей, Самуил гэгшэдэйшье Минии урда зогсожо байгаа һаань, Би энэ арад түмэниие хайрлахагүйб. Энэ арад зониие Минии хажууһаа зайлуула, тэдэниие ябуул!

Эзэкээл 14:14

Ной, Даниил, Иоов гэдэг гурбан хүнэй тэндэ ажаһуугаашье һаань, зүб арюун ябадалынь гансал өөһэдыень абарха. Энэ болбол Би, Эзэн Бурхан, айладхана мүн!

Эзэкээл 45:23

Һайндэрэй долоон хоногой туршада үдэр бүри тэрэ долоон буруу, долоон хуса Намда зорюулан, түгэс шатаалта үргэл болгон үргэхэ юм. Нүгэл сагааруулгын үргэл болгон үдэр бүри долоон хоногой туршада тэрэ тэхэ үргэхэ ёһотой. Үргэлэй мал ямаршье эрэмдэггүй байха зэргэтэй.

Тоололго 23:1

Балаһаам Балаагта иигэжэ хэлэбэ: – Ши намда энэ үндэртэ долоон үргэлэй шэрээ баряад, долоон эрэ тугал, долоон эрэ хурьга үргэлдэ бэлдэ.

Тоололго 23:14

Балаак тэрэниие дахуулаад, Пиисгаа хадын оройдохи харуулай газарта абаашаад, тахилай долоон шэрээ барюулба. Үргэлэй шэрээ бүхэндэ нэгэ эрэ тугал, нэгэ эрэ хони асаруулба.

Тоололго 23:29

Балаһаам Балаагта иигэжэ хэлэбэ: – Долоон үргэлэй шэрээ намда эндэ баряад, долоон эрэ тугал, долоон эрэ хурьга эндэ асаруула.

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Тимофейдэ 2-дохи 4:14

Түмэр дархан Александр намда ехэл муу юумэ хээ һэн. Эзэн хэһэн зэргээрнь тэрээндэ харюулаг лэ.

Еврейнүүдтэ 7:25

Тиимэһээ зониие үргэлжэ абаржа байха аргатай Тэрэ санаарта хэтын хэтэдэ амиды байжа, Тэрээгүүр дамжан Бурханда ерэһэн хүнүүдэй түлөө Бурханай урда гуйдаг.

Яковай хандалга 5:14

Хэн нэгэнэйтнай үбдөө һаа, һүзэглэгшэдэй бүлгэмһөө хүтэлэгшэдые дуудагты. Тэдэнэр Эзэнэй нэрэ алдарые дуудан, үбшэн хүнэй толгойдо оливай тоһо түрхеэд, хажуудань зальбарха.

Яковай хандалга 5:16

Эдэгэхэ гэбэл, бэе бэедээ нүгэлөө хөөрөөд, бэе бэеынгээ түлөө зальбарагты: үнэн сэдьхэлтэнэй зальбаралга ехэ юумэ хэхэ аргатай.

Иоаннай 1-дэхи хандалга 5:16

Хэрбээ ахань үхэлдэ хүргэдэггүй нүгэл хэнэ гэжэ мэдэжэ, хаража байһан хүн Бурханда мүргэг, тиихэдэнь Бурхан тэрээниие амиды байлгаха. Үхэлдэ хүргэдэггүй нүгэл хэһэн хүн тухай эндэ би хэлэжэ байнаб. Харин үхэлдэ хүргэдэг нүгэл гэжэ бии. Тиимэ нүгэл хэгшэдэй түлөө зальбарха ёһотой гэжэ би эндэ хэлэнэгүйб.

Иоаннай 1-дэхи хандалга 5:6

Тэрэ бидэндэ уһа шуһан хоёрой ашаар ерээ. Тэрэмнай Иисүүс Христоос мүн. Иисүүс уһанһаа гадна, уһа шуһан хоёртой хамта ерээ. Энээниие Арюун Һүлдэ гэршэлнэ, яахадааб гэбэл, Арюун Һүлдэ үнэн бодото зүйл мүн.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.

1 Хаан түрэнүүд 25:35

Иигэжэ Давид Абигааһилай гарһаа асарһан юумыень абаад: – Гэртээ амгалан тайбан бусаарай. Зай, би шинии хэлэһые дуулааб, шинии гуйлтые дүүргэхэб, – гэбэ.