13 Би мүнөө аниргүй хэбтээд, нойрсожо амарха байгаа ха юмбиб.
Хизааргүй харанхы ба гүн һүүдэрэй орон руу ошохымни урда хэшээгыт.
Нюдэ балай һүни тэрэнэй хажууда юуншье бэшэ. Эхи захагүй байдал, гүн харанхы тэндэ зонхилно» гэжэ хэлэнэм.
Хүсэтэ Танай эсэргүүсэл хүн удаан тэсэхэгүй. Аалихан доройтоһоор амидаралһаа халин зайладаг.
Удангүй би үхэжэ, энэ дэлхэйдэ дахин бусажа ерэхэгүй ушарһаа энэл намда шухала байна.
Хуурсагай нүхөөр би гэр хэжэ, тэндэл унтажа амархамни.
Юундэб гэхэдэ, намда Абарагша бии. Тэрэ һүүлдэнь намайе хамгаалхаа ерэхэл.
Тиимэ зон наһан соогоо өөдэргэ амидараад, һанаан тэгшэ үхэлэй газарта ошодог.
Зарим хүн элүүр шамбай, тарган садхалан, һанаан тэнигэр ябаһаар үхэдэг.
Гэбэшье хэнииньшье үхэжэ булагдаад, үтэ хорхойдо эдюулээд үнгэрдэг.
Ган болон халуунай уһа саһа хайлуулан шэргээһэндэл адли нүгэл үйлэдэгшэд һүнэжэ, Үхэлэй орон тэдэниие залгиг.
Түрэһэн эхэнь тэдэниие мартаг. Үтэ хорхой үхэһэн бэедэнь найрлан сэнгэг. Тиин хамаг муу муухай хатан үмхирһэн модон шэнги унаг.
Бурханай үмэнэ газарай гүн доро хүлгүй оёор, бунханда ороһон хүнэй һүнэһэн айһандаа шэшэрэлдэжэ байдаг.
Үхэлэй орон Тэрэнэй хараса доро ямаршье хаалтагүй, Үхэл Тэрэнэй урда һалганана.
Юундэ үбдэг дээрэ бөөмэйлэн эхын хүхэнүүд эдеэлүүлхэ гэжэ хүлеэн абааб?!
Хэншье харааһаань зайлажа шадаагүй, гүн харанхыдашье нюугдаха газар байхагүй.
Би Танда тиимэ хэсүүгээр үзэгдэнэ гээшэ гүб? Та юундэ хэһэн гэмыем сагаадханагүй гээшэбта? Удахагүй үхэхэ намайе хүлисэхэнь дээрэ бэшэ юм гү? Эсэ тиигэбэл намайе энэ дэлхэйдэ бэдэрээд олохогүйт.
Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.
Дайн дажарай зэр зэбсэгтэйнь хамта, тэрэ тоодо һэлмыень толгой доронь хэжэ, хүдөөлүүлһэн баатарнуудтал адляар тэдэниие хүдөөлүүлөө бэшэ. Харин тэдэ баатарнууд дайсадаа угаа ехээр һүрдөөгшэ бэлэйл.
