Иоов 23:7 - Библи

⁷ Хэншье шударга үнэн хэрэгэй түлөө Тэрээнтэй арсалдахадань яахаб. Тиин минии гэмгүй болохымни хүлеэн зүбшөөжэ, Өөрын шүүлгэһээ намайе сүлөөлэн табиха һэн.

Иоов 23:7 Iomraidhean Croise

Иоов 13:16

Бурхангүй хүнүүд Тэрэнэй урда ошожо шадахагүй, би урдань ошобол – абарал олохоб.

Иоов 13:3

Гэбэшье намда маргаха хэрэг байхагүй. Би Түгэс Хүсэтэ Эзэнтэй ярилсахые хүсэжэ байнам. Тэрээнтэй арсалдаха дуран хүрэнэ.

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Иоов 9:15

Буруу бэшэшье һаа, би харюу үгэжэ шадахагүйб. Агуу шүүгшэһээ үршөөл гуйхамнил үлэнэ.

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Ерэмияа 12:1

Эзэмни, минии Тантай зарга хэрэг ябуулаа һаа, Та хододоо үнэн зүб байхат. Гэбэшье Би Тантай үнэн шударгы ёһын хэрэгүүд тушаа адхаг һэжэгтэ баригдан хөөрэлдэхэ байнаб. Муу ябадалтайшуулда юундэ аза талаан туданаб, этигэлгүй, зүй буса зон юундэ хашалгүй амар байнаб?

Ерэмияа 3:5

Хододоо намда уурлажа, хэтэдээ энээниие досоогоо хадагалан байха юм аалта?» – гэнэш. Иигэжэ хэлээшье хадаа шадахысаа муу юумэ үйлэдэһөөр лэ байнаш.

Римэйхиндэ 8:1

Иисүүс Христоостой нэгэдэн һууһан хүнүүд мүнөө зэмэлэгдэхэгүй.