Иоов 23:10 - Библи

¹⁰ Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Иоов 23:10 Iomraidhean Croise

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

2 Хаан түрэнүүд 22:22

Юуб гэбэл, Эзэнэй замһаа хадуураагүй, өөрын Бурханһаа буруу харан, мууе хээгүйм түлөө.

4 Хаан түрэнүүд 20:3

– Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

Иоов 10:7

Иихэдээ эгээлэй хүнүүдтэ адляар намда хандахадаа хамагые хаража байдаг Бурхан бэшэ болоно гүт? Буруугүй болохыем Та мэдэнэт. Танай мутарһаа хэн намайе һалгажа шадахаб? Хэншье һалгажа шадахагүй.

Иоов 23:7

Хэншье шударга үнэн хэрэгэй түлөө Тэрээнтэй арсалдахадань яахаб. Тиин минии гэмгүй болохымни хүлеэн зүбшөөжэ, Өөрын шүүлгэһээ намайе сүлөөлэн табиха һэн.

Иоов 23:9

Урда, хойто зүгтэ хүсэ шадалынь харагдабашье, намда Өөрөө үзэгдэхэ гэжэ алга.

Иоов 31:4

Тэрэ ябаһан харгыем хёрхоор адаглан, алхам бүхэниием алданагүй бэшэ аал?

Иоов 31:6

Үнэн шударгыгаар шүүжэ үзөөд гэмгүйемни тогтооно.

Иоов 6:29

Энэ байдалые эрьюулэн бодобол, гомдохо хүниинь би гээшэб.

Иоов 7:18

Юундэ тэрэниие үглөө бүри үзэжэ, агшан бүридэ анхарна гээшэбта?

Псалманууд 1:6

Юуб гэбэл, Эзэн зүб шударга зоной замые хинадаг, харин хорото муу зон үхэлэй харгыгаар шэглэдэг.

Псалманууд 11:5

Тэдэ «Ярихадаа бэрхэбди, хэлэмнай – манай зэр зэбсэг, хэншье маанадта захиржа шадахагүй» гэнэ.

Псалманууд 17:3

Эзэн хадаа минии хабсагай, минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни.

Псалманууд 7:9

Та арадуудые шүүхэт. Эзэн, миниишье зарга хэрэгые шиидхыт: би гэмгүйб, зүб гээшэб.

Һургаал 17:3

Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Ерэмияа 12:3

Харин, Эзэн, Та намайе мэдэнэт, минии юу хэдэгые харанат, Танда дуратайем ойлгонот. Үүсэлэгдэхэ хонид мэтээр тэдэниие шэрэжэ, һалгаагдаха үдэр хүрэтэрынь тэдэниие тусгаар харууһалыт.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Иоанн 21:17

Иисүүс тэрээнһээ гурбадахияа: – Иоаннай хүбүүн Симон, ши Намда дуратай гүш? – гэжэ һураба. Намда дуратай гүш гэжэ Иисүүсэй гурбадахияа һурахадань, Пётрой досоо уйдхартай байба. – Эзэн, Та бултыень мэдэнэт. Танда минии дуратайе мэдэнэ ха юмта, – гэжэ Иисүүстэ Пётр харюусаба. Иисүүс тэрээндэ: – Минии хонидые харууһалжа бай.

Коринфынхидтэ 1-дэхи 3:15

Хэрбээ хүнэй ажалынь галда шатабал, тэрэ хүн гарзада орохо, тиигэбэшье тэрэ хүн өөрөө абарагдаха, галда шатахаһаа абарагдаха гэжэ хэлэхэдэ болохо.

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Еврейнүүдтэ 11:17

Бурханай Абраһаамые туршахадань, этигэл һүзэгөөрөө тэрэ Исаак хүбүүгээ тахил болгон үргөө. Бурхан Абраһаамда найдуулга үгөө, тиимэһээ Абраһаам ганса хүбүүгээ тахил болгон үргэхэдэ бэлэн байгаа.

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.