Иоанн 7:29 - Библи

²⁹ Харин Би Тэрээниие мэдэхэб, ушарынь нэрлэбэл, Би Тэрээнһээ ерээб, Намайе Тэрэ эльгээгээ, – гэжэ шангаар дуугарба.

Шэнэ Хэлсээн

²⁹ Харин би тэрээниие мэдэхэб, ушарынь нэрлэбэл, би тэрээнһээ ерээб, намайе тэрэ эльгээгээ юм, – гэжэ шангаар дуугарба.

Иоанн 7:29 Iomraidhean Croise

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 10:15

Эсэгэмни Намайгаа мэдэдэгтэл адли, Бишье Эсэгэеэ мэдэдэгби. Би Өөрын хонидой түлөө ами наһаяа үгэнэб.

Иоанн 13:3

Эсэгэмни бүхы юумэ Намда үгөө, Би Бурханһаа ерээб, мүнөө иигээд һөөргөө бусахамни гэжэ Иисус мэдэжэ байгаа.

Иоанн 17:18

Дэлхэйн зондо Намайе Танай эльгээһэндэл адли, Би тэдэниие баһал энэ дэлхэйн зондо эльгээгээб.

Иоанн 6:46

Теэд Эсэгые хэншье хараагүй юм. Тэрэниие Бурханһаа Ерэгшэл гансаараа хараа.

Иоанн 8:55

Теэд таанар Минии Эсэгые мэдэнэгүйт, харин Би Тэрэниие мэдэнэб. Хэрбээ Би Тэрэниие мэдэхэгүйб гээ һаа, Би таанартайл адли худалша болохо һэм. Теэд Би Тэрэниие мэдэхэб, Тэрэнэй хэлэдэг үгэнүүдые бэелүүлнэб.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

Иоаннай 1-дэхи хандалга 4:14

Эсэгэ Бурхан газар дэлхэйе Абарагша болгон, Хүбүүгээ эльгээгээ гэжэ бидэ хараабди, гэршэлэн баталнабди.

Иоаннай 1-дэхи хандалга 4:9

Бидэндэ дуратай байдагаа Бурхан иигэжэ харуулаа: Хүбүүгээрнь дамжан бидэнэй мүнхэдөө амиды ябахын тула Бурхан ори ганса Хүбүүгээ газар дэлхэйдэ эльгээгээ.