Иоанн 7:26 - Библи

²⁶ Теэд харыта, Энэ хүн һургаалаа нюунгүй сэхэ номнонол. Хэншье Тэрэниие хориногүйл… Энэ хүн үнэхөөрөө Бурханай табисуурта байна гэжэ, магад, засагаархиншье ойлгоо хаяа?

Шэнэ Хэлсээн

²⁶ Теэд харыта, энэ хүн һургаалаа нюунгүй сэхэ номножо байнал. Хэншье тэрэниие хориногүйл... Энэ хүн үнэхөөрөө Бурханай табисуурта байна гэжэ, магад, засагаархиншье ойлгоо гээшэ хаяа?

Иоанн 7:26 Iomraidhean Croise

Һургаал 28:1

Муу хүн хүнэй мүрдөө мүшхөөгүй байхада зугадажа ябадаг, үнэн шударга хүн арсалан шэнги доро зүрхэтэй.

Исай 42:4

Тэрэ зүрхэ алдахагүй, урма зоригоо хухархагүй, дэлхэй дээрэ зүб шударга гурим тогтоохо. Холын нютагууд Тэрэнэй хуулиие найдан хүлеэнэ.

Матвей 22:16

Фарисейнүүд өөрынгөө шабинарые Иродэй талынхидтай хамта Иисүүстэ эльгээжэ: – Багша аа! Та үнэн сэхые хэлэдэгта, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди.

Лука 23:13

Пилат түрүү санаартаниие, ноёдые, арад зониие дуудажа хэлэбэ:

Лука 7:30

Харин Иоаннай һургаһанай ёһоор уһаар арюудхуулхаһаа арсаһан фарисейнүүд болон Хуули заадаг багшанар Бурханай айладхаһан зарлигые дуулаха дурагүй байба.

Иоанн 12:42

Ахамадуудайшье дунда Иисүүстэ этигэһэн хүн үсөөн бэшэ һэн, харин энээн тухайгаа сэхэ хэлэхэеэ фарисейнүүдһээ түбэгшөөдэг, мүргэлэй гэрһээ намнуулхабди гэжэ айдаг байгаа.

Иоанн 18:20

– Би бүгэдэ зоной урда сэхэ хэлэдэг һэнби. Би мүргэлэй гэрнүүд соо ба Һүмэ соо хододоо һургаалаа номногшо һэм. Тэндэ бүхы еврейнүүд ерэдэг һэн, – гэжэ Иисүүс харюусаба. – Нюуса юумэ Би огто хэлээгүйб.

Иоанн 3:1

Еврейнүүдэй ахамадай нэгэн болохо Никодим гэжэ фарисей байгаа.

Иоанн 4:29

– Наһаараа хэһэн бүхы юумэнүүд тухаймни намда хэлэжэ үгэһэн Хүниие таанар ошожо харагты. Магад, Тэрэ Бурханай табисуурта аалам? – гэжэ дуулгаба.

Иоанн 7:25

Иерусалимда байгшадай зариманиинь иигэжэ хэлэбэ: – Энэл хүниие засаг баригшад алахаяа һанана бэшэ аал?

Иоанн 7:31

Теэд олон юрын зон Тэрээндэ этигэһэн байна. – Бурханай табисуурта ерэхэдээ, Энэ хүнһөө үлүү ехэ дүлгэ тэмдэг харуулжа шадаха аал? – гэжэ тэдэ зон хэлсэбэ.

Иоанн 7:48

Теэд ахамадуудай дундаһаа гү, али фарисейнүүдэй дундаһаа нэгэшье хүн Тэрээндэ этигээ аал?

Иоанн 9:22

Хүбүүнэй түрэлхидынь юундэ тиигэжэ харюусааб гэбэл, еврейнүүдэй ахамадуудһаа айгаа. Ушарынь хэлэбэл, Иисүүсые Бурханай табисуурта гэжэ тоолодог хүн бүхэниие мүргэлэй гэртэ оруулхагүй гэһэн шиидхэбэри тэдэ ахамадууд гаргаад байгаа.

Хэрэгүүд 4:13

Зоригтой дорюун Пётр Иоанн хоёрые эрдэм номгүй юрын хүнүүд байна гэжэ ойлгоходоо, Зүблэлэй гэшүүд түрүүшээр ехээр гайхалсажа, һүүлээрнь Иисүүстэй ябаһан хүнүүд байна гэжэ ажаглан тэмдэглэбэд.

Филиппынхидтэ 1:14

Түрмэдэ һууһан ябадални һүзэглэгшэдэй олоной һүзэг бүри бэхижүүлбэ, тэдэнэр бүри зоригтойгоор, айлтагүйгөөр Бурханай мэдээсэл номножо захалба.