Иоанн 5:30 - Библи

³⁰ Би Өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин Минии зарга шүүбэри – үнэн зүб юм, ушарынь гэбэл, Би Өөрынгөө дураар юумэ хэнэ бэшэб, харин Намайе эльгээгшэ Эсэгын дура хүсэлөөр болоноб.

Шэнэ Хэлсээн

³⁰ Би өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин минии зарга шүүбэри – үнэн зүб юм, ушарынь гэбэл, би өөрынгөө дураар юумэ хэнэ бэшэб, харин намайе эльгээгшэ Эсэгын дура хүсэлөөр болоноб.

Иоанн 5:30 Iomraidhean Croise

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

Исай 28:6

Шүүгшэдтэ зүб шударга байха сэдьхэл, хотын бартаануудые дайсадһаа хамгаалжа байгаашадта шэн зориг Тэрэ үршөөхэ.

Цэпаанияа 3:15

Эзэн шам тушаа шиидхэбэреэ болюулаа! Дайсадыеш зайлуулаа! Израилиин хаан, Эзэн таанартай хамта! Саашадаа таанар юунһээшье айхагүйт.

Матвей 26:39

Тиигээд тээ хажуу тээшээ ошожо, уруугаа харан газар дээрэ хэбтээд: – Эсэгэмни! Хэрбээ арга бии һаа, энэ аягаһаа амсуулангүй, иимэ ехэ зоболон намһаа зайлуулыт даа. Гэбэшье Минии дура хүсэлөөр бэшэ, харин Танай эрхэ хүсэлөөр болог лэ, – гэжэ зальбарба.

Иоанн 14:10

Би Эсэгэ соогоо байнаб, Эсэгэмни Минии досоо байдаг гэжэ ши этигэнэгүй гүш? Теэд таанарта хэлэдэг үгэнүүдээ Би Өөрһөө хэлэнэгүйб, тэрэ Минии досоо оршодог Эсэгэмни ажаллана.

Иоанн 17:4

Намда даалгаһан ажал хэрэгыетнай бэелүүлэн, Би Таниие газар дээрэ суурхуулан нэрлүүлээб.

Иоанн 18:11

– Һэлмэеэ хуйдань хэ! Иимэ хуби заяа Эсэгэмни Намда үгөө. Энээнһээ Би арсаха аалби? – гэжэ Пётрто Иисүүс хэлэбэ.

Иоанн 4:34

– Намайе эльгээһэн Бурханай хүсэл дурыень бэелүүлэн, Намда даалгаһан ажалыень түгэсхэхэ – Минии хоол мүн, – гэжэ Иисүүс тэдэндээ ойлгуулба. –

Иоанн 5:19

Теэд Иисүүс тэдэндэ харюусаба: – Би таанарта үнэниие хэлэнэб: Хүбүүниинь Өөрынгөө дураар юушье хэжэ шадахагүй. Эсэгэнь хайшан гээд хэнэб, тэрээнииень хараад лэ Хүбүүниинь хэдэг. Эсэгэнь юу хэнэб, тиимэл юумэ Хүбүүниинь хэдэг.

Иоанн 6:38

Юундэб гэхэдэ, Өөрынгөө дураар юумэ хэхэеэ Би тэнгэриһээ буужа ерээ бэшэб, харин Намайе эльгээһэн Эсэгын дура хүсэлые бэелүүлхэеэ ерээб.

Иоанн 8:28

Иисүүс үргэлжэлүүлэн: – Хүн түрэлхитэнэй Хүбүүниие таанарай дээшэнь дэгдүүлхэдэ, Минии «Би» байһые, Өөрынгөө дураар юушье хэдэггүй байһые, Эсэгынгээл һургаһан ёһоор хэлэдэг байһыем таанар ойлгохот.

Иоанн 8:42

Иисүүс тэдээндэ харюусаба: – Хэрбээ Бурхан таанарай эсэгэ байгаа һаа, таанар Намда дуратай байха һэнта, юундэб гэбэл, Би Бурханһаа иишээ ерээб, Бурхандаа бусахаб. Би Өөрһөөн ерээгүйлби – Намайе Бурхан эльгээгээл!

Иоанн 8:50

Би Өөртөө алдар соло бэдэрнэгүйб, теэд Намда алдар соло бэдэрэгшэ ондоо Нэгэн бии, Тэрэл шиидхэнэ.

Римэйхиндэ 15:3

Юундэб гэбэл, Христоосшье ганса бэеэ бодожо байгаагүй. Харин: «Таниие доромжолһон баһалтанууд Нам дээрэ буугаа», – гэжэ Нангин Бэшэг соо бэшэгдэһэнэй ёһоор болоо.

Римэйхиндэ 2:2

Тиимэ мэтын юумэнүүдые үйлэдэжэ байһан хүнүүдые гэмнэн шүүбэрилжэ байһан Бурхан үнэн зүб юм гэжэ бидэ мэдэнэбди.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.