Иоанн 5:26 - Библи

²⁶ Эсэгэнь мүнхэдөө амидаралгын шанартай, тиин Хүбүүгээшье Тэрэнь иимэ шанартай болгоо.

Шэнэ Хэлсээн

²⁶ Эсэгэнь мүнхэдөө амидаралгын шанартай юм, тиин Хүбүүгээшье тэрэнь иимэ шанартай болгоһон байна.

Иоанн 5:26 Iomraidhean Croise

Псалманууд 36:9

Бузар муухай хэрэгүүдые үйлэдэгшэд усадхагдаха, харин Эзэниие хүсэн хүлеэгшэд газар нютагые уг залгамжалха. ו Ваав

Псалманууд 90:2

Эзэн тухай «Тэрэ болбол минии хорохо газар, минии цайза хэрэм, Бурхамни, найдални!» гэжэ хэлэгшэ,

Египедһээ гаралга 3:14

Бурхан Моисейдэ айладаба: – Би болбол БИ ХЭТЭДЭЭ ОРШОГШО гээшэб. Израиль угсаатанда «БИ ХЭТЭДЭЭ ОРШОГШО намайе таанадта эльгээгээ» гэжэл хэлээрэй.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Иоанн 10:18

Минии ами наһые хэншье хороохогүй, харин Би Өөрөө ами наһаяа үгэхэб. Би ами наһаяа үгэхэ эрхэтэйб, Би ами наһаяа һөөргэнь абаха эрхэ засагтайб. Эсэгэмни Намда тиигэжэ захяа юм.

Иоанн 11:25

– Би хадаа Амидыралга гээшэб, Ами наһан гээшэб. Намда этигэдэг хүн үхөөшье һаа, амиды болохо.

Иоанн 11:26

Намда этигэлтэй амидарһан ямаршье хүн хэзээдэшье үхэхэгүй. Ши энээндэ этигэнэ гүш?

Иоанн 14:19

Үшөө нэгэ хэды болоод, дэлхэйнхид Намайе харахагүй, харин таанар Намайе хаража, үзэжэ байхат; Би амиды байнаб, тиимэһээ таанаршье баһа амиды байхат.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 6:57

Намайе эльгээһэн Эсэгэмни мүнхэдөө амидаралгын шанартай юм. Тэрэ Минии амидаралай эхин болоно. Энээндэл адли, Би Намайе эдидэг хүнэй амидаралай эхин байхаб.

Иоанн 8:51

Таанарта үнэн сэхэ хэлэнэб: Минии һургаалаар ябадаг хүнүүд хэзээдэшье үхэхэгүй!

Хэрэгүүд 17:25

Хүнэй ямаршье туһаламжа Бурханда хэрэггүй. Тэрэ Өөрөө амитай бүхы юумэндэ ами наһа, амисхал, бүгэдые үгэнэ.

Коринфынхидтэ 1-дэхи 15:45

«Түрүүшын хүн, Адаам, амитай болоо, харин һүүлшын Адаам ами хайрладаг Һүлдэ юм», – гээд Нангин Бэшэг соо хэлэгдэнэ.

Тимофейдэ 1-дэхи 1:17

Хэтэдээ амиды, нюдэндэ харагдадаггүй мүнхын Хаан, ори ганса Бурхан хэтын хэтэдэ хүндэтэй, алдар солотой байг лэ. Болтогой!

Тимофейдэ 1-дэхи 6:16

Бурхан гансаараал мүнхэ юм, Тэрэ хэнээшье хүрэхэгүй гэрэл туяада байдаг. Нэгэшье хүн Тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!

Еврейнүүдтэ 1:2

Харин һүүлшын эдэ үдэрнүүдтэ Тэрэ Хүбүүгээрээ дамжуулан бидэндэ хэлэнэ. Бурхан Хүбүүнэйнгээ ашаар замбуулин дэлхэйе бүтээжэ, бүхы юумые залгамжалхаар Тэрэнээл һунгаа.

Гэршэлгэ 21:6

Намда тэрэ хэлэбэ: – Бүтэбэ! Би Альфа, Омега гээшэб, Түрүүшынхинь, Һүүлшынхинь гээшэб. Ундаа хүрэһэн хүндэ амидаралай булагай уһанһаа миинтэ уулгахаб.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:17

Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».