Иоанн 5:18 - Библи

¹⁸ Тиихэдэнь еврейнүүдэй ахамадууд Иисүүсые алаха гэжэ бүри ехээр оролдобо: хорюултай байһан субботын үдэр ажаллахаһаа гадна, Бурханиие Эсэгэмни гэхэдээ, Өөрыгөө Бурхантай зэргэсүүлбэ гэлдэбэ.

Шэнэ Хэлсээн

¹⁸ Тиихэдэнь еврейнүүдэй ахамадууд Иисусые алаха гэжэ бүри ехээр оролдобо: хорюултай байһан субботын үдэр ажаллахаһаа гадна, Бурханиие Эсэгэмни гэхэдээ, өөрыгөө Бурхантай зэргэсүүлбэ гэлдэбэ.

Иоанн 5:18 Iomraidhean Croise

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Матвей 12:5

Мүн суббото бүхэндэ Һүмэ соо алба хэжэ байһан санаартан субботын үдэрэй тогтоол эбдэнэ гэжэ Моисейн Хуули соо хэлэгдэһые таанар уншаагүй аалта? Тиигэһэншье мүртөө тэдэнэр зэмэгүй гээшэ гү?

Иоанн 1:19

«Ши хэн гээшэбши?» гэжэ Иоаннһаа һураад ерэхыень еврейнүүдэй ахамадууд Иерусалимһаа санаартаниие болон левидүүдые эльгээбэ.

Иоанн 10:30

Эсэгэ бидэ хоёр нэгэн хамтабди.

Иоанн 10:33

– Бидэ Таниие һайн юумэ хэһэнэйтнай түлөө бэшэ, харин Бурханиие доромжолһонойтнай түлөө шулуудажа алахабди! Та юрын хүн аад, Өөрыгөө Бурханби гэжэ айладханат.

Иоанн 14:23

Иисүүс харюусаба: – Намда дуратай хүн Минии һургадаг ёһоор ябаха, тиихэдэнь Минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Иоанн 14:9

– Филипп, ши Намайе мэдэнэгүй гүш? Би таанартай хамта иимэ удаан саг соо байналби! Намайе хараһан хүн Эсэгыемнишье хараба гээшэ. Харин ши юундэ «Эсэгэеэ бидэндэ харуулыт» гэнэбши?

Иоанн 19:7

– Манай Хуулиин ёһоор энэ Хүн үхэхэ ёһотой, юундэб гэхэдэ, Өөрыгөө Бурханай Хүбүүнби гэжэ айладхана, – гэжэ еврейнүүд харюусаба.

Иоанн 5:15

Тиихэдэнь тэрэ хүн ахамадуудта һөөргөө ошожо, намайе Иисүүс эдэгээгээ гэжэ дуулгаба.

Иоанн 5:16

Иимэ юумэ субботодо хэһэнэйнь түлөө еврейнүүдэй ахамадууд Иисүүсые мүрдэжэ захалба.

Иоанн 5:17

Теэд Иисүүс тэдэндэ: – Минии Эсэгэ хододоо ажаллажа байдаг, Бишье баһал ажалланаб, – гэжэ харюусаба.

Иоанн 7:1

Удаань Иисүүс Галилейгээр ябаба. Иудейдэ ошохогүй гэжэ Тэрэ шиидэбэ, юундэб гэхэдэ, Иудейн ахамадууд Тэрэниие алаха һанаатай байгаа.

Иоанн 7:19

Моисей таанарта Хуули үгөө бэшэ аал? Теэд таанарай хэнтнайшье тэрэ Хуули сахинагүйл! Юундэ таанар Намайе алахаяа һананабта?

Иоанн 8:54

– Хэрбээ Би Өөрөө Өөрыгөө алдаршуулжа байгаа һаа, Минии алдар нэрэ юуншье бэшэ. Теэд Намайе Минии Эсэгэ алдаршуулна, таанар Тэрээниие өөһэдымнай Бурхан гэжэ нэрлэнэт!

Иоанн 8:58

– Таанарта үнэн зүбые хэлэнэб: Би Абраһаамай үшөө түрөөдүйдэ байгааб, байнашьеб, – гэжэ Иисүүс харюусаба.

Филиппынхидтэ 2:6

Тэрэ анханһаа Бурханай шанартай аад, Бурхантай нэгэ зиндаада байха ёһотойб гэжэ Өөр тухайгаа бодоогүй.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:3

Бурханай хараалда хүрэмөөр муу юумэн тэндэ хэзээдэшье болохогүй. Бурханай ба Үргэлэй Хурьганай хаан шэрээ тэрэ хотодо байха. Бурханай зарасанар тэрээндэ алба хэхэ байна.