Иоанн 3:5 - Библи

⁵ – Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха!

Шэнэ Хэлсээн

⁵ – Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха!

Иоанн 3:5 Iomraidhean Croise

Матвей 18:3

хэлэбэ: – Хэрбээ таанар хубилжа, үхибүүдтэ адли болоогүй һаа, Огторгойн хаан орондо орохогүйт гэжэ баталан хэлэнэб.

Матвей 19:24

Баян хүнэй Бурханай хаан орондо орохоһоонь бэлээр зүүнэй һүбөөр тэмээн ороод гарахал гэжэ таанарта дабтан хэлэхэб, – гээ бэлэй.

Матвей 21:31

Эдэ хоёр хүбүүдэй алиниинь эсэгынгээ хүсэһэниие дүүргээб? – гэжэ Иисүүсэй һурахадань, Тэрээндэ: – Ехэ хүбүүниинь, – гэжэ харюусаба. Тиихэдэнь Иисүүс тэдэндэ хэлэбэ: – Алба татаашад, мүн янхан эмэнүүд таанарай түрүүндэ Бурханай хаан орондо орохо гэжэ үнэниие хэлэнэб.

Матвей 28:19

Зай, ошожо, бүхы арадуудта Минии һургаал айладхагты, Эсэгын, Хүбүүнэй, Арюун Һүлдын нэрээр тэдэниие уһаар арюудхагты.

Матвей 3:11

Нүгэлөө гэмшэһыетнай баталан би таанадые уһаар арюудханаб, теэд минии хойноһоо Заларан Ерэгшэ таанадые Арюун Һүлдэ гал хоёроор арюудхаха. Тэрэ намда орходоо агууехэ. Би Тэрэнэй гуталыеньшье абажа ябаха эрхэгүйб.

Матвей 5:20

Хэрбээ таанар Бурхантай баталһан Хэлсээе Хуули заадаг багшанарһаа, фарисейнүүдһээ үлүү һайнаар дүүргэдэггүй һаа, Огторгойн хаан орондо орохогүйт гэжэ баталан хэлэнэб.

Марк 10:14

Тиигэхыень хараад, Иисүүс уурлажа: – Үхибүүдые наашань табигты, Намда ерэхэдэнь һаалта бү хэгты. Эдэ үхибүүдтэл адли зон Бурханай хаан түрын мэдэлдэ юм.

Марк 16:16

Намда этигэһэн, уһан арюудхалгада хүртэһэн хүн бүхэн абарагдаха. Харин Намда этигэхэеэ арсаһан хүн бүхэн гэмнэгдэхэ.

Марк 9:47

Хэрбээ нюдэнэйшни шамайе нүгэлдэ оруулаа һаань, тэрэнээ һуга тата. Хоёр нюдэтэйгөө гал тама руу хаюуланхаар, үрөөһэн нюдэтэйгөө Бурханай хаан түрэдэ ороболшни шамда дээрэ.

Лука 13:24

– Бурханай хаан түрэдэ орохо хаалга уйтахан. Тэрээгээр орохоор зүдхэгты. Олохон хүн орохо гэжэ оролдоошье һаа, орожо шадахагүй.

Лука 13:3

Тиимэ бэшэ даа! Харин таанад Бурханда хандан, эрид хубилаагүй һаа, бултадаа тэдээн шэнгеэр хосорхот гэжэ мэдэгты!

Лука 13:5

Тиимэ бэшэ даа! Теэд хэрбээ таанад Бурханда хандан, эрид хубилаагүй һаа, булта эгээл тиигэжэ хосорхот!

Иоанн 1:13

Тэдэ хүнэй хүсэл дуранһаа, эрын хүсэлэнһөө бүрилдөөгүй, харин Бурханһаа түрөө.

Иоанн 3:3

– Дахин түрэһэн лэ хүн Бурханай хаан орониие үзэхэ гэжэ Би шамда үнэниие хэлэнэб! – гэжэ Иисүүс тэрээндэ харюусаба.

Иоанн 3:4

– Наһаяа хүсэһэн хүн яагаад дахин түрэхэ юм? Тиимэ хүн эхын умайда дахин орожо, хоёрдохиёо түрэхэгүй бшуу, – гэжэ Никодим Тэрээндэ хэлэбэ.

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэн Иисүүс Христоосой нэрэ алдараар уһаар арюудхуулаг. Тиихэдээ таанад Бурханай үршөөһэн Арюун Һүлдэдэ хүртэхэт.

Хэрэгүүд 3:19

Нүгэл шэбэлээ Бурханаар хүлисүүлхэ гэбэл, таанад нүгэл хэхэеэ болижо, Бурханда хандагты.

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Римэйхиндэ 8:2

Ушарынь юуб гэбэл, Иисүүс Христоостой хамта ажамидаруулжа байһан Һүлдын хуули намайе нүгэлэй ба үхэлэй хуулиһаа сүлөөлөө.

Коринфынхидтэ 1-дэхи 15:50

Махабад бэе шуһан хоёрһоо бүтээгдэһэн юумэн Бурханай хаан түрые залгамжалха аргагүй, үмхиржэ хосордог юумэн үмхирдэггүй мүнхэ юумые залгамжалха аргагүй гэжэл би таанадта хэлэхэ һанаатайб.

Коринфынхидтэ 1-дэхи 2:12

Бидэ энэ дэлхэйн зондол адляар бодомжолхогүйн тула энэ дэлхэйн һүлдые тогтоожо абаагүй хүмди, зүгөөр Бурханай эльгээһэн Һүлдые тогтоожо абаа хүмди, тиимэһээ Бурханай маанадта үршөөһэн бүхы юумые мэдэхэбди.

Коринфынхидтэ 1-дэхи 6:11

Танай заримантнай урдань тиимэл нүгэлтэн байгаа. Гэхэдээ таанад нүгэлнүүдһээ арилгагдаһан, Бурханда зорюулагдаһан, Эзэн Иисүүс Христоосой ба манай Бурханай Һүлдын ашаар Бурханай урда сагааруулагдаат.

Галадуудта 6:15

Отолуулһан гү, али отолуулаагүй гү – тэрэнь ямаршье хамаагүй. Шэнэ хүн бии боложо мүндэлһэниинь лэ шухала юм.

Эфесэйхиндэ 5:26

Һайн мэдээсэл номнон, уһаар мэтэ үгөөрөө сэбэрлэн, һүзэглэгшэдэй бүлгэмые Бурханда зорюулхын тула Христоос ами наһаяа үгөө.

Пётрой 1-дэхи хандалга 1:2

Иисүүс Христоосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, Тэрэнэй Арюун Һүлдын ашаар арюудхагдаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

Пётрой 1-дэхи хандалга 3:21

Тиигэжэ уһанһаа абарагдаһаниинь мүнөө бидэниие абаржа байдаг уһан арюудхалай бэлгэ тэмдэг болоо. Уһан арюудхалга бэеын муухайе арилгана бэшэ, харин Иисүүс Христоосой амидыралгын ашаар һайн һайхан сэдьхэл үршөөхыень Бурханһаа гуйна.

Иоаннай 1-дэхи хандалга 2:29

Христоосые үнэн сэдьхэлтэй гэжэ мэдэдэгта, тиимэһээ үнэн сэдьхэлээрнь байдаг хүн Бурханһаа түрэһэн хүн гэжэ таанар баһа мэдэнэт.

Иоаннай 1-дэхи хандалга 5:1

Иисүүс Бурханай табисуурта мүн гэжэ этигэдэг хүн бүхэниие Бурхан бүрилдүүлээ. Эсэгэ Бурханда дуратай хүн Бурханай үхибүүдтэшье дуратай.