Иоанн 19:17 - Библи

¹⁷ «Хохимой» (еврей хэлээр «Голгофо») гэжэ нэрэтэй газар хүрэтэр Иисүүс хэрээһэеэ бэе дээрээ үргэлөөд ябаха ёһотой байгаа.

Шэнэ Хэлсээн

¹⁷ «Хохимой» (еврей хэлээр «Голгофо») гэжэ нэрэтэй газар хүрэтэр Иисус хэрээһэеэ бэе дээрээ үргэлөөд ябаха ёһотой байгаа.

Иоанн 19:17 Iomraidhean Croise

Эхин 22:6

Түгэс шатаалта үргэлэй гал дэгжүүлхэ түлеэгээ Абраһаам Исаагайнгаа мүр дээрэ ашаба. Һүүлээрнь хэтэ сахюур, хутага абаад, хада өөдэ тэдэ хоюулханаа зорибо.

3 Хаан түрэнүүд 21:13

Хоёр этэгээдүүд урдаһаань хараад һуужа, «Набоот Бурханиие болон хааниие хараана» гэжэ худалаар хардан, зоной дуулахаар хэлэбэ. Тиигээд Набоодые хотоһоо гаргаад, үхэтэрынь шулуугаар сохибо.

Левит 24:14

– Тэрэ хараал хэһэн хүниие отог буусаһаа гаргаад, бултадаа гараа толгой дээрэнь табигты, тиигээд шулуудагты.

Матвей 10:38

Өөрын хэрээһэеэ абаад, хойноһоомни ябаагүй хүн Минии шабиин нэрэ зэргэдэ хүртэхэгүй.

Матвей 16:24

Тиигээд Иисүүс Өөрынгөө шабинарта хэлэбэ: – Намтай ябалсаха дуратай хүн өөр тухайгаа бодохоёо болёод, үдэр бүхэн хэрээһэеэ үргэлөөд, хойноһоомни яба.

Матвей 27:37

Иисүүсэй толгойн дээрэхэнэ тэдэ «Энэ еврейнүүдэй хаан Иисүүс» гэжэ хэрээһэндэ хадуулһан шалтагаанииень харуулһан модон хабтагай үлгэбэ.

Марк 10:21

Иисүүс тэрэ хүниие шэртэжэ, һайшаан хэлэбэ: – Шамда нэгэл юумэн дутана: ошожо зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хажуудамни ябаарай.

Марк 15:26

Юундэ хэрээһэн дээрэ хадуулааб гэжэ тайлбарилһан модон хабтагай дээрэнь «Еврейнүүдэй хаан» гэжэ бэшээтэй байба.

Марк 15:32

Хэрбээ Израилиин хаан, Бурханай табисуурта юм һаа, хэрээһэнһээ бууг лэ! Тиигэбэл бидэ нюдөөрөө хараад, этигэхэбди, – гэлдэжэ байба. Мүн Иисүүстэй хамта хэрээһэндэ хадуулһан дээрмэшэдшье Тэрээниие шоглон баһаба.

Марк 8:34

Удаань Иисүүс улад зониие, шабинараа дуудаад хэлэбэ: – Намтай ябалсаха дуратай хүн өөр тухайгаа бодохоёо болёод, үдэр бүхэн хэрээһэеэ үргэлөөд, хойноһоомни яба.

Лука 14:27

Хэрээһээ үргэлөөд, Намтай ябалсаагүй хүн Минии шаби боложо шадахагүй.

Лука 23:26

Иисүүсые сэрэгшэдэй абаад ябахадань, замдань Хэрээн нютагай Симон гэжэ хүн хээрэ ажаллаад бусажа ябаа. Тэрээндэ хэрээһэ үргэлүүлээд, Иисүүсэй хойноһоо ябуулба.

Лука 23:33

«Хохимой» гэдэг газарта ерээд, Тэрэниие хэрээһэндэ хадаба, харин нүгөө гэмтэдэй нэгыень баруун таладань, нүгөөдыень зүүн таладань хэрээһэндэ хадажархиба.

Лука 23:38

Иисүүсэй дээрэнь «Энэ еврейнүүдэй хаан» гэжэ грек, рим, еврей хэлэнүүдээр бэшэгдэһэн хабтагай үлгөөтэй байгаа һэн.

Лука 9:23

Тиигээд Иисүүс бүхы хүнүүдтэ хандажа хэлэбэ: – Намтай ябалсаха дуратай хүн өөр тухайгаа бодохоёо болёод, үдэр бүхэн хэрээһэеэ үргэлөөд, хойноһоомни яба.

Иоанн 19:13

Пилат иимэ үгэнүүдые дуулахадаа, Иисүүсые ордон сооһоо гаргаһан бэеэрээ, заргашын һуудаг сандалида һууба. Энэнь «Шулуугаар дэбдигдэһэн газар» (еврей хэлээр «Габбатаа») гэжэ нэрэтэй.

Иоанн 5:2

Еврей хэлээр Бэтзатаа гэжэ нэрэтэй томо сөөрэм бии һэн, тэрэнь Иерусалимдахи Хониной хаалгын хажууда байгаа. Тэрэ сөөрэмэй хажууда табан һарабшанууд доро олон үбшэн зон хэбтээ. Тэдэнь һохор, дохолон, саа үбшэнтэн бэлэй.

Хэрэгүүд 7:58

тэрэниие хотоһоо гаргаад, шулуудаба. Гэршэнэр өөһэдынгөө субые тайлаад, Саул гэжэ нэрэтэй хүбүүнэй хүлдэнь орхибо.