Иоанн 17:5 - Библи

⁵ Эсэгэмни аа, юртэмсэ дэлхэйн үшөө бии болоодүйдэ, Тантайгаа суг байхадаа суурхаһан Минии алдар солоор Намайгаа мүнөө Өөртэйгөө хамта суурхуулыт.

Шэнэ Хэлсээн

⁵ Эсэгэмни аа, юртэмсэ дэлхэйн үшөө бии болоодүйдэ, шамтайгаа суг байхадаа суурхаһан минии алдар солоор намайгаа мүнөө өөртыгөө хамта суурхуула.

Иоанн 17:5 Iomraidhean Croise

Матвей 25:34

Тиигээд хаан Тэрэнэй баруун талада байгаашадта хандажа: «Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 10:30

Эсэгэ бидэ хоёр нэгэн хамтабди.

Иоанн 14:9

– Филипп, ши Намайе мэдэнэгүй гүш? Би таанартай хамта иимэ удаан саг соо байналби! Намайе хараһан хүн Эсэгыемнишье хараба гээшэ. Харин ши юундэ «Эсэгэеэ бидэндэ харуулыт» гэнэбши?

Иоанн 17:1

Эдэ үгэнүүдэйнгөө һүүлээр Иисүүс тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйтнай Танай нэрэ алдаршуулхын тула, Хүбүүгээ алдаршуулыт.

Иоанн 17:24

Эсэгэмни аа! Танай үгэһэн хүнүүдэй Намтай хамта Минии ошохо газарта байхыень хүсэнэб. Юртэмсэ дэлхэйн бии болохоһоо урда Та Намда дуратай байжа, Намда олгоһон алдар солыетнай тэдэнэр хараг лэ.

Иоанн 3:13

Тэнгэриһээ буужа ерэһэн Хүн түрэлхитэнэй Хүбүүнһээ ондоо хэншье Тэнгэридэ гаража үзөөгүй ха юм.

Иоанн 8:58

– Таанарта үнэн зүбые хэлэнэб: Би Абраһаамай үшөө түрөөдүйдэ байгааб, байнашьеб, – гэжэ Иисүүс харюусаба.

Филиппынхидтэ 2:6

Тэрэ анханһаа Бурханай шанартай аад, Бурхантай нэгэ зиндаада байха ёһотойб гэжэ Өөр тухайгаа бодоогүй.

Еврейнүүдтэ 1:10

Тэрэ үшөө иигэжэ айладхаа: «Ши, Эзэн, анха түрүүн газар дэлхэйе бүтээгээш, Өөрын гараар огторгойе байгуулааш.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христоосые шэлэжэ абаа, үе сагай дүүрэжэ байхада Тэрэниие элирхэйлэн харуулаа.

Пётрой 1-дэхи хандалга 1:21

Тэрэнэйл аша туһаар таанад Бурханда этигэнэт. Бурхан Тэрэниие үхөөд байхадань амидыруулаа, алдаршуулаа, тиимэһээл таанад Бурханда һүзэглэнэт, найданат.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.