Иоанн 17:18 - Библи

¹⁸ Дэлхэйн зондо Намайе Танай эльгээһэндэл адли, Би тэдэниие баһал энэ дэлхэйн зондо эльгээгээб.

Шэнэ Хэлсээн

¹⁸ Намайе дэлхэйн хүн зондо шинии эльгээһэндэл адли, би тэдэниие баһал энэ дэлхэйн зондо эльгээгээб.

Иоанн 17:18 Iomraidhean Croise

Матвей 10:5

Эдэ арбан хоёр шабинараа эльгээхэдээ, Иисүүс тэдээндээ иигэжэ захиба: – Бусад арадуудта бү ошогты, самаряан хотонуудаар бү орогты.

Матвей 23:34

Мүнөө Би таанарта лүндэншэдые, сэсэн мэргэшүүлые, Хуули заадаг багшанарые эльгээхэмни. Харин таанар тэдэнэймни заримыень алахат, хэрээһэндэ хадажа саазалхат, нүгөөдүүлыень мүргэлэй гэрнүүдтэ сохихот, нэгэ хотоһоо нүгөөдэ хото руу мүрдэн намнахат.

Иоанн 17:21

Эдэнэр бултадаа нэгэн хамта байг лэ, Та Минии досоо байнат, Би Танай досоо байнаб, тэрээндэл адли, тэдэнэр бидэнэй досоо байг лэ. Тиихэдээ Намайе Та эльгээгээт гэжэ дэлхэйн зон этигэхэ.

Иоанн 17:23

Тэдэнэй бүрин нэгэн хамта байхын тула Би тэдэнэй досоо байнаб, Та Минии досоо байнат. Та Намайе эльгээгээт, Танай Намда дуратай байдагтал адляар, эдэндэ дуратайт гэжэ дэлхэйн зон мэдэг лэ.

Иоанн 17:25

Үнэн сэхэ Эсэгэмни аа! Дэлхэйн зон Таниие мэдэнэгүй. Теэд Би Таниие мэдэнэб, Намайе Та эльгээгээт гэжэ тэдэ мэдэнэ.

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Иоанн 17:8

Намда Танай дамжуулан үгэһэн үгэнүүдые Би тэдэндэ дамжуулбаб, эдэ үгэнүүдыетнай тогтоон абаа, тиин Намайе Танһаа ерээ гэжэ үнэхөөрөө ойлгоо, Намайе Та эльгээгээт гэжэ этигээ.

Иоанн 20:21

– Таанарта амгалан тайбан! – гэжэ Иисүүс дабтан мэндэшэлбэ. – Намайе Эсэгэмни эльгээгээ, баһа Бишье таанараа эльгээнэб.

Иоанн 3:17

Бурхан дэлхэйнхидые зэмэлхын тула бэшэ, харин тэдэниие абархын тула Хүбүүгээ газарта эльгээгээ.

Иоанн 4:38

Таанарай урдань ажаллаагүй, бусадай хэһэн ажалай үрэ дүндэ хүртэхынтнай тула таряа хадахыетнай Би эльгээнэб.

Коринфынхидтэ 2-дохи 5:20

Бидэ Христоосой бүрин эрхэтэ түлөөлэгшэд мүн, тиин Бурхан бидэнэрээр дамжан таанадта хандана. Бурхантай эбээ нэгэдхэгты гэжэ бидэ Христоосой нэрээр таанадые гуйнабди.

Эфесэйхиндэ 3:7

Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болооб.