Иоанн 16:19 - Библи

¹⁹ Шабинарынь юу һурахаяа һанааб гэжэ урид мэдээд, Иисүүс иигэжэ хэлэбэ: – «Һаяар иигээд таанар Намайе ондоо харахагүйт, тиибэшье нэгэ хэды болоод, Намайе дахин харахат гэхэдээ Энэмнай ямар удхатайгаар хэлэнэб?» гэжэ таанар бэе бэеһээ асуунат.

Шэнэ Хэлсээн

¹⁹ Шабинарынь юу һурахаяа һанааб гэжэ урид мэдээд, Иисус иигэжэ хэлэбэ: – «Һаяар иигээд таанар намайе ондоо харахагүйт, тиибэшье нэгэ хэды болоод, намайе дахин харахат гэхэдээ энэмнай ямар удхатайгаар хэлэнэб?» – гэжэ таанар бэе бэеһээ асуунат.

Иоанн 16:19 Iomraidhean Croise

Матвей 6:8

Тэдэ зониие бү һажаагты: эрихэ гуйхыншни урда тээ Эсэгэшни шамда хэрэгтэй юумэнүүд тухай мэдээд байдаг ха юм.

Матвей 9:4

Тэдэнэй һанал бодол мэдэжэ байһан Иисүүс хэлэбэ: – Таанар юундэ иимэ харата һанал сэдьхэлдээ түрүүлбэт?

Марк 9:32

Гэбэшье шабинарынь хэлэһэн үгэнүүдэйнь удха ойлгобогүй, тиин һурахаяашье зүрхэлбэгүй.

Иоанн 13:33

Үхибүүдни, таанартай суг хамта байха сагни бага үлөө. Таанар Намайе бэдэрхэт, теэд еврейнүүдэй ахамадуудта хэлэһэндэл адляар, Би таанарташье мүнөө хэлэхэмни: «Минии ошохо газарта таанар ерэжэ шадахагүйт».

Иоанн 14:19

Үшөө нэгэ хэды болоод, дэлхэйнхид Намайе харахагүй, харин таанар Намайе хаража, үзэжэ байхат; Би амиды байнаб, тиимэһээ таанаршье баһа амиды байхат.

Иоанн 16:16

– Һаяар иигээд таанар Намайе ондоо харахагүйт, тиибэшье нэгэ хэды болоод, Намайе дахин харахат.

Иоанн 16:18

«Һаяар иигээд» гэхэдээ юун гэнэб? Тэрэнэй юун тухай хэлэһые бидэ ойлгоногүйлди.

Иоанн 16:23

Тэрэ үдэр таанар Намһаа юушье асуухагүйт. Үнэн зүбые хэлэнэб: Минии нэрэ дурдан эриһэн бүхы юумыетнай Эсэгэмни таанадта үгэхэ.

Иоанн 16:26

Тэрэ үдэр Минии нэрэ дурдажа, Эсэгыемни гуйхат. Таанарай тула Би Эсэгэеэ гуйхаб гэнэгүйб.

Иоанн 16:30

Та бүхы юумэ мэдэнэт, Танһаа асуухаһаашье урда мэдэнэт гэжэ бидэ ойлгобобди. Тиимэһээ Та Бурханһаа ерээт гэжэ этигэнэбди.

Иоанн 21:17

Иисүүс тэрээнһээ гурбадахияа: – Иоаннай хүбүүн Симон, ши Намда дуратай гүш? – гэжэ һураба. Намда дуратай гүш гэжэ Иисүүсэй гурбадахияа һурахадань, Пётрой досоо уйдхартай байба. – Эзэн, Та бултыень мэдэнэт. Танда минии дуратайе мэдэнэ ха юмта, – гэжэ Иисүүстэ Пётр харюусаба. Иисүүс тэрээндэ: – Минии хонидые харууһалжа бай.

Иоанн 6:61

Тэрэнэй үгэнүүд шабинарайнь дура гутааба гэжэ мэдээд, Иисүүс тэдэндээ иигэжэ хэлэбэ: – Эдэ үгэнүүдни таанад соо һэжэг түрүүлнэ гү?

Иоанн 7:33

Иисүүс тэрэ үедэ: – Үшөө нэгэ заа таанартай суг байлсахамни, тиигээд Намайе эльгээһэн Эсэгэдээ ошохоб.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.