Иоанн 16:13 - Библи

¹³ Үнэн зүйлэй Арюун Һүлдэ ерэхэдээ, үнэн зүйлые дууһыень таанарта ойлгуулха. Арюун Һүлдэ Өөрһөө хэлэхэгүй, зүбхэн лэ Өөрөө дуулаһан юумэеэ дамжуулан хэлэхэ, ерээдүй сагта юун болохоб гэжэ таанарта дуулгаха.

Шэнэ Хэлсээн

¹³ Үнэн зүйлэй Нангин Һүлдэ таанарта ерэхэдээ, үнэн зүйлые дууһыень таанарта ойлгуулха. Нангин Һүлдэ өөрһөө хэлэхэгүй, зүбхэн лэ өөрөө дуулаһан юумэеэ дамжуулан хэлэхэ, ерээдүй сагта юун болохоб гэжэ таанарта дуулгаха байна.

Иоанн 16:13 Iomraidhean Croise

Исай 11:2

Эрдэмэй болон Эзэнһээ бэшэрхэ һүр һүлдэ, ойлголтын болон хүсэнэй һүр һүлдэ, сэсэн мэргэнэй болон оюун ухаанай һүр һүлдэ, Эзэнэй һүр һүлдэ Тэрээн дээрэ оршохо.

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Иоанн 12:49

Би Өөрһөө хэлэнэгүйб, ушарынь гэхэдэ, Намайе эльгээһэн Эсэгэ юу хэлэхэб, яагаад номнохоб гэһэн захяа Намда үгөө юм.

Иоанн 14:17

Туһалагша болбол Үнэн зүйлэй Һүлдэ мүн, тэрэ Һүлдые дэлхэйн зон абажа шадахагүй, юундэб гэбэл, Тэрэниие харанагүй, мэдэнэгүй бшуу. Харин таанар Тэрэниие мэдэнэт, Тэрэ таанартай мүнөө байна, ерээдүйдэшье досоотнай байха.

Иоанн 14:26

Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Иоанн 15:26

Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 16:12

Би үшөө олон юумэ хэлэхэ һэм, теэд таанар мүнөөдөө ойлгохогүйт.

Иоанн 3:32

Тэрэ нюдөөрөө хараһанаа, шэхээрээ дуулаһанаа Өөрөө гэршэлэн хэлэнэ, теэд Тэрэнэй гэршэ баримтада хэншье этигэнэгүй.

Иоанн 8:38

Би Өөрынгөө Эсэгындэ юу хараһан, үзэһэн тухайгаа таанарта хэлэнэб, харин таанар өөрынгөө эсэгэһээ дуулаһан юумэеэ хэнэт.

Хэрэгүүд 11:28

Агааб гэжэ нэрэтэй тэдэнэй нэгэн бодожо, бүхы газар дэлхэйдэ ехэ үлэсхэлэн болохо гэжэ Арюун Һүлдын ашаар уридшалан хэлэбэ. Тиимэ үлэсхэлэн Клавдий хаанай захирха үедэ болоо һэн.

Хэрэгүүд 20:23

Гэбэшье ямаршье хотодо хүрэжэ ерэхэдэмни, хаанашье байхадамни, намайе түрмэ зоболон хоёр хүлеэнэ гэжэ Арюун Һүлдэ хэлэдэг.

Хэрэгүүд 27:24

Тэрэ Бурханай Эльгээмэл: «Павел бү ай! Ши римэй хаанай урда зогсохо ёһотойш, тиимэһээ Бурхан шинии аша туһада замайншни нүхэдтэ ами наһа үршөөн хайрлана», – гэжэ хэлээ.

Фессалоникиинхидтэ 2-дохи 2:12

Һүүлдэнь үнэн зүб юумэндэ этигээгүй, харин нүгэлтэ юумэ үйлэдэхэ дуратай байһан хүн бүхэн буруушаагдаха.

Фессалоникиинхидтэ 2-дохи 2:3

Таанадые хэншье, ямаршье аргаар бү мэхэлэг. Бурханда эсэргүүсэһэн һүүлшын үймөөнэй болотор, һүйдхэл асардаг харата хүнэй элиртэр тэрэ Үдэр ерэхэгүй.

Еврейнүүдтэ 1:1

Урдандаа Бурхан лүндэншэдөөр дамжуулжа элдэб аргаар, олон удаа манай үбгэ эсэгэнэртэ үгэ хэлэдэг байгаа.

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Иоаннай 1-дэхи хандалга 4:6

Харин бидэнэр Бурханай хүнүүдбди. Тиимэһээ Бурханиие мэдэгшэнь бидэниие шагнана, Бурханай бэшэ хүн шагнанагүй. Иигэжэл бидэ үнэн зүбэй һүлдые худал хуурмагай һүлдэһөө илгаруулан мэдэнэбди.

Иоаннай 1-дэхи хандалга 5:6

Тэрэ бидэндэ уһа шуһан хоёрой ашаар ерээ. Тэрэмнай Иисүүс Христоос мүн. Иисүүс уһанһаа гадна, уһа шуһан хоёртой хамта ерээ. Энээниие Арюун Һүлдэ гэршэлнэ, яахадааб гэбэл, Арюун Һүлдэ үнэн бодото зүйл мүн.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 1:19

Ши юу хараабши, мүнөө ямар юумэн боложо байнаб, хожом юун болохоб – энээн тухай ши бэшээрэй.