Иоанн 15:8 - Библи

⁸ Минии Эсэгын алдаршахын тула таанар ехэ ургаса асархат, Минии шабинар болохот.

Шэнэ Хэлсээн

⁸ Минии Эсэгын алдаршахын тула таанар ехэ ургаса асархат, минии шабинар болохот.

Иоанн 15:8 Iomraidhean Croise

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Хаггай 1:8

Хада өөдэ гаража, модо отолон, Һүмэ барижа эхилэгты! Би тэрээндэ сэдьхэлээ ханан, тэрээн соо магтуулан, Өөртөө мүргүүлэн байхаб.

Матвей 5:16

Энээндэл адляар танай гэрэл туяа улад зоной урда гэрэлтэжэ байхань болтогой, тиигэбэл дэмбэрэлтэ һайхан хэрэгүүдыетнай зон хараад, тэнгэридэхи Эсэгэдэтнай магтаал соло дуудахал.

Матвей 5:44

Харин Би мүнөө танда иигэжэ хэлэхэб: дайсадтаа дуратай байгты, таниие хашагшадай түлөө зальбаржа байгты.

Матвей 9:8

Улад зон энээниие хараад айн һүрдэбэ, хүн түрэлхитэндэ иимэ ехэ эрхэ засаг хайрлаһанайнь түлөө Бурханиие магтан алдаршуулба.

Лука 6:35

Харин таанад дайсадаа энхэрэгты, һайниие хэгты, харюудань юушье хүлеэнгүй урьһаар үгэгты. Тэрэнэйнгээ түлөө агууехэ шагналда хүртэхэт, Дээдэ Бурханай үхибүүд байхат. Ашые харюулдаггүй, муу һанаатай хүнүүдтэшье Бурхан энэрхы һайн байдаг бшуу.

Иоанн 13:35

Хэрбээ таанадай бэе бэедээ дуратай байгаа һаа, Минии шабинар гэжэ хүнүүд барандаа мэдэхэ.

Иоанн 15:5

Би болбол эшэ һалааб, таанар мүшэрнүүдни гээшэт. Хэн нэгэнэй Минии досоо оршобол, Би баһа тэрэнэй досоо оршохоб, тиихэдээ тэрэ хүн тон ехэ үрэжэлтэй байха. Намгүйгөөр таанар юушье хэжэ шадахагүйт.

Иоанн 8:31

Удаань Иисүүс Тэрээндэ этигэһэн еврейнүүдтэ иигэжэ хэлэбэ: – Хэрбээ таанар Минии һургаалай ёһоор ябаа һаа, үнэхөөрөөл Минии шабинар болохот.

Коринфынхидтэ 1-дэхи 10:31

Тиихэдээ эдинэ гүт, али ууна гүт, али ямаршьеб даа ондоо юумэ хэнэ гүт, бүхы юумые Бурханай алдарай түлөө хэжэ байгты.

Коринфынхидтэ 1-дэхи 6:20

Бурхан таанадые үнэтэй сэнгээр худалдажа абаа. Тиимэһээ бэеэрээ Бурханиие алдаршуулжа байгты.

Филиппынхидтэ 1:11

Хэһэн бүхы үйлэ хэрэгүүдтнай Иисүүс Христоосой нүлөөгөөр үнэндөө һайн һайхан байхал. Тиигэжэл Бурхан алдаршаха, Тэрээндэ магтаал соло дуудаха.

Тидтэ 2:10

юумыень хулуунгүй, харин гүйсэд үнэн сэхэ байхыень һургаарай. Тэдэнэр ямаршье юумэ хэхэдээ, Абарагша Бурханаймнай һургаалда туһатай юумэ хэжэ байха ёһотой.

Тидтэ 2:5

бэеэ баридаг, арюун сэбэр ябадалтай байхыень, гэрээ һайнаар хаража, нүхэдэйнгөө үгөөр ябахыень баһа заабаришалжа байг. Тиигэжэ Бурханай үгэ муушалха шалтаг тэдэ хэндэшье бү олгог.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай, мүнөө таанадые нүгэл хэгшэд гэжэ хардажа байһан зон таанадай дэмбэрэлтэй хэрэгүүдые харахадаа, Бурханай газар дэлхэй руу хүнүүдые шалгахаяа ерэхэдэнь, Тэрэниие алдаршуулха.

Пётрой 1-дэхи хандалга 4:11

Номножо байһан хүн Бурханай Мэдээсэлые номножо байг лэ; алба хэжэ байһан хүн Бурханай үршөөһэн хүсэ шадалаар өөрыгөө бэхижүүлжэ байг лэ. Бүхы юумэнүүд Иисүүс Христоосоор дамжан, Бурханиие алдаршуулжа байг лэ! Бурхан хэтын хэтэдэ алдар солотой, хүсэ шадалтай байхань болтогой! Зобоходоо баясажа байгты.