Иоанн 15:11 - Библи

¹¹ Минии баяр жаргалые хубаалсахынтнай тула, энэ баяр жаргалай бүрин түгэс байхын тула Би эдэ бүгэдые хэлэнэб.

Шэнэ Хэлсээн

¹¹ Минии баяр жаргалые хубаалсахынтнай тула, энэ баяр жаргалай бүрин түгэс байхын тула би эдэ бүгэдые таанадта хэлэнэб.

Иоанн 15:11 Iomraidhean Croise

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Исай 62:4

Энээнһээ хойшо шамайе «орхигдоһон», газарыешни «Хооһон, һубай» гэжэ нэрлэхэгүй. Харин шамайе «Бурханай баяр» гэжэ, газарыешни «гэрлэһэн» гэжэ нэрлэхэ. Юуб гэхэдэ, Эзэн шамда баясана, газарыешни һамга абаһан хүндэл адли болохо.

Ерэмияа 32:41

Тэдээндэ һайн юумэ хэхэдээ, Би баясадаг байхаб, энэ газар дайдада тэдэниие хододоо байлгахаб.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Лука 15:23

Тиигээд шахамал буруу асаржа гаргагты, найрлаха хүхихэбди.

Лука 15:32

Харин дүү хүбүүншни үхэһэн аад, амидыржа, үгы болоһон аад, олдожо ерээ бшуу. Тиимэһээ бидэ баярлаха, сэнгэхэ ёһотойбди».

Лука 15:5

Тэрээнээ олоходоо, тон ехээр баярлажа, ара нюргандаа үргэлөөд, гэртээ асархат.

Лука 15:9

Мүнгэеэ олоһон эхэнэр хани басагадаа, хүршэ эхэнэрнүүдээ суглуулжа: «Намтай баярлалсагты, би үгы болоһон мүнгэеэ олооб», – гэжэ хэлэхэл.

Иоанн 16:24

Минии нэрэ дурдажа, таанар юушье үшөө эреэгүйт. Эрибэл абахат, тиигээд баяр баясхалангаар дүүрэхэт!

Иоанн 16:33

Минии досоо амгалан тайбан олохынтнай тула эдэ бүгэдые Би таанарта хэлээб. Энэ дэлхэйдэ гашуудал зоболонтой ушархат, теэд сүхэршэгүй зоригтой байгты. Би энэ дэлхэйе илааб! – гэжэ Иисүүс харюусаба.

Иоанн 17:13

Мүнөө Би Тандаа бусахамни. Теэд Минии баяр баясхалангые эдэнэймни Намтай хубаалдахын тула, газар дэлхэйдэ байһан дээрээ эдэ бүгэдые хэлэнэб.

Иоанн 3:29

Гэрлэхэ басагые гэртээ асарһан хүн тэрэ басаганай нүхэрынь гээшэ. Гэрлэхэ хүнэй хажууда зогсожо байһан дүтынь нүхэр хүбүүниинь тэрэнэй хэлээшые шагнан баясадаг. Тиин намдашье тиимэ ехэ баяр баясхалан тудаа.

Римэйхиндэ 15:13

Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.

Коринфынхидтэ 2-дохи 1:24

Юундэ һүзэглэжэ байхыетнай зааха гэжэ оролдоогүйбди, хатуу һүзэгтэй байһыетнай бидэ мэдэнэбди. Жаргалтай байхынтнайл түлөө бидэ таанадаар хамта хүдэлнэбди.

Эфесэйхиндэ 5:18

Таанадые гансал уруунь татаха аргатай үзэмэй дараһан архи һогтотороо уунгүй, орондонь өөһэдыгөө Һүлдөөр дүүргэгты.

Филиппынхидтэ 1:25

Би энээниие һайн мэдэнэб, тиимэһээ таанадтайгаа үлэхэб, һүзэгэйтнай нэмэгдэн бэхижэхэдэ, баяр жаргал асархада та бүгэдэнтэйгөө байжа туһалхаб.

Фессалоникиинхидтэ 1-дэхи 5:16

Ходо баяртай байгты.

Пётрой 1-дэхи хандалга 1:8

Тэрэниие хараагүйшье һаа, таанад Тэрээндэ дуратайт; мүнөө Тэрэниие харангүйшье байхадаа, Тэрээндэ этигэнэт. Тиимэһээ таанад үгэнүүдээр дамжуулхын аргагүй, гайхалтай баяраар баясанат,

Иоаннай 1-дэхи хандалга 1:4

Ехэтэ баясахынгаа тула бидэ энээн тухай бэшэнэбди.

Иоаннай 2-дохи хандалга 1:12

Таанарта бэшэхэ гэһэн юумэн намда олон бии. Теэд саарһа, бэхэ хэрэглэжэ бэшэхые хүсэнэгүйб. Би өөрөө ерээд, таанартай хөөрэлдэхэб гэжэ найданаб. Тиихэдэл бидэнэй баяр баясхалан хүсэд дүүрэн болохо.