Иоанн 14:11 - Библи

¹¹ Би Эсэгынгээ досоо байнаб, Эсэгэмни Минии досоо байна гэхэдэмни этигэгты. Хэрбээ эдэ үгэнүүдтэмни этигээгүй һаа, бүтээдэг хэрэгүүдыемни хараад этигэгты.

Шэнэ Хэлсээн

¹¹ Би Эсэгынгээ досоо байнаб, Эсэгэмни минии досоо байна гэхэдэмни этигэгты. Хэрбээ эдэ үгэнүүдтэмни этигээгүй һаа, бүтээдэг хэрэгүүдыемни хараад этигэгты.

Иоанн 14:11 Iomraidhean Croise

Иоанн 10:25

– Би таанарта хэлээ һэм, теэд таанар Намда этигэнэгүйт. Эсэгынгээ нэрэһээ Минии бэелүүлдэг хэрэгүүд Минии гэршэ болоно.

Иоанн 10:32

– Эсэгынгээ хүсөөр Би таанарта ехэ олон һайн юумэнүүдые харуулааб. Тэдэ юумэнүүдэймни алинайнь түлөө Намайе шулуудажа алаха һанаатайт? – гэжэ Иисүүс һураба.

Иоанн 10:38

Эсэгынгээ хэрэгүүдые бэелүүлжэ байха үедөө хэлэһэн үгэнүүдтэмни этигээгүй һаа, Минии бүтээдэг хэрэгүүдтэ этигэгты! Тиихэдээ Эсэгэмни Минии досоо байна, Би Эсэгынгээ досоо байнаб гэжэ таанар мэдэхэт, мэдэжэшье байхат.

Иоанн 14:10

Би Эсэгэ соогоо байнаб, Эсэгэмни Минии досоо байдаг гэжэ ши этигэнэгүй гүш? Теэд таанарта хэлэдэг үгэнүүдээ Би Өөрһөө хэлэнэгүйб, тэрэ Минии досоо оршодог Эсэгэмни ажаллана.

Иоанн 14:20

Би Өөрын Эсэгэ соо байнаб, таанар Минии досоо байнат, Би таанарай досоо байнаб – энээн тухай таанар тэрэ үдэр мэдэхэт.

Иоанн 5:36

Харин Иоаннайхиһаашье ехэ Нам тухай гэршэ бии юм. Эсэгэһээмни үгтэһэн гайхамшаг хэрэгүүдые бүтээһэмни Намайе Эсэгэмни эльгээгээ гэжэ гэршэлнэ!

Хэрэгүүд 2:22

Израилиин зон, намайе шагнагты! Бурхан Назаредэй Иисүүсээр агууехэ хэрэгүүдые, гайхамшагта үзэгдэлнүүдые ба тэмдэгүүдые бүтээлгэн, Тэрэниие эльгээһэн тухайгаа таанадта гэршэлээ. Эдэ бүхэн танай дунда ушараа. Тиимэһээ таанад өөһэдөө энээн тухай мэдэнэт.

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, Өөрынгөө һайн дураар Арюун Һүлдэ хайрлаа.