Иоанн 10:36 - Библи

³⁶ Харин Намайе Эсэгэмни Өөртөө зорюулан, энэ дэлхэйдэ эльгээгээ юм. Тиимэһээ «Би Бурханай Хүбүүнби» гэхэдэмни, «Та Бурханиие доромжолнот» гэжэ таанар Намда юундэ хэлэнэт?!

Шэнэ Хэлсээн

³⁶ Харин намайе Эсэгэмни өөртөө зорюулан, энэ дэлхэйдэ эльгээһэн юм. Тиимэһээ «би Бурханай Хүбүүнби» гэхэдэмни, «ши Бурханиие доромжолнош» гэжэ таанар намда юундэ хэлэхэ болобот?!

Иоанн 10:36 Iomraidhean Croise

Псалманууд 2:2

Газарай хаашуул, засаглагшад хоорондоо үгэсэлдэн хэлсэжэ, Эзэнэй болон Бурханай табисууртын урдаһаа эсэргүүсэн бодобо.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 42:3

Тэрэ хухарһан хулһые таһа татахагүй, залиржа байһан дэн унтараахагүй, зүб шударга гурим ёһо бүхы зондо асарха.

Исай 55:4

Би тэрэниие арадуудта гэршэ, арадуудай удамарша ба захирагшаар табяаб.

Ерэмияа 1:5

– Умай соо шамайе бүрилдүүлхынгөө урда тээ Би шамайе түсэблөөб, түрэхыншни урда тээ Би шамайе арюудхан, уласуудта лүндэншөөр Би шамайе табяаб, – гэжэ айладхаба.

Матвей 27:43

Тэрэ Бурханда найдадаг байгаа, Өөрыгөө Бурханай Хүбүүнби гэжэ нэрлээ. Зай, тиигэбэл, Бурханда хэрэгтэй юм һаань, Бурхан Тэрээниие абараг лэ! – гэлдэбэ.

Матвей 27:54

Тиихэдэ зуунай дарга, мүн тэрээнтэй хамта Иисүүсые һахилсагша сэрэгшэд газарай хүдэлхые, мүн бусадшье болоһон үзэгдэлнүүдые хараад, ехэ айн һүрдэжэ: – Тэрэ үнэхөөрөө Бурханай Хүбүүн байгаа, – гэлсэбэ.

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Иоанн 10:35

Хэдүүдтэ Бурхан Өөрынгөө үгэ хэлээб, тэдые Хуулитнай бурханууд гэжэ нэрлэнэ, тиихэдэ Нангин Бэшэг соо худал юумэн байха ёһогүй.

Иоанн 17:18

Дэлхэйн зондо Намайе Танай эльгээһэндэл адли, Би тэдэниие баһал энэ дэлхэйн зондо эльгээгээб.

Иоанн 17:21

Эдэнэр бултадаа нэгэн хамта байг лэ, Та Минии досоо байнат, Би Танай досоо байнаб, тэрээндэл адли, тэдэнэр бидэнэй досоо байг лэ. Тиихэдээ Намайе Та эльгээгээт гэжэ дэлхэйн зон этигэхэ.

Иоанн 17:8

Намда Танай дамжуулан үгэһэн үгэнүүдые Би тэдэндэ дамжуулбаб, эдэ үгэнүүдыетнай тогтоон абаа, тиин Намайе Танһаа ерээ гэжэ үнэхөөрөө ойлгоо, Намайе Та эльгээгээт гэжэ этигээ.

Иоанн 19:7

– Манай Хуулиин ёһоор энэ Хүн үхэхэ ёһотой, юундэб гэхэдэ, Өөрыгөө Бурханай Хүбүүнби гэжэ айладхана, – гэжэ еврейнүүд харюусаба.

Иоанн 20:28

– Эзэмни, Бурхамни! – гэжэ Фома хашхараад абаба.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Иоанн 3:17

Бурхан дэлхэйнхидые зэмэлхын тула бэшэ, харин тэдэниие абархын тула Хүбүүгээ газарта эльгээгээ.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Иоанн 5:30

Би Өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин Минии зарга шүүбэри – үнэн зүб юм, ушарынь гэбэл, Би Өөрынгөө дураар юумэ хэнэ бэшэб, харин Намайе эльгээгшэ Эсэгын дура хүсэлөөр болоноб.

Иоанн 6:27

Теэд таанар саг зуурын эдеэндэ һаналаа бү табигты, харин мүнхын амидарал олгодог эдеэндэ һаналаа табигты. Тиимэ амидаралые таанарта Хүн түрэлхитэнэй Хүбүүн үгэхэ, Бурхан Эсэгэ Тэрээндэ эрхэ засагаа үршөөгөө юм.

Иоанн 6:38

Юундэб гэхэдэ, Өөрынгөө дураар юумэ хэхэеэ Би тэнгэриһээ буужа ерээ бэшэб, харин Намайе эльгээһэн Эсэгын дура хүсэлые бэелүүлхэеэ ерээб.

Иоанн 6:57

Намайе эльгээһэн Эсэгэмни мүнхэдөө амидаралгын шанартай юм. Тэрэ Минии амидаралай эхин болоно. Энээндэл адли, Би Намайе эдидэг хүнэй амидаралай эхин байхаб.

Иоанн 6:69

Та Бурханай Арюун Хүбүүнта гэжэ бидэ этигэнэбди, мэдэнэбди, – гэжэ Симон Пётр харюусаба.

Иоанн 8:42

Иисүүс тэдээндэ харюусаба: – Хэрбээ Бурхан таанарай эсэгэ байгаа һаа, таанар Намда дуратай байха һэнта, юундэб гэбэл, Би Бурханһаа иишээ ерээб, Бурхандаа бусахаб. Би Өөрһөөн ерээгүйлби – Намайе Бурхан эльгээгээл!

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.