Иоанн 10:11 - Библи

¹¹ Би шударгуу һайн адуулагшаб, шударгуу һайн адуулагшань хонидоо абархын тула ами наһаяа үгэдэг.

Шэнэ Хэлсээн

¹¹ Би шударгуу һайн адуулагша гээшэб, шударгуу һайн адуулагшань хонидоо абархын тула ами наһаяа үгэдэг юм.

Иоанн 10:11 Iomraidhean Croise

2 Хаан түрэнүүд 24:17

Арад зониие усадхажа байһан Эльгээмэлые хараад, Давид Эзэндэ зальбарба: – Нүгэл үйлэдэн, буруу зүйл хэһэн хүн бил гээшэб. Харин эдэ зон хонид мэтэ, ямар муу юумэ хээ юм? Та намайе болон минии гэр бүлые хэһээгыт.

Псалманууд 23:1

[Давидай псалма.] Дэлхэй болон тэрээн дээрэ байгааша хамаг зүйл, юртэмсэ ба тэрээн соо амидарагша бүхы хүн, амитад – Эзэнэй юм.

Псалманууд 80:1

[Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Асаапай зохёоһон.]

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 53:6

Бидэ булта хонид мэтэ төөрижэ, хүн бүхэн өөр өөрын замаар ябаа. Харин Эзэн маанадай гэм зэмые бултыень Тэрээн дээрэ тохоо!

Эзэкээл 34:2

– Хүнэй үри Эзэкээл! Израилиин ноёд болбол муу хонишод байна. Тэдэ ноёдые шүүмжэлэн, Минии, Эзэн Бурханай, иигэжэ айладхаһые ши дуулга: Израилиин хонишод, таанадта гай гасалан тудаха! Хонид тушаа бэшэ, гансал өөһэд тушаа һанаагаа таанад табинат.

Эзэкээл 34:23

Таанадые адуулдаг хонишоноор Өөрынгөө албатан Давидые томилхоб. Тэрэ таанад тушаа һанаагаа табидаг болохо.

Эзэкээл 37:24

Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Матвей 20:28

Хүн түрэлхитэнэй Хүбүүн хүнүүдые зарахаяа ерээ бэшэ, харин бусад уладта алба хэхэеэ, мүн үнэтэ ами наһанайнгаа сэнгээр олон хүнүүдые абархаяа ерээ, – гэбэ.

Иоанн 10:2

Үүдээрнь ородог хүн хонин һүрэгэй адуулагшань мүн.

Иоанн 15:13

Хани нүхэдэйнгөө түлөө ами наһаяа үгэхэһөө үлүү ехэ дуран дэлхэй дээрэ байхагүй.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Иоаннай 1-дэхи хандалга 3:16

Өөрынгөө ами наһые бидэнэй түлөө Христоосой үгэһыень дуран гэжэ бидэ ойлгонобди. Тиин бидэшье аха дүүнэрэйнгээ түлөө ами наһаяа үгэхэ ёһотойбди.

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».