Һошээ 8:1 - Библи

¹ Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Һошээ 8:1 Iomraidhean Croise

4 Хаан түрэнүүд 18:27

Гэбэшье Ассириин түшэмэл ноён тэдээндэ иигэжэ ганиран бадашаба: – Минии эзэн гансал танай хаанда болон таанадта эдэ бүгэдые хэлэхыем эльгээгээ гэжэ гү? Үгы! Таанадтай хамта бааһаяа эдижэ, шээһээ уужа байха табисууртай энэ хана дээрэ байгааша бүхы зондо энээниие соносхохыем хаамни эльгээгээ!

Исай 18:3

Юртэмсын улад зон, газар дэлхэй дээрэ ажаһуугша бүгэдэ зон! Гүбээнүүд дээрэ дохёо тэмдэг туг үргэгдэхэ, харахат! Бүреэгэй дуу шагнахат!

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 58:1

Эзэн иигэжэ айладхана: «Шадахысаа шангаар хашхарагты! Дуу хоолойтнай үхэр бүреэгэй дуундал шанга байг! Минии арад түмэн, Яковай зондо нүгэл тушаань дуулгагты!

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Ерэмияа 34:18

Иудын хан түрын болон Иерусалимай тушаалтад түшэмэлнүүдтэй, санаартадтай, удамаршадтай хамта бурууе хоёр хуби болгон, сабшаад, хоёр хубиин хоорондуур гаран, Намтай хэлсээ баталаа бэлэй. Теэд эдэнэр энэ хэлсээ эбдэбэ. Тиимэһээ Би тэдээндэ тэрэ буруунда хандаһандань адляар хандахаб.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 4:5

Иудын улад зондо соносхогты, Иерусалимда дуулгагты, бүхы нютагуудаар бүреэ үлеэн, шангаар хашхаран, иигэжэ хэлэгты: «Сугларагты! Бүхэлэгдэһэн хотонууд руу гүйжэ хороёл!»

Ерэмияа 48:40

Эзэнэй айладхаһанай ёһоор, ондоо арад түмэн Моһаабта даляа дэбиһэн бүргэд мэтээр добтолон орохо.

Ерэмияа 49:22

Далияа дэбиһэн бүргэдтэл, дайсан Боцраа хото руу добтолон орохо. Тэрэ үдэр Эдоомой сэрэгшэд үхибүүгээ түрэжэ байһан эхэнэртэл, зобохо.

Ерэмияа 51:27

Добтолхо тухай тэмдэг үгэгты! Үндэһэ яһатадай бултадаа дуулахаар бүреэ үлеэгты! Вавилооной урдаһаа дайлалдахаар арадуудые зэһүүлэгты! Арараат, Миннии болон Ашхэнааз хаан түрэнүүдые тэрээндэ добтолхыень дуудагты! Байлдаае ударидаха жанжиниие томилогты! Үй түмэн таршаа шумуул мэтээр олон моридые бодхоогты!

Ерэмияа 6:1

Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Эзэкээл 11:4

Энээнэйнь түлөө ши, хүнэй үри Эзэкээл, тэдэниие гэмнэн, лүндэн таби!

Эзэкээл 16:59

Ши өөрынгөө хэлсээ, тангаригые эбдээш, тиимэһээ Би тон тиимээр шамда хандахаб.

Эзэкээл 17:3

Минии, Эзэн Бурханай, айладхаһые тэдэнэй ойлгохоор хөөрөөрэй. Зай, мантан далинуудтай, үнгэтэ үдэнүүдтэй угаа томо бүргэд нэгэтэ Ливаан руу ниидэбэ. Хуша модоной орой тэрэ хухалаад,

Эзэкээл 7:14

Бүреэгэй абяан дуулдаха, хүн бүхэн бэеэ зэһэхэ. Харин хэншье дайн дажарта мордохогүй, юуб гэхэдэ, Бурханай уур хилэн хүн бүхэниие дайраха.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Һошээ 5:8

Гибаада үхэр бүреэгээр үлеэжэ, һэргылһэн дохёо үгэгты! Рамаада бүреэ дуугаргагты! Бэньямиинэй зон, Бэт-Аавэндэ добтолгын тэмдэг үгэгты!

Һошээ 6:7

Адаамдал адли таанад хэлсээ эбдэжэ, Намда урбаат.

Һошээ 9:15

Эзэн иигэжэ айладхана: «Бүхы муу муухай хэрэгүүдынь Гилгаалда эхилээ бэлэй. Тэндэ Би тэдэниие үзэн ядажа эхилээ һэм. Минии үргөөһөө тэдэниие намнан гаргахаб, тэдээндэ бэшэ дуратай байхаяа болёоб, удамаршадынь Минии урдаһаа буһалгаалаашад болоно.

Ёһээл 2:1

Сиондо бүреэгээ үлеэжэ, Минии нангин уулада түгшүүрил зарлагты. Эзэнэй үдэр ерэжэ байһан тула хамаг зон шэшэрэгты. Үнэхөөр тэрэ үдэр дүтэлөө.

Ёһээл 2:15

Сиондо бүреэ үлеэгты. Масаг барилгын суглаа зарлагты.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Амоос 8:3

Тиигэбэл, ордоной хүхюу дуунууд сурхирса уйлаха абяан боложо хубилха. Хэды олон үхэһэн бэе хаа-хаанагүй хаяатайб! Ааляарыт!

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!

Аввакуум 1:8

Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ.

Цэпаанияа 1:16

Энэ хадаа бүхэлэгдэһэн хотонуудта болон үндэр самхагуудта добтолон орогшо сэрэгэй үхэр бүреэгэй дуугарһан болон шанга хашхараанай үдэр болохо юм.

Захарияа 11:1

Ливаан, хаалгаяа нээ. Хуша модыеш гал үрэбхиг.

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.

Матвей 24:28

Үхэһэн бэеын хэбтэһэн газарта бүргэд шубууд сугларха.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.