Һошээ 7:2 - Библи

² Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.

Һошээ 7:2 Iomraidhean Croise

Иоов 34:21

Эзэнэй мэлмы хүн бүхэнэй замые ажаглан байдаг.

Псалманууд 25:7

Һайнта даа гэжэ шангаар магтан дуулахаб, Танай гайхамшагта хэрэгүүдые тунхаглахаб.

Псалманууд 9:16

Үндэһэтэнүүд өөһэдын малтаһан нүхэндэ унаа, өөһэдын нюуһан торон зангада хүлөөрөө орошоо.

Псалманууд 90:8

Ши гансал нюдөөрөө хараад лэ, нүгэлтэй муу зондо хүрэдэг хэһээлтые харахаш!

Исай 1:3

Сар өөрынгөө эзэниие танидаг, элжэгэншье хооллодог тэбшэеэ мэдэдэг лэ. Харин Израиль мэдэдэггүй, Минии арад түмэн ойлгодоггүй!»

Исай 26:16

Өөһэдынгөө арад түмэниие Танай хэһээхэдэ, бидэ зобон-тулин, Эзэн, Тандаал зальбараа бэлэйбди.

Исай 44:19

«Би модоной хахадые галда түлижэ, нүүрһэн дээрэнь хилээмэ баряаб, мяха шаража эдеэб. Тиигээд би үлэһэн модоор шүтөөн бүтээгээб. Тэрэ модоной тайрадаһанай урда мүргэхэ юм гүб?» гэжэ хэлэхэ ухаан, мэдэсэ, ойлгосо тэдээндэ байхагүй.

Исай 5:12

Ятаг, хуур, хэнгэрэг, лимбэ! Найрлан, тэдэ архидана. Харин Эзэнэй үйлэ хэрэгүүд тухай һананагүй, хэжэ байгаашыень анхарнагүй.

Ерэмияа 14:10

Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 16:17

Хэһэн юумыень бултыень Би харанаб. Тэдэ Намһаа хоргодожо шадахагүй – гэм зэмэнь Намһаа хорохогүй.

Ерэмияа 17:1

Эзэн айладхана: – Иудын хан түрын зоной нүгэл түмэр эритээр, баллахын аргагүйгөөр бэшэгдэнхэй, ошорой үзүүрээр зүрхэнэйнь хабтаһан дээрэ һиилэгдэнхэй, үргэлэй шэрээгэй углуунууд дээрэ барлагданхай.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 32:19

Та ухаатай мэргэн түсэбүүдые зохёонот, гайхамшагта хэрэгүүдые эрхилнэт. Зоной юу хэһые бултыень харанат, хэһэн хэмээрнь лэ юумыень харюулнат.

Ерэмияа 4:18

Иудын улад зон, буруу ябадалайтнай болон буруу үйлэ хэрэгүүдэйтнай түлөө эдэ бүхы юумэн таанадтай тохёолдобо. Нүгэлтнай таанадта зоболон ушаруулба. Энэнь зүрхэ сэдьхэлыетнай хүндэн дайраба.

Ерэмияа 44:21

– Иудын хан түрын хото һууринуудта, Иерусалимай үйлсэнүүдтэ таанадай, үбгэ эсэгэнэрэйтнай, хаашуулайтнай, удамаршадайтнай хэжэ байһан үргэл тухай Эзэн мартаа гү, али мэдэнэгүй гэжэ һанаа гүт?

Эзэкээл 21:29

Харадаг үзэгдэлтнай буруу, уридшалан хэлэдэгтнай худал. Таанад зэмэтэйт, тиимэһээ хэһээлтын үдэр мандахань, һэлмэмни толгойетнай таһа сабшан абаха!

Һошээ 12:2

Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха.

Һошээ 4:9

Арад зониие яажа хэһээнэбиб, тон тиимээр санаартадые хэһээхэб. Хэһэн үйлэ хэрэгэйнь хэмээр тэдээндэ хэһээлтэ амасуулхаб.

Һошээ 6:2

Хоёр үдэрэй удаа Тэрэ маанадые амидыруулха, гурбадахи үдэрынь бидэ бодожо эхилхэбди, тиигээд Тэрэнэй хажууда ажамидаран байхабди.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 9:15

Эзэн иигэжэ айладхана: «Бүхы муу муухай хэрэгүүдынь Гилгаалда эхилээ бэлэй. Тэндэ Би тэдэниие үзэн ядажа эхилээ һэм. Минии үргөөһөө тэдэниие намнан гаргахаб, тэдээндэ бэшэ дуратай байхаяа болёоб, удамаршадынь Минии урдаһаа буһалгаалаашад болоно.

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Амоос 8:7

Яковай омогорхолоор Эзэн тангариглаа: хэрэгүүдынь хэтэ мүнхэдөө мартахагүйб!

Иона 1:2

– Агуу хото Нинэвээ руу зорин ошо, тэндэ номнол буулга, ушарынь гэхэдэ, тэдэ муу юумэ хэнэ гэжэ Би дуулааб.

Тоололго 32:23

Эдэ бүгэдые бэелүүлээгүй һаа, Эзэндэ нүгэл хээд, хэһэн нүгэлэйнгөө түлөө хэһээлтэдэ таанад орохот.

Лука 12:2

Эли болохогүй ямаршье далда юумэн байдаггүй, мэдээжэ болохогүй нюуса юумэн байдаггүй.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Хуули дабталга 32:29

Ухаатай гээшэ һаа, тэдэнэр тэдээнтэй юунэй болохоёо байһыень ойлгохо бэлэйл.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.