Һошээ 3:4 - Библи

⁴ Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Һошээ 3:4 Iomraidhean Croise

Эхин 31:19

Тэрэ үедэ Лаваан хонидойнгоо нооһо хайшалхаяа хүдөө ошоһон байгаа. Тиихэдэнь Рахээл эсэгынгээ майханда ороод, онгонуудыень һэмээхэн абажархиба.

Эхин 31:34

Рахээл хулгайлһан онгонуудаа тэмээнэй тохом доро табяад, өөрөө дээрэнь һуугаад байба. Лаваан майхан соо нэгжээд, юушье олобогүй.

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

2 Хаан түрэнүүд 6:14

Давид маалинга эфод үмдэнхэй, Эзэниие магтан бүхы шадалаараа бүжэглэбэ.

4 Хаан түрэнүүд 23:24

Ёшияа Иерусалимдахи иудынхидай дунда заншал боложо дэлгэрһэн, онгонуудай һүрэгүүдтэ шүтэн мүргэлгые, үхэгшэдэй хуурмаг хии үзэгдэлнүүдые болон һүнэһэ һүлдэнүүдые дуудалгануудые үгы хэбэ. Тиигэжэ тэрэ Хилкияа санаартын Эзэнэй һүмэдэ ологшо ном соохи Хуулинуудые бэелүүлэн гүйсэдхэбэ.

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

Египедһээ гаралга 28:4

Минии санаартадаар алба хэхын тула шинии аха Аһароондо болон хүбүүдтэнь нангин хубсаһа – сээжэбшэ-уута, эфод, ута маалинга самса, угалзатай самса, толгойн боолто ба бүһэ тэдэ оёг.

Египедһээ гаралга 28:6

Алтан утаһаар, сэнхир хүхэ, гүн улаан, үдхэн улаан хилгааһаар, нарин маалингаар угалзатай эфод тэдэ хэг.

Гашуудал 2:9

Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Эзэкээл 19:14

Мүшэрһөөнь гал гаража, гэшүүһэдынь, жэмэсынь дууһан шатаба. Иигэжэ хүдэр гэшүүһэд, мүн тиихэдэ хаанай баягшье бэшэ байхаа болёо һэн.

Эзэкээл 20:32

Бусад үндэһэ яһатадтал, уг угсаатанда адли боложо, модо, шулуугаар бүтээһэн онгонуудта мүргэжэ, һайн байхабди гэжэ тэдэ һанана. Теэд иимэ юумэн хэзээшье бүтэхэгүй!

Эзэкээл 21:21

Вавилооной хаан харгын һалаа дээрэ зогсожо, годлинуудые һэгсэрэн, онгонуудые асуун, үргэлдэ гэжэ гаргаһан хониной эльгэ шэнжэлэн, ямар харгыгаар ошохоёо шиидэжэ байна.

Эзэкээл 21:31

Уур хилэнгэй гал түймэрөөр хайран, зэбүүрхэһэнээ таанадта мэдүүлхэб. Тиигээд алахадаа бэрхэ, хэрзэгы зоной гарта таанадые дамжуулхаб.

Даниил 11:31

нангин үргөө руу сэрэг ябуулха. Тиихэдэнь тэрэ сэрэг нангин үргөөе бузарлаха, үдэр бүриин үргэл болюулха, хооһон болгохо.

Даниил 12:11

Үдэр бүриин үргэл болюулһанай, һандаралай мандажа эхилһэнэй удаа нэгэ мянга хоёр зуун ерэн үдэр үнгэрхэ.

Даниил 9:27

Тэрэ олонтой нэгэ долоон хоногой туршада хэлсээ баталха. Удаань хахад долоон хоногой һүүлээр мяхан болон талхан үргэл болюулха. Һандаргаашын эсэс болотор жэгшүүритэ муухай һандарал, хооһорол үргэлжэлхэ. Тэрэнэй эсэсынь урид тодорхойлогдоһон бэлэй.

Һошээ 13:10

Хааниие болон удамаршадые эреэ бэлэйш, теэд тэдэ яагаад улад зонииеш абаржа шадахаб?!

Һошээ 13:11

Уур сухал дундаа Би таанадта хааниие үгөө һэм, бушаганаһан сухалайнгаа үедэ тэрэниие танһаа таһалан абааб.

Һошээ 2:11

Баяр зугааень – жэл бүриин болон һара бүриин һайндэрнүүдыень, амаралтын үдэрэй һайндэрые, юрэдөө, бүхы сэнгэл зугааень үгы хэхэб.

Левит 8:7

Аһароондо самса үмдэхүүлжэ, бүһөөр бүһэлүүлээд, дээрэһээнь гадар самса үмдэхүүлбэ. Дээрэһээнь эфод үмдүүлээд, эфодой угалзата бүһөөр бүһэлбэ.

Захарияа 10:2

Онгонууд ерээдүй саг тушаа таамаглана. Мэдэлшэбди гэдэгүүд худал үзэгдэл хаража, хуурмаг зүүдэ үзэнэ. Тэрэнь ямаршье ашагүй. Тиимэһээ хүнүүд хонин мэтэ төөрин, туһа эрин хашхаралдана. Теэд тэдэниие дахуулха хонишон байхагүй.

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Иоанн 19:15

– Үгы болог! Тонилог саашаа! Энээниие саазала! – гэжэ тэдэнь хашхаралдаба. – Таанарай Хааниие саазалхамни гү? – гэжэ Пилат асууба. – Римэй хаанһаа бэшэ ондоо хаан маанадта байхагүй! – гэжэ түрүү санаартан харюусаба.

Еврейнүүдтэ 10:26

Үнэн зүбые мэдэрһэн хойноо бидэнэй зорюута нүгэл хэжэ ороболнай нүгэлнүүдые арилгаха тахил дахин бидэндэ байхагүйл.

Ударидагшад 17:5

Михаа бурхануудай дүрсэнүүдтэ һүгэдэн мүргэдэг гэртэй болобо. Тэрэ эфод болон терафим хэжэ, хүбүүдэйнгөө нэгэндэ һахил хүртөөлгөөд, тэрэниие өөрынгөө санаарта болгобо.

Ударидагшад 18:14

Лааһиш нютаг шэнжэлэн хаража ерэһэн тэдэ табан сэрэгшэд бусад сэрэгшэдтээ иигэжэ хэлэбэд: – Эдэ гэрнүүдэй нэгэн соо эфод, терафим, шабар болон шудхамал бурхануудай хүрэгүүд байдаг. Тэдэнииень яалтайб гэжэ таанад бодожо үзэгты.

Ударидагшад 8:27

Гидоон тэрэ алтаараа нэгэ эфод бүтээгээд, өөрынгөө Опраа хотодо тэрэнээ табиба. Тиихэдэнь бүхы израильшууд эфодтонь шүтэн мүргэжэ, тэндэ забхайралдажа эхилбэ. Тэрэ эфодынь Гидоондо болон тэрэнэй бүхы түрэлхидтэ занга болобо.

1 Хаан түрэнүүд 14:3

Тэдэнэй тоодо Ахияа санаартан байлсаа. Тэрэ Ахитуубай хүбүүн һэн. Ахитууб хадаа Ихабоодой дүү болоно. Ихабоод Шилоодо Эзэнэй санаартан байһан Элиин гуша, Пинэһаасай хүбүүн бэлэй. Ёнатаанай ошоһон тухай зон мэдээгүй байгаа.

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.

1 Хаан түрэнүүд 2:18

Харин балшар хүбүүн Самуил маалинга эфод хубсаһа үмдэн, Эзэнэй урда алба хэдэг бэлэй.

1 Хаан түрэнүүд 21:9

Санаартан: – Элаагай хүндыдэ танай алаһан пилишт хүн Голиафай һэлмэ бии. Тэрэ эфодой саана, хубсаһанда орёолтотой байна. Хэрбээ һанаа һаа, тэрэниие өөртөө абагты. Эндэ тэрээнһээ ондоо юумэн байхагүй, – гэбэ. Давид: – Тэрээнһээ дээрэ һэлмэ байхагүй. Тэрэниие намда үгэ, – гээ һэн.

1 Хаан түрэнүүд 22:18

Тиихэдэнь хаан Доһээгтэ: – Ши ошоод, санаартадые ала, – гэхэдэнь, Эдоомой Доһээг ошожо, санаартанда добтолжо, маалинга эфод үмдэһэн наян табан хүниие тэрэ үдэр алаба.

1 Хаан түрэнүүд 23:6

Ахимээлэхэй Абиатаар хүбүүн Давидта Кэилаа руу тэрьедэн ерэхэдээ, гартаа эфод барин асарһан байгаа.

1 Хаан түрэнүүд 23:9

Саулай өөртэнь хоро хэхэ гэжэ байһые Давид мэдээд, Абиатаар санаартанда: – Эфод абажа ерэ, – гэжэ хэлэбэ.

1 Хаан түрэнүүд 30:7

Удаань Давид Ахимээлэхэй хүбүүн, санаартан Абиатаарта: – Эфод намда асара, – гэбэ. Абиатаар Давидта эфод асарба.