Галадуудта 6:8 - Библи

⁸ Бэеынгээ хүсэлэнгүүдые хангажа байдаг хүн үхэл олохо, харин Арюун Һүлдын тулада оролдодог хүндэ Арюун Һүлдэ мүнхын амидарал олгохо.

Шэнэ Хэлсээн

⁸ Махабад бэеынгээ хүсэлэнгүүдые хангажа байдаг хүн үхэл олохо, харин Нангин Һүлдын тулада оролдодог хүндэ Нангин Һүлдэ мүнхын амидарал олгохо.

Галадуудта 6:8 Iomraidhean Croise

Иоов 4:8

Харин би хараһан байнаб: нүгэлэй таряаланда зоболон таригшадта тэрэнь өөһэдынь толгой дээрэ буудаг.

Һургаал 11:18

Нүгэлтэй хүн хуурмаг шагнал олоно, харин үнэн шударга хүн ёһотой шагналда хүртэнэ.

Һургаал 22:8

Үнэн шударга бэшэ ябадал таригша өөртөө зоболон хуряаха. Тиигэжэ уур хилэнгэйнь һабаа үгы болохо.

Экклезиаст 11:6

Үглөөгүүр тарихаяа гара, үдэшэлэн гараа һула бү таби, юундэб гэхэдэ, эртэ орой тариһанай алиниинь үрэжэлтэйб гэжэ ши мэдэнэгүйш, адли урагшатай байжашье магад.

Исай 32:20

ургаса таряагаа уһалха дүүрэн уһатай, үхэр малаа, элжэгэеэ сүлөөтэй бэлшээхэ аргатай зон хэды ехэ жаргалтай байхаб даа!

Ерэмияа 12:13

Минии арад зон шэниисэ тариһан аад, үрмэдүүл хуряажа абаба. Тэдэ эсэн ядараа, гэбэшье ямаршье ашаг олзо олоогүй. Өөһэдынгөө ургасаһаа тэдэ эшэг лэ! Дүлэтэһэн уур сухални иимэл!

Һошээ 10:13

Таанад муу муухайе ургуулан байгаат, үнэн шударга бэшые хуряажа абанат. Худал хуурмагаар ургуулагша эдеэгээ эдин байнат. Юуб гэбэл, таанад дайшалхы тэргэнүүдтээ, олон сэрэгшэдтээ найдаһан байгаат.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Матвей 19:29

Баһа Минии түлөө гэр байраяа гү, аха дүүнэрээ гү, эгэшэ дүүнэрээ гү, аба эжыгээ гү, һамга үхибүүдээ гү, али эдлэжэ байһан газараа орхиһон хүн бүхэн зуу дахин ехэ юумэ абаха, үшөө тиихэдэ мүнхын амидаралда хүртэхэ.

Матвей 25:46

Тиигээд тэдэ буруутаһан зон хэтэ заяандаа хэһээгдэхэ, харин Бурханай һайшаалда хүртэһэн зон мүнхын амидаралда хүртэхэ.

Лука 18:30

энэ наһандаа хэдэ дахин ехэ юумэндэ хүртэхэ, ерээдүйн үедэ мүнхэ наһа наһалха гэжэ үнэниие хэлэнэб, – гэжэ Иисүүс харюусаба.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Иоанн 4:36

Таряа хадагша өөрынгөө түлөөһэ абадаг, мүнхэ амидаралай тула ургаса хуряадаг юм, тиин таряа таригшашье, таряа хадагшашье адли баясадаг байна.

Иоанн 6:27

Теэд таанар саг зуурын эдеэндэ һаналаа бү табигты, харин мүнхын амидарал олгодог эдеэндэ һаналаа табигты. Тиимэ амидаралые таанарта Хүн түрэлхитэнэй Хүбүүн үгэхэ, Бурхан Эсэгэ Тэрээндэ эрхэ засагаа үршөөгөө юм.

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 6:13

Бэеынгээ алишье эрхэтэниие нүгэлдэ хүтэлхэ хуурмаг ябадалай зэбсэг бү болгогты. Зүгөөр үхөөд амидырһан зондол адляар өөһэдыгөө Бурханда зорюулан, бэеынгээ алишье эрхэтэниие Бурханай хэрэглэхэ зүб ябадалай зэбсэг болгогты.

Римэйхиндэ 6:23

Хэһэн нүгэл шэбэлэйтнай түлөөһэниинь үхэл юм. Харин манай Эзэн Иисүүс Христоостой нэгэдэн мүнхэ амидархань Бурханай үршөөл бэлэг юм.

Римэйхиндэ 8:11

Иисүүсые үхэхэдэнь амидыруулһан Бурханай Һүлдын зосоотнай оршожо байхадань, Христоосые Амидыруулагша зосоотнай оршожо байһан Һүлдөөрөө таанадайшье үхэлтэ бэедэ ами үршөөхэл.

Римэйхиндэ 8:13

Тиигэжэ ажамидараа хадаа үхэхэт, харин Һүлдөөрөө нүгэлтэ хэрэгүүдээ һүнөөжэ байбал, амиды байхат.

Римэйхиндэ 8:6

Нүгэлтэ мүн шанарай мэдэлдэ байһань үхэлдэ хүргэдэг, харин Һүлдын мэдэлдэ байһань амидарал ба энхэ тайбан найруулдаг.

Коринфынхидтэ 1-дэхи 15:42

Тон тиимэл юумэн үхэһэн хүнүүдэй амидырхада болохо: бэе үхэл соо таригдаад амидырхадаа, үмхирдэггүй мүнхэ болохо.

Галадуудта 6:7

Бурханиие мэхэлхэ аргагүй юм. Тиимэһээ бү эндүүрэгты. Хүн тариһанаал хададаг.

Тимофейдэ 1-дэхи 1:16

Бурхан намайе үршөөл хайрадаа хүртөөгөө. Ушарынь юуб гэбэл, нүгэлтэдэй мууниинь байһан намда Христоос Иисүүс ехэл тэсэбэритэй байгаа. Хүн зон Тэрээндэ һүзэглэжэ, һүүлдэнь мүнхын амидаралда хүртэхынь тулада Христоос тиимэ тэсэбэри үзүүлээ.

Яковай хандалга 3:18

Эб найрамдал найруулагшад эб найрамдалай үрэ тарихадаа, үнэн зүбэй ургаса хададаг юм.

Пётрой 2-дохи хандалга 2:12

Харин эдэ хүнүүд гансал зүнгөөрөө мэдэдэг, баригдажа алуулхын тула түрэдэг зэрлиг амитадтал адли: ухаагаараа ойлгохо аргагүй юумэнүүдээ хардадаг, тиимэһээ тэдэ зэрлиг амитадтал адли үхэхэ.

Пётрой 2-дохи хандалга 2:19

Өөһэдөө үхэлэй барлагууд байһан мүртөө мэхэдээ оруулһан хүнүүдтэ эрхэ сүлөө амалдаг. Бидэниие ямар юумэн иланаб, бидэ тэрэ юумэнэй барлагууд болонобди.

Гэршэлгэ 22:11

Муу хүн муу юумэеэ хэжэ үргэлжэлүүлэг! Жэрхэмшэг муухай хүн тэрэл муухай юумэеэ хэг, һайн хүн һайе хэжэл байг, арюун гэгээн хүн тэрэл зандаа арюун ябаг».