Галадуудта 6:1 - Библи

¹ Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдыгөө анхарагты.

Шэнэ Хэлсээн

¹ Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдынгөө хойноһоо анхаржа ябагты.

Галадуудта 6:1 Iomraidhean Croise

2 Хаан түрэнүүд 11:2

Нэгэтэ үдэшэлэн Давид унтариһаа бодожо, хаанай ордоной хушалта дээрэ сэнгэжэ ябатараа бэеэ угаажа байһан нэгэ эхэнэрые хушалта дээрэһээ хараба. Тэрэ эхэнэр угаа һайхан байгаа.

Псалманууд 141:5

Эзэн, би Таниие дуудан иигэжэ хэлээб: «Та хадаа минии хорохо газар, амидын газарта минии хуби мүн!»

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Матвей 11:29

Минии хазаар абажа өөһэдыгөө хазаарлагты, Намһаа һуража абагты, ушарынь юуб гэбэл, Би даруу, номгон сэдьхэлтэйб, тиин таанад һанаагаа амархат.

Матвей 26:69

Пётрой газаа хорёодо һуухадань, нэгэ зараса һамган тэрээндэ ерэжэ: – Ши баһал Галилейн Иисүүстэй хамта байлсаа һэнши, – гэбэ.

Матвей 26:75

Тиихэдэнь Пётр «Эрэ тахяагай дуугархаһаань урда ши Намһаа гурба дахин арсахалши даа», – гэжэ Иисүүсэй хэлэһые һанажархиба. Тиигээд тэндэһээ гараад, гунигтайгаар уйлаба.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Римэйхиндэ 14:1

Этигэл һүзэгөөр һула хүнүүдые хүндэлжэ байгты, һанамжанууд тухайнь тэдэнтэй бү арсалдагты.

Римэйхиндэ 15:1

Бата һүзэгтэй бидэнэр ганса бэе тухайгаа бодохо ёһогүйбди, харин һүзэгөөр бирагүйхэн зониие дэмжэхэ ёһотойбди.

Римэйхиндэ 8:6

Нүгэлтэ мүн шанарай мэдэлдэ байһань үхэлдэ хүргэдэг, харин Һүлдын мэдэлдэ байһань амидарал ба энхэ тайбан найруулдаг.

Коринфынхидтэ 1-дэхи 10:12

Тиимэһээ батаар зогсоноб гэжэ өөр тухайгаа бодожо байһан хүн унашахагүйн тула болгоомжотой байг.

Коринфынхидтэ 1-дэхи 14:37

Хэрбээ хэн нэгэн өөрыгөө Бурханай мэдээсэл элирүүлэгшэб, али оюун сэдьхэлэй абьяастайб гэжэ тоолобол, минии таанадта бэшэһэн юумэн Эзэнэй захяа заабари мүн гэжэ мэдэрхэ ёһотой.

Коринфынхидтэ 1-дэхи 2:15

Тиихэдэ Һүлдэтэй хүн ямаршье юумые шүүбэрилхэ аргатай, харин тиимэ хүниие гансал Бурхан шүүбэрилхэ аргатай.

Коринфынхидтэ 1-дэхи 3:1

Аха дүүнэр, Һүлдэ тогтооһон хүнүүдтэл адляар таанадта хандан хэлэхэ аргагүй байгааб, харин энэ дэлхэйн хүнүүдтэл, Христоосто һүзэглэһэнөөрөө нарай үхибүүд байһан хүнүүдтэл мэтэ хандан хэлээб.

Коринфынхидтэ 1-дэхи 4:21

Минии таанадта ташууртай ерэхыемни хүсэнэ гүт, али энхэргэн зөөлэн, хайра дурын һүлдэтэй ерэхыемни хүлеэнэ гүт?

Коринфынхидтэ 1-дэхи 7:5

Бэе бэетэйгээ инаглан харилсажа байгты, зальбаржа сагаа үнгэргэхэ гэжэ хоюулан зүбшэһэн сагтаа инаглан харилсахаяа болигты, тиигээд бэеэ барижа шадахагүй байхадатнай сатанагай таанадые хорхойтуулхагүйн тула дахин бэе бэедээ няалдагты.

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 2:7

Зүгөөр тэрэ нүхэрөө аргагүй ехээр уйдажа, сэдьхэлээрээ унахагүйнь тула хүлисөөд, һанааень заһабалтнай, таанадта дээрэ байха.

Коринфынхидтэ 2-дохи 2:8

Үнэн дээрээ тэрээндээ дуратай байһанаа мэдүүлхыетнай таанадһаа гуйнаб.

Галадуудта 5:23

номгон даруу зан. Иимэ зондо Хуули хэрэггүй.

Галадуудта 6:18

Аха дүүнэрни, манай Эзэн Иисүүс Христоосой үршөөл хайрань таанадтай оршожо байг лэ! Болтогой!

Фессалоникиинхидтэ 1-дэхи 4:1

Аха дүүнэрни, Бурханда һайшаагдадаг ажамидарал ямар байдаг бэ гэжэ таанад бидэнһээ һураа бэлэйт. Мүнөөшье таанад тиимэ ажамидаралтай байнат. Тиин саашадаашье тиигэжэл ажамидарагты гэжэ бидэ мүнөө Эзэн Иисүүсэй нэрээр таанадые гуйха, аргадаха байнабди.

Фессалоникиинхидтэ 2-дохи 3:15

Тиихэдээ тэдэндэ дайсадта адли бү хандаарайт, харин аха дүүнэрээ һургажа байһандал ухаан заажа байгаарайт.

Тимофейдэ 2-дохи 2:25

Шамда эсэргүүсэһэн хүнүүдые Бурхан нүгэл үйлэдэхыень болюулжа, Өөртөө хандуулха, үнэн зүбые мэдэрхэ боломжо үгэхэ магадалтай юм хадань ши тэдэ зониие ехэл дарууханаар заһажа байгаарай.

Еврейнүүдтэ 12:13

Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.

Еврейнүүдтэ 13:3

Түрмэдэ һууһан хүнүүд тухай тэдэнтэй суг хаагдаһан мэтэл һанажа байгты. Зобожо байһан хүнүүдтэй адли зоболсон, тэдэниие һанажа байгты.

Яковай хандалга 3:13

Танай хэнтнай сэсэн ухаатайб, юумэ ойлгодог бэ? Тэрэнээ үнэн зүбөөр ажамидаран, дарууханаар болон бодолтойгоор үлзытэй үйлэ хэрэгүүдые бүтээн гэршэлэгты.

Яковай хандалга 3:2

Бидэ булта олон нүгэл шэбэл хэдэгбди. Тиихэдээ хэлэ амаараа нүгэл хэдэггүй хүн эрхим түгэс гээшэ, тэрэ хүн өөрыгөө хазаарлажа шадаха.

Пётрой 1-дэхи хандалга 3:15

Харин зүрхэ сэдьхэлдээ Эзэн Христоосые аргагүй хүндэлжэ ябагты. Ямаршье хүнэй ажамидаралайтнай найдал тухай һурабалнь, хэзээшье харюу үгэхэдэ бэлэн байгты.

Иоаннай 1-дэхи хандалга 5:16

Хэрбээ ахань үхэлдэ хүргэдэггүй нүгэл хэнэ гэжэ мэдэжэ, хаража байһан хүн Бурханда мүргэг, тиихэдэнь Бурхан тэрээниие амиды байлгаха. Үхэлдэ хүргэдэггүй нүгэл хэһэн хүн тухай эндэ би хэлэжэ байнаб. Харин үхэлдэ хүргэдэг нүгэл гэжэ бии. Тиимэ нүгэл хэгшэдэй түлөө зальбарха ёһотой гэжэ би эндэ хэлэнэгүйб.