Галадуудта 3:16 - Библи

¹⁶ Харин Абраһаамда, тэрэнэй үридэ Бурхан найдуулга үгөө. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христоос гээшэ.

Шэнэ Хэлсээн

¹⁶ Харин Абраһамда, тэрэнэй үридэ Бурхан найдуулга үгэһэн байгаа. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христос гээшэ.

Галадуудта 3:16 Iomraidhean Croise

Эхин 12:3

Хэн шамайе үреэнэб – тэрэниие Би үреэхэб! Хэн шамайе хараанаб – тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие буян хэшэгтээ хүртөөхэб!

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 15:5

Эзэн Абрамые майханһаань гаргаад, иигэжэ айладхаба: – Огторгой өөдэ хара, одо мүшэдые тооло, харин тооложо шадаха гүш? Иимэ олон үри һадаһадтай болохош.

Эхин 21:12

Зүгөөр Бурхан тэрээндэ: – Хүбүүн, зараса эхэнэр тухайгаа һанаагаа бү зобо. Саррын хэлэһэн үгэ дуула! Юундэб гэхэдэ, Исаагаар дамжан, ши Минии үгэхэб гэһэн үри хүүгэдтэй болохош.

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Матвей 1:1

Абраһаамай үри һадаһан болохо Давидай үри һадаһан Иисүүс Христоосой уг гарбалынь иимэ:

Лука 1:55

манай үдэрнүүд хүрэтэр мартангүй Абраһаамда болон тэрэнэй үри һадаһадтань үеын үедэ үршөөл хайраа хайрлажа байгаал!

Хэрэгүүд 3:25

Таанад лүндэншэдэй үри һадаһад гээшэт, тиин танай үбгэ эсэгэнэрэй Бурхантай баталһан хэлсээндэ баһа хабаатай болонот. «Шинии уг удамаар дамжан бүхы дэлхэйн арадууд буян хэшэгтэ хүртэхэ», – гэжэ Бурхан Абраһаамда айладаа.

Римэйхиндэ 12:5

Тон тиигэжэл бидэ олоншье байһан мүртөө бултадаа Христоостой хамта нэгэ бэе болонобди, тиин бидэ нэгэ бэеын ондо ондоо эрхэтэнүүдтэл адли бэе бэетэйгээ холбоотойбди.

Римэйхиндэ 4:13

Бурхан Абраһаамда, тэрэнэй үри һадаһадта газар дэлхэйе залгамжалан абахаш гэһэн найдуулга үгөө. Абраһаамай Хуули сахижа байһандань бэшэ, харин Бурханда һүзэглөөд, үнэн сэдьхэлтэй болоһон хадань тэрэ найдуулга үгтөө.

Римэйхиндэ 4:16

Тиимэһээ найдуулга этигэл һүзэг дээрэ үндэһэлнэ, тиин Абраһаамай бүхы үри һадаһадта, гансашье Хуули сахидаг бэшэ, харин Абраһаамдал адляар һүзэглэһэн хүн бүхэндэ Бурханай агууехэ үршөөл хайраар тэрэ найдуулгань батаар үгтэбэ. Абраһаам бултанаймнай эсэгэ.

Римэйхиндэ 9:4

Тэдэ израильшууд Бурханай шэлэжэ абаһан хүнүүд юм. Бурхан тэдэндэ алдараа харуулаа, тэдэнтэй хэлсээ баталаа, тэдэндэ Хуули, тиигээд шүтэлгын Һүмэ ба найдуулгаа үгөө.

Коринфынхидтэ 1-дэхи 12:12

Христоос олон эрхэтэнһээ бүридэһэн нэгэ бэедэ адли; бэеын эрхэтэнүүд олоншье һаа, тэдэнэр нэгэ бэе бүрилдүүлдэг.

Коринфынхидтэ 1-дэхи 12:27

Таанад булта Христоосой бэе гээшэт, харин ганса гансаараа Тэрэнэй эрхэтэд гээшэт.

Коринфынхидтэ 2-дохи 11:22

Тэдэнэр еврейнүүдбди гэнэ гү? Тиин бишье тиимэ хүмби. Тэдэнэр израильшууд гү? Тиин бишье тиимэ хүмби. Тэдэнэр Абраһаамай үри һадаһад гү? Тиин бишье тиимэб.

Галадуудта 3:19

Юундэ Хуули үгтэһэн байгааб? Абраһаамай үри һадаһан ерэхэ гэжэ Бурханай найдуулһан саг хүрэтэр гэмтэ ябадал юун бэ гэжэ ойлгожо байхын тула энэ Хуули үгтөө. Энэ Хуули хүнүүдтэ Эльгээмэлээр болон зууршалагшаар дамжуулан үгтөө.

Галадуудта 3:8

Арадуудые этигэлээрнь Бурхан аршалан сүлөөлхэ гэжэ Нангин Бэшэг соо үни гэһээр тунхаглагдаа. Тэндэ Абраһаамда: «Бурхан шамаар дамжуулан, бүхы арадуудые абарха», – гэжэ хэлэгдээ.

Эфесэйхиндэ 5:32

Эдэ бүхэндэ агууехэ нюуса далдалаатай. Христоос болон Тэрэнэй һүзэглэгшэдэй бүлгэм тушаа би хэлэнэб.

Колоссынхидтэ 2:19

Тэдэнэр бэеын толгой болохо Христоосто найданагүй. Гэхэтэй сасуу бэе толгойн, Христоосой хиналта доро ургажа, Тэрэнэй бүридэл болон барисаагаар холбогдуулан эблэрэн, Бурханайл дураар ургадаг юм.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.