Филиппынхидтэ 2:21 - Библи

²¹ Бусад зон бүгэдөөрөө Иисүүс Христоосто һайшаагдаха юумэ бүтээхэ тухай огто бодонгүй, өөрынгөө амидаралай түлөө оролдожо ябадаг.

Шэнэ Хэлсээн

²¹ Бусад зон бүгэдөөрөө Иисус Христосто һайшаагдаха юумэ бүтээхэ тухай огто бодонгүй, өөрынгөө амидаралай түлөө оролдожо ябадаг.

Филиппынхидтэ 2:21 Iomraidhean Croise

4 Хаан түрэнүүд 12:6

Теэд Ёһааш хаанай хорин гурбадахи жэлээ хан түрэеэ засаглажа байхада, санаартад Һүмын һандаралгые заһабарилжа шадабагүй.

Исай 56:11

Тэдэ болбол садахаа мэдэхэгүй, өөрын олзо оршодо шунахайрһан нохойнууд гээшэ.

Малаахи 1:10

«Минии үргэлэй шэрээ дээрэ гал носоожо байнхаар хэн нэгэнтнай хаалгаяа хааха байгаа. Би таанадта дураа гутажа байнаб, таанадай гарһаа үргэлытнай абахагүйб» гэжэ Түмэн Сэрэгтэ Эзэн айладажа байна.

Матвей 16:24

Тиигээд Иисүүс Өөрынгөө шабинарта хэлэбэ: – Намтай ябалсаха дуратай хүн өөр тухайгаа бодохоёо болёод, үдэр бүхэн хэрээһэеэ үргэлөөд, хойноһоомни яба.

Лука 14:26

– Намда ерэһэн хүнүүд эхэ эсэгэһээ, һамга үхибүүдһээ, аха дүүнэрһээ, ами наһанһаа үлүү ехээр лэ Намда дуратай һаа, шабинарни болохо аргатай.

Хэрэгүүд 13:13

Павел замайнгаа нүхэдтэй Пафосһаа тамаржа гараад, Памфилиин нютагай Пээргэ хото хүрэжэ ерэбэ. Тэндэ Иоанн тэдэниие орхёод, Иерусалимаа бусажа ошоо һэн.

Хэрэгүүд 15:38

Гэбэшье Памфилида тэдэниие хаяжа, хэрэгыень бүтээлсэхэеэ арсаһан Маркые Павел абажа ябаха дурагүй байгаа.

Коринфынхидтэ 1-дэхи 10:24

Нэгэнтнайшье өөрынгөө һайн һайханай түлөө бү оролдог, харин бусадай аша тулада оролдожо байг.

Коринфынхидтэ 1-дэхи 10:33

Ямаршье юумэ хэхэдээ, би өөрынгөө аша туһада бэшэ, харин бүхы хүнүүдэй абарагдахын тула, тэдэнэй аша туһада оролдодогби.

Коринфынхидтэ 1-дэхи 13:5

Хайра дуратай хүн бадашадаггүй, өөртөө олзо бэдэрдэггүй, абаһаар сухалдадаггүй, муу юумэ һанаандаа баряад байдаггүй.

Коринфынхидтэ 2-дохи 1:5

Христоосой олон зоболонгуудые хубаалсаха тума бидэ Христоосой ашаар Бурханай туһаламжа бүри ехээр абанабди.

Филиппынхидтэ 2:4

Гансал өөһэдынгөө бэшэ, харин бусадайнгаа һайн һайханай түлөө һаналаа табижа байгты.

Тимофейдэ 2-дохи 1:15

Аси можын бүхы зон, тэдэнэй тоодо Фигелл ба Һэрмогээн хоёр намайе орхижо ошоо гэжэ ши мэдэнэш.

Тимофейдэ 2-дохи 3:2

Хүнүүд бэеэ дээгүүр абанхай, алта мүнгэндэ шунанхай, омог бардам зантай, хорон үгэтэй, эхэ эсэгынгээ үгые дууладаггүй, хүнэй аша туһые харюулдаггүй, Бурханда шүтэдэггүй,

Тимофейдэ 2-дохи 4:10

Дэмаас энэ оршолон дэлхэйдэ татагдажа, намайе орхёод, Фессалоники руу ябаа. Крээск Галаадай можо, Тит Далмаадын можо ошобод.

Тимофейдэ 2-дохи 4:16

Түрүүшынхиеэ өөрыгөө хамгаалхадамни булта намайе орхижо ошоо һэн. Тэдэ зониие Эзэн бү зэмэлэг лэ.