Ерэмияа 16:11 - Библи

¹¹ Тиихэдэнь ши тэдээндэ: – Элинсэг хулинсагайтнай Намайе орхиһоной түлөө гэжэ Эзэн айладхана! Тэдэ ондоо бурхадые дахажа, тэдээндэ алба хэжэ, урдань һүгэдэн мүргэжэ байгаа. Харин Намайе орхижо, Минии хуули сахяагүй гэжэ Эзэн айладхана.

Ерэмияа 16:11 Iomraidhean Croise

3 Хаан түрэнүүд 9:9

Тэрээндэ иимэ харюу үгэхэ: «Египедһээ гаргаһан Эзэн Бурханаа орхижо, ондоо бурхадта няалдан, шүтэн мүргэжэ, тэдээндэ алба хэдэг болоһонойнь түлөө Эзэн тэдээндэ иимэ гай гасалан эльгээгээ».

2 Угай бэшэг 7:22

Тэрээндэ иимэ харюу үгэхэ: «Египедһээ гаргаһан, үбгэ эсэгэнэрэйнь шүтэн ябаһан Эзэн Бурханаа орхижо, ондоо бурхадта няалдан, шүтэн мүргэжэ, тэдээндэ алба хэдэг болоһонойнь түлөө Бурхан тэдээндэ иимэ гай гасалан эльгээгээ».

Ерэмияа 13:22

Хормойшни шуугдаа, хүсөөр эдлэгдээш – эдэ бүгэдэ яагаад шамтай тохёолдоо гээшэб гэжэ асуубалшни, нүгэл шэбэлэйшни угаа олон байһанда энэ болоо гэһэн харюу үгтэхэ.

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Ерэмияа 22:9

Тиихэдэнь Намтай, өөрынгөө Бурхантай, баталһан хэлсээнһээ таанадай арсаһанай, ондоо бурхадта мүргэн, алба хэһэнэйтнай түлөө гэһэн харюу дуулдаха юм.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Ерэмияа 9:14

Харин үсэрхэжэ, үбгэ эсэгэнэрэйнгээ һургаһанай ёһоор Баалда мүргэн-шүтэн байба.

Гашуудал 5:7

Эсэгэнэрнай нүгэл хээ, тэдэ мүнөө үгы. Харин бидэ гэмэйнь түлөө хэһээгдэжэ байнабди.

Эзэкээл 11:21

Харин жэгшүүритэй муухай онгонуудта мүргэдэг зониие хэһээхэб. Энэ болбол Би, Эзэн Бурхан, айладхана мүн!

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Малаахи 3:7

Анханһаа таанад минии хуули сахяагүйт. Танай үбгэ эсэгэнэршье Минии захяа заабари сахихаяа болёо һэн. Нам тээшэ бусажа ерэгты, Бишье таанадта бусажа ерэхэб» гэжэ Түмэн Сэрэгтэ Эзэн айладажа байна. «Бидэ яажа бусан ерэхэ болонобибди?» гэжэ таанад асуужа болохот.

Пётрой 1-дэхи хандалга 4:3

Урдань таанад бусад арадуудай хэхэ дуратай юумэнүүдые хэжэ, нилээн саг үнгэргөөт. Зохихогүй юумэнүүдые үйлэдэжэ, зальхайржа, архидажа, һогтуу хүнүүдээр ниилэжэ, найрлажа, онгонуудта жэрхэдэһэтэйгээр мүргэжэ байгаат.

Ударидагшад 2:11

Тиихэдэ тэдэнэр Эзэндэ муу муухай ябадал хэжэ, хуурмаг бурхан Баалда шүтэн мүргэдэг болобо.