Ерэмияа 13:13 - Библи

¹³ ши тэдээндэ Минии, Эзэнэй, энэ орон нютагай бүхы ажаһуугшадые – хан шэрээдэ һуугша Давидай уг удамыень, санаартадые, лүндэншэдые, Иерусалимай бүхы улад зониие – һогтоторнь архяар дүүргэхэеэ байһан тухай дуулга.

Ерэмияа 13:13 Iomraidhean Croise

Исай 63:6

Уур сухал дундаа Би үндэһэ яһатадые дэбһэжэ хюдааб. Тэдэнэй шуһа газар руу адхаа бэлэйб».

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Псалманууд 75:8

Та угаа һүрөөтэйт. Ууртай байгаа сагтатнай хэн урдатнай байжа шадахаб даа.

Псалманууд 60:3

Дэлхэйн хизаарһаа зүрхөө үбдэн Таниие дууданаб. Хабсагай дээрэ намайе үргэн табиит, өөрөө тэндэ гаража шадахагүйлби.

Аввакуум 2:16

Алдар солын орондо ши эшэмхэй муу байдал амжахаш. Мүнөө ши уужа-һогтожо, өөрыгөө эшхэбтэр байдалда оруулхаш. Эзэн эшхэбтэр байдалай ундатай аяга шамда бариха!

Ерэмияа 51:7

Бүхы дэлхэйе һогтуулжа байһан, Минии гартахи алтан хундага мэтэ һэн Вавилоон.

Ерэмияа 25:27

Тиигээд Эзэн намда иигэжэ айладхаба: – Улад зондо Минии, Түмэн Сэрэгтэ Эзэнэй, Израилиин Бурханай, захиралта дуулга. Уугты, һогтогты, бөөлжэн унагты гэжэ захирнаб. Танай урдаһаа дайн дажар эльгээхэдэм, бодожо шадахагүйт.

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Ерэмияа 51:57

Түшэмэлнүүдыень, сэсэн мэргэшүүлыень, удамаршадыень, сэрэгшэдыень һогтоохоб. Тэдэ унтажа, хэтэ мүнхын нойроор нойрсохо, һэрихэгүй. Энэ хадаа Би, хаан, Би, Түмэн Сэрэгтэ Эзэн, айладхана мүн!

Исай 51:21

Үзэмэй дараһан архиһаа бэшэ, ондоо юумэндэ һогтоһон, зобоһон Иерусалимай улад зон, шагнагты!

Исай 29:9

Зог татагты, газарта шаагдаһандал бологты, һохор бологты, нюдэгүй! Һогтогты, харин үзэмэй дараһан архиһаа боложо бэшэ! Найгалзагты, харин шара айрагһаа ушарлажа бэшэ!

Ерэмияа 13:12

Эзэн Бурхан намда: – Ерэмияа, «домбо бүхэн дараһан архяар дүүргэгдэхэ ёһотой» гэжэ Израилиин улад зондо соносхо. Тэдэнэй шамда «домбо бүхэниие дараһан архяар дүүргэдэг юм гэжэ бидэ һайн мэдэхэгүй юм гүбди?» гэхэдэнь,

Ерэмияа 25:29

Өөрын хото соо гай тодхор үйлэдэжэ эхилхэдэмни тэдэ хэһээлтэ амасангүй үлэхэ гэжэ гү? Үгы. Тэдэ хэһээгдэхэ, юуб гэхэдэ, дэлхэйн бүхы улад зоной урдаһаа Би дайн дажар эльгээхэм. Энэ болбол Би, Түмэн Сэрэгтэ Эзэн, айладхана мүн!