Ёһээл 2:16 - Библи

¹⁶ Арад түмэнөө суглуулжа, аха захатанаа уригты. Бүхы хүүгэдые, нялхануудые асаруулагты. Гэрлэхээ байһан залуушуулые унталгын үргөөһөө гаргагты.

Ёһээл 2:16 Iomraidhean Croise

2 Угай бэшэг 20:13

Иудын бүхы эрэшүүл һамгадтаяа, үхи хүүгэдтэеэ хамта Эзэнэй нангин үргөө соо зогсон байгаа бэлэй.

2 Угай бэшэг 29:5

иигэжэ айладхаба: – Левидүүд, намайе шагныта! Мүнөө өөһэдөө бузаргүй арюун боложо, үбгэ эсэгэнэрэйнгээ Эзэн Бурханай Һүмые арюудхагты! Һүмэһөө бузартай юумэ гаргажа хаягты.

2 Угай бэшэг 30:17

Бэеэ арюудхаагүй зон эндэ олон байжа, тэдэ Паасхын хурьгадые гаргажа шадахагүй һэн тула левидүүд орондонь тэдэ хурьгадые үүсэлэн гаргажа, Эзэндэ зорюулан үргөө бэлэй.

2 Угай бэшэг 30:19

бүгэдые, хэн үбгэ эсэгэнэрэйнгээ Эзэн Бурханда үнэнхэ зүрхэнһөө шүтэжэ эхилнэб, бэеэ арюудхаагүйшье һаа!

2 Угай бэшэг 35:6

Паасхын хурьга үүсэлэгты, Эзэнэй Моисейгээр дамжуулһан үгын ёһоор, Эзэндэ зорюулан үргэхэдэ арад зондо тэрэниие бэлэн болгогты, бэеэ арюудхагты.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Псалманууд 19:5

Зүрхэнэйшни бүхы хүсэлнүүдые хүртээхэнь болтогой! Бүхы түсэбүүдыеш бэелүүлэг лэ!

Египедһээ гаралга 19:10

Эзэн Моисейдэ айладаба: – Арад угсаатандаа иигээд буса. Энэ үдэртөө, үглөөдэр бэеэ арюудхажа, хубсаһа хунараа угаагты гэжэ зонхило.

Египедһээ гаралга 19:15

Моисей зондо хэлэбэ: – Нүгөөдэртэ бэлдэгты. Эхэнэртэй хурисахые зайлагты.

Египедһээ гаралга 19:22

Санаартад Эзэндэ дүтэлхэ гээ һаа, бэеын арюуниие нарин сахиха ёһотой. Үгы гэбэл, Эзэн тэдэниие баһал һүнөөхэ.

Ёһээл 1:14

Масаг сахилга тунхаглагты, ёһололой суглаа зарлагты. Ахамад болон орон нютагай хамаг зониие Эзэн Бурханай үргөөдэ суглуулжа, Эзэндэ зальбарагты.

Матвей 21:16

– Эдэнэй юу хэлэжэ байхые дуулана гүт? – гэжэ Иисүүсһээ асууба. – Дуулангүй яахаб! Теэд: «Үхибүүдэй, нарай нялха хүүгэдэй аманһаа Та Өөртөө магтаал дуудуулхат» гэжэ Нангин Бэшэг соо хэлээтэй байһые таанад хэзээшье уншаагүй аалта? – гэжэ Иисүүс тэдэндэ хэлэбэ.

Матвей 9:15

Тиихэдэнь Иисүүс тэдэндэ иигэжэ харюусаба: – Түрэ хуримай айлшад хүрьгэн хүбүүнтэйгээ хамта байха сагтаа гуниглаха аал? Үгыл даа! Зүгөөр хүрьгэн хүбүүнтэй хахасуулха үдэрэй ерэхэдэнь, тэдэ айлшад масаглахал.

Коринфынхидтэ 1-дэхи 7:5

Бэе бэетэйгээ инаглан харилсажа байгты, зальбаржа сагаа үнгэргэхэ гэжэ хоюулан зүбшэһэн сагтаа инаглан харилсахаяа болигты, тиигээд бэеэ барижа шадахагүй байхадатнай сатанагай таанадые хорхойтуулхагүйн тула дахин бэе бэедээ няалдагты.

Нүүнэй Иисүүс 7:13

Бодо, арад зоноо арюудхаад, тэдээндэ хэлэ: – Үглөөгүүр болотор нүгэлөө арюудхагты. Юундэб гэхэдэ, Эзэн, Израилиин Бурхан: «Израиль, хараалта юумэн дундашни байна; тиимэһээ хараалтые бэеһээ холодхоогүй сагтаа дайсадайнгаа урда тэсэхэгүйш», – гэнэ гэ.

Нүүнэй Иисүүс 8:35

Моисейн Иисүүстэ орхиһон бүхы захяа сооһоо Израилиин бүхы суглаанай урда, һамгадайнь ба хүүгэдэйнь урда, тэдээнэй дунда байһан ерүүл зоной урда Иисүүсэй уншаагүй нэгэш үгэ үлөөгүй.

1 Хаан түрэнүүд 16:5

Самуил: – Амгалан тайбан хэрэгээр. Эзэндэ үргэл үргэхэеэ ерээб. Бэеэ арюудхаад, намтай хамта үргэл үргэхэеэ ерэгты, – гэбэ. Тэрэ мүн Ишай гэгшые, тэрэнэй хүбүүдые арюудхан, тэдэниие үргэл үргэхыень уриба.