Эфесэйхиндэ 4:9 - Библи

⁹ «Үндэр газарта дабшан гараа» гэдэгынь баһа ямар удхатай юм? Урдань Тэрэнэй газарай доодо үнсэгтэ бууһыень харуулна бэшэ гү?

Шэнэ Хэлсээн

⁹ «Дээшээ гараад» гэдэгынь баһа ямар удхатай юм? Урдань тэрэнэй газарай доодо үнсэгтэ бууһыень харуулна бэшэ гү?

Эфесэйхиндэ 4:9 Iomraidhean Croise

Эхин 11:5

Эзэн хүн түрэлтэнэй барижа байһан хото самхаг хоёрые харахаяа буужа,

Псалманууд 63:9

Өөһэдынь хэлэн өөһэдыень усадхаха. Энээниие харагша бүхы зон зайлаха.

Псалманууд 8:5

Хүн гээшэ юун бэ, Яагаад тэрэниие Та һананабта? Хүнэй хүбүүн юун бэ, Яагаад Та тэрэниие анхарнабта?

Египедһээ гаралга 19:20

Эзэн Синай хадын оройдо буужа, Моисейе дуудаба. Моисей дээшээ гараба.

Һургаал 30:4

Хэн тэнгэри өөдэ ошоод, буужа ерээб? Хэн һалхиие гартаа адхажа байгааб? Хэн уһа хубсаһандаа суглуулааб? Хэн дэлхэйн хамаг хизаарые тогтоогооб? Тэрэнэй нэрэ болон хүбүүнэйнь нэрэ хэн бэ? Та үнэхөөр мэдэнэ ёһотойт.

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Эзэкээл 31:14

Уһаар оройдоошье дутангүй ургаашье хадаа ямаршье модон иимэ үндэр болохоёо, оройгоо үүлэд хүрэтэр үргэхэеэ бэшэ һанахагүй. Зоной нүгшэжэ, үхэлэй орон руу ошоһондол модон бүхэн мүн лэ һалаха юм.

Матвей 12:40

Яажа Иона халим загаһанай гэдэһэн дотор гурбан үдэр, гурбан һүни үнгэргөө һэм, тон тиигэжэл Хүн түрэлхитэнэй Хүбүүн гурбан үдэр, гурбан һүни соо газарай гүндэ оршохо.

Иоанн 20:17

– Намайе бү бари! – гэжэ Иисүүс тэрээндэ хэлэбэ. – Би Эсэгэдээ үшөө бусаагүй байнаб. Минии аха дүүнэртэ ошоод, «Би Өөрынгөө, мүн таанарай Эсэгэдэ, Өөрынгөө, мүн таанарай Бурханда бусанаб», – гэжэ хэлэ.

Иоанн 3:13

Тэнгэриһээ буужа ерэһэн Хүн түрэлхитэнэй Хүбүүнһээ ондоо хэншье Тэнгэридэ гаража үзөөгүй ха юм.

Иоанн 6:33

Юундэб гэбэл, Бурханай хилээмэн Тэнгэриһээ буужа ерээд, энэ дэлхэйн зондо ажамидарал үгэгшэ мүн, – гэжэ харюусаба.

Иоанн 6:38

Юундэб гэхэдэ, Өөрынгөө дураар юумэ хэхэеэ Би тэнгэриһээ буужа ерээ бэшэб, харин Намайе эльгээһэн Эсэгын дура хүсэлые бэелүүлхэеэ ерээб.

Иоанн 6:41

Би Тэнгэриһээ буужа ерэһэн хилээмэн гээшэб, – гэжэ Иисүүсэй хэлэхэдэнь, тэндэ сугларагшадай дунда гэмэрэлдээн болобо.

Иоанн 6:51

Би Тэнгэриһээ буужа ерэһэн амиды хилээмэн гээшэб. Энэ хилээмые эдиһэн хүн мүнхэ наһатай болохо. Тэрэ хүндэ Минии үгэхэ хилээмэн хадаа Минии бэемни гээшэ, тиин энэ бэеэ бүхы дэлхэйн ажамидаралай түлөө Би үгэнэб.

Иоанн 6:58

Тэнгэриһээ бууһан хилээмэн – энэ байна. Үбгэ эсэгэнэрэйтнай эдеэд үхэһэн хилээмэн иимэ бэшэ һэн. Харин энэ хилээмэ эдидэг хүн мүнхэ наһатай байна.

Иоанн 6:62

Теэд Хүн түрэлхитэнэй Хүбүүнэй түрүүшээр байһан орондоо дэгдэн бусахые харахадаа, юун гэхэбта?

Иоанн 8:14

Иисүүс харюусаба: – Хэрбээ Өөр тухайгаа Минии Өөрөөшье хэлээ һаамни, Минии үгэнүүдтэ этигэхэдэ болохо, юундэб гэбэл, Би хаанаһаа ерэһэнээ, хайшаа ошохо байһанаа мэдэнэб, харин таанар Минии хаанаһаа ерэһые, хайшаа ошохыемни мэдэнэгүйт.

Еврейнүүдтэ 2:7

Ойро зуура Тэрэниие Ши Эльгээмэлнүүдһээ доогуур табяаш, алдар солоор ба нэрэ хүндөөр титимлээш.

Еврейнүүдтэ 2:9

Харин ойро зуура Эльгээмэлнүүдһээ доогуур табигдаад, Бурханай үршөөл хайраар бүхы хүнүүдэй түлөө үхэһэн Иисүүсые бидэ харанабди. Үхэлые дабажа гараад, алдар солодо ба нэрэ түрэдэ Тэрэнэй хүртэһые бидэ мүнөө харанабди.