Эфесэйхиндэ 4:16 - Библи

¹⁶ Христоосой хүтэлбэри доро бэеын эрхэтэнүүд бүхэ зангилаагаар холбогдонхой байһанһаа боложо бэе өөрөө бүрин бүтэн байна. Эрхэтэн бүхэн өөрынгөө хэхэ ёһотой үүргые дүүргээд, бүхы бэе хайра дурын ашаар ургажа, өөрыгөө бүрилдүүлнэ.

Шэнэ Хэлсээн

¹⁶ Христосой хүтэлбэри доро бэеын эрхэтэнүүд бүхэ зангилаагаар холбогдонхой байһанһаа боложо бэе өөрөө бүрин бүтэн байна. Эрхэтэн бүхэн өөрынгөө хэхэ ёһотой үүргые дүүргээд, бүхы бэе хайра дурын ашаар ургажа, өөрыгөө бүрилдүүлнэ.

Эфесэйхиндэ 4:16 Iomraidhean Croise

Иоанн 15:5

Би болбол эшэ һалааб, таанар мүшэрнүүдни гээшэт. Хэн нэгэнэй Минии досоо оршобол, Би баһа тэрэнэй досоо оршохоб, тиихэдээ тэрэ хүн тон ехэ үрэжэлтэй байха. Намгүйгөөр таанар юушье хэжэ шадахагүйт.

Римэйхиндэ 12:4

Манай ганса бэедэ олон эрхэтэнүүд байна, тиин бэеын эрхэтэн бүхэн ондо ондоо зорилготой юм.

Коринфынхидтэ 1-дэхи 10:17

Хилээмэн ори ганса юм, тиимэһээ ори ганса хилээмэ хубаалсажа байхадаа, бидэ олоороо ганса бэе гээшэбди.

Коринфынхидтэ 1-дэхи 13:13

Тиибэ яабашье, би һүзэгтэй, найдалтай, хайра дуратай байнаб. Эдэ гурбанай тон шухалань хайра дуран юм.

Коринфынхидтэ 1-дэхи 8:1

Мүнөө онгонуудта үргэгдэһэн эдеэн тухай асуудалаар хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Галадуудта 5:22

Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Эфесэйхиндэ 1:4

Бурханай урда арюун ба зэмдэггүй байхымнай тула Тэрэ бидэниие Христоостой нэгэдхэн Өөрын болгожо, газар дэлхэйн бүтээгдэхэһээ урда шэлэжэ абаа. Бурхан бидэндэ дуратай байжа,

Эфесэйхиндэ 3:17

Танай һүзэгэй ашаар зүрхэ сэдьхэлдэтнай Христоос һууришаһай, инаг дуран танай үндэһэ, һуури болоһой гэжэ би баһал зальбарнаб.

Эфесэйхиндэ 3:7

Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болооб.

Эфесэйхиндэ 4:12

Тэрэ Бурханай хүнүүдые Бурханда алба хэхэ ажалда бэлдэхын тула, Христоосой бэеые бодхоохын тула тиигээ.

Эфесэйхиндэ 4:15

Тиигэхын орондо хайра дураар дүүрэжэ, үнэн сэхые хэлэжэ байбал, бидэ толгой болохо Христоосто алишье талаһаа ойртон ургахабди.

Филиппынхидтэ 1:9

Бурханда, бэе бэедээ бүри ехээр дуратай байһайт, үнэн зүб юун бэ гэжэ бүри һайнаар мэдэрһэйт, сэдьхэһэйт гэжэ би зальбарнаб.

Колоссынхидтэ 2:19

Тэдэнэр бэеын толгой болохо Христоосто найданагүй. Гэхэтэй сасуу бэе толгойн, Христоосой хиналта доро ургажа, Тэрэнэй бүридэл болон барисаагаар холбогдуулан эблэрэн, Бурханайл дураар ургадаг юм.

Колоссынхидтэ 2:2

Тэдэниие урмашуулхын, хайра дураарнь нэгэдүүлхын тула, үнэн зүб ойлгосо үгэдэг баталаатай баялигаар элбэг байлгахын тула би тиигэжэ хүдэлнэб. Тиигэжэл тэдэ зон Бурханай нюусые, Христоосые мэдэхэ.

Фессалоникиинхидтэ 1-дэхи 1:3

Эсэгэ Бурханай урда тээ этигэл һүзэгөө хэрэг дээрээ бэелүүлдэг байһыетнай, хайра дуран ажалыетнай бэхижүүлдэг байһыень, Эзэн Иисүүс Христоосто бэхи батаар найдажа байдагыетнай бидэ үргэлжэ һанадагбди.

Фессалоникиинхидтэ 1-дэхи 2:13

Бурханда үргэлжэ баясхалан хүргэжэ байха ондоошье шалтагаан бидэндэ бии. Таанадта Бурханай үгэ асархадамнай, таанад Тэрэниие хүнүүдэй үгэдэл бэшэ, харин Бурханай үгэдэл шагнажа, угтажа абаа һэнта. Тэрэ үнэхөөрөө Бурханай үгэ байгаа, та һүзэглэгшэдэй дунда ажаллажа байгаа.

Фессалоникиинхидтэ 1-дэхи 3:12

Таанадта аргагүй ехэ дуратай байдагтамнайл адляар бэе бэедээ болон бусад зондо дуратай байхыетнай Эзэн таанадта үршөөг лэ.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Тимофейдэ 1-дэхи 1:5

Һүзэглэгшэдэй бэе бэедээ дуратай байхые урмашуулхань тэрэ захиралтын зорилго болоно. Тиимэ хайра дуран үнэн зүрхэнһөө, арюун сэбэр һанаанһаа, бодото һүзэг этигэлһээ эхи абадаг.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Иоаннай 1-дэхи хандалга 4:16

Бидэндэ Бурхан дуратай гэжэ мэдээд, бидэ тэрэ дурандань этигэн найданабди. Бурхан болбол дуран гээшэ. Хайра дуратай хүн Бурхантай нэгэн хамта байдаг, Бурхан тэрэ хүнтэй нэгэн хамта байдаг, Бурхан тэрэ хүнэй досоонь байдаг.