Эфесэйхиндэ 4:11 - Библи

¹¹ Тэрэл хүнүүдые абьяас бэлигтээ хүртөөбэ, хэһэг зониие элшэнэр болгожо табиба, үшөө хэһэг зониие лүндэншэд болгожо табиба, зарим зониие Һайн Мэдээсэл номнохыень табиба, бусадые һүзэглэгшэдэй хүтэлэгшэдөөр, багшанараар томилбо.

Шэнэ Хэлсээн

¹¹ Тэрэл хүнүүдые абьяас бэлигтээ хүртөөбэ, хэһэг хүнүүдые элшэнэр болгожо табиба, үшөө хэһэг хүнүүдые лүндэншэд болгожо табиба, зарим хүнүүдые Һайн Мэдээсэл номнохыень табиба, бусадые һүзэглэгшэдэй хүтэлэгшэдөөр, багшанараар томилбо.

Эфесэйхиндэ 4:11 Iomraidhean Croise

2 Угай бэшэг 15:3

Олон үдэрэй туршада Израиль бодото үнэн бурхангүй, һургадаг санаартагүй, хуули ёһогүй байха.

Ерэмияа 3:15

Тиигээд Намда үнэн сэхэ удамаршадые таанадта үгэхэб. Тэдэ таанарые ойлгон, ухаатай сэсэнээр хүтэлбэрилхэ.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Хэрэгүүд 13:1

Антиохой һүзэглэгшэдэй бүлгэмдэ зарим лүндэншэд, багшанар: Барнааба, Нигер гэһэн ара нэрэтэй Симеон, Хэрээн хотын Лукий, Саул, бага байхадаа хаанай хүбүүн Иродтэй хүмүүжүүлэгдэһэн Мэнааһэм гэгшэд бии һэн.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 21:8

Хойто үдэрынь бидэ Кесари хүрэжэ, Һайн Мэдээсэл номнодог долоон туһалагшадай нэгэн болохо Филиппэй гэртэ зогсобобди.

Римэйхиндэ 12:7

Бусад зондо алба хэхэ табилантай һаа, алба хэхэ ёһотойбди; һургаха табилантай һаа, һургаха ёһотойбди;

Коринфынхидтэ 1-дэхи 12:4

Оюун сэдьхэлэй абьяас бэлигүүд элдэб янзын байдаг, тиин тэдэниие бултыень гансал Арюун Һүлдэ үршөөдэг.

Эфесэйхиндэ 2:20

Таанад элшэнэрэй ба лүндэншэдэй табиһан һуури дээрэ бодхоогдоот. Тэрэ һууриин түшэг тулгуурынь Иисүүс Христоос Өөрөө гээшэ.

Эфесэйхиндэ 3:5

Энэ нюусые урданай хүнүүдтэ нээдэггүй байгаа, харин мүнөө Бурхан Арюун Һүлдөөрөө дамжуулан гэгээн элшэнэртээ ба лүндэншэдтэ тэрэ нюусаа нээгээ.

Эфесэйхиндэ 4:8

Тиимэһээ Нангин Бэшэг соо иигэжэ бэшээтэй: «Тэрэ үндэр газарта дабшан гараа, баряанда зониие абаа, хүнүүдые бэлэгтэ хүртөөгөө».

Тимофейдэ 2-дохи 4:5

Харин ши ямаршье ушарта бэеэ барижа, зоболонгуудые дабажа, Һайн Мэдээсэл дэлгэрүүлхэ ажалаа бүтээжэ, Бурханай зарасын дүүргэхэ ёһотой уялга гүйсэдхэжэ байгаарай.

Еврейнүүдтэ 5:12

Саг хугасаагаар багсаахада, таанад багшанар болоод байха байгаат, харин Бурханай Үгын түрүүшын хэшээлнүүдые таанадта дахин дабтаха хэрэгтэй болоод байна. Хатуу хоол барихын орондо таанад һүөөр ундалха болонот.

Иудын хандалга 1:17

Хүндэтэ аха дүүнэрни, манай Эзэн Иисүүс Христоосой элшэнэрэй уридшалан хэлэһые һанажа ябагты.

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»

Гэршэлгэ 21:14

Хотын хана арбан хоёр шулуутай һуури дээрэ табяатай, тэдэнэй дээгүүр Бурханай Хурьганай арбан хоёр элшэдэй нэрэнүүд бэшээтэй.