Амоос 4:10 - Библи

¹⁰ Египедтэ үйлэдэһэндэл адляар Би таанад руу гай гамшиг эльгээгээб. Залуу зонииетнай Би һэлмээр сабшан усадхааб. Дайсад моридыетнай абаашаа. Үхэһэн сэрэгшэдэйтнай һэенүүдһээ үмхэй муухай үнэр танар хотон хүреэнүүдээртнай таража, таанад тэрээгээр амилан байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Амоос 4:10 Iomraidhean Croise

4 Хаан түрэнүүд 10:32

Тэрэ сагта Израильһаа хэсэг газарнуудые түрүүшынхиеэ таһалан үгэбэ. Араамай хаан Хазаһээл Израилиин эзэлжэ байһан бүхы газарые:

4 Хаан түрэнүүд 13:3

Тиихэдэнь Эзэн Израильда сухалдаад, тэрэниие Араамай хаан Хазаһээлэй ба Хазаһээлэй хүбүүн Бэн-Һадаадай гарта удаанаар үгэбэ.

4 Хаан түрэнүүд 13:7

Ёахаазай сэрэгүүд үгы хэгдэбэ: оройдоол табин морито сэрэгшэд, арбан дайшалхы тэргэ, арба мянган ябаган сэрэгшэд үлэбэ. Араамай хаан израильшуудые үй бута сохижо, харгын тооһон мэтээр тэдэниие дэбһэжэ байба.

4 Хаан түрэнүүд 8:12

Хазаһээл тэрээндэ хандажа: – Та юундэ уйланат? – гэжэ һураба. – Юундэб гэхэдэ, би мэдэнэб, – гэжэ Элишаа харюусажа эхилбэ. – Ши израильшуудта ехэ уйдхар асарха байнаш. Ши тэдэнэй хэрэмүүдые үнэһэн тоборог болготор галдахаш, ши тэдэнэй эдиршүүлтэй элдээрээ тэмсэхэш, балшар багашуулыень хэсэг болотор сабшахаш, жэрмэһэн эхэнэрнүүдэйнь гэдэһые гаргахаш.

Египедһээ гаралга 10:27

Эзэн фараоной үсэдыень хүдэлгэбэ, тэрэ дахяад табибагүй.

Египедһээ гаралга 10:3

Моисей Аһароон хоёр фараондо ерээд хэлэбэд: – Эзэн, еврейнүүдэй Бурхан, иигэжэ асуужа байна: Минии урда номгорхошни хэзээ юм бэ? Намда зорюулһан үргэл тахил бүтээхыень Минии арадые табииш.

Египедһээ гаралга 14:4

Үсэдтөө диилдэжэ, хойноһоотнай мүрдэн намнаха гэжэ Минии һанаһан үйлөөр тэрэ болохо, одоол тиихэдэ фараониие сэрэгтэйнь даража, түгэс илалта туйлаха ёһотойб! Эзэнэй ёһото хэн байһые Египедэй зон мэдэжэ абаг! Эзэнэй зарлигаарнь лэ Израиль угсаатан бүтээбэ.

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Египедһээ гаралга 8:19

Египедэй эльбэшэд «Энэ Бурханай гар ха даа» гэжэ фараондо хэлэбэ. Фараон үсэд зангаа хубилгабагүй, үгэ дуулабагүй. Эзэнэй урид айладаһаарнь лэ болобо.

Египедһээ гаралга 9:12

Гэбэшье Эзэн фараоной үсэдые хүдэлгэжэ, тэрэ үгэ дуулабагүй. Моисейдэ Эзэнэй урид айладаһаарнь лэ болобо.

Египедһээ гаралга 9:17

Мүнөө болотороо Минии арадта бэрхэшээл ушаруулан, арадыемни табиха дурагүй байнаш.

Исай 34:3

Алуулһан бэенүүдынь хүдөөлүүлэгдэнгүй, үмхэй үнэр гаргажа хэбтэхэ. Тэдэнэй шуһанда хада ууланууд нэбтэрэн нэбшэн байха.

Исай 50:11

Гал түлижэ, гартаа гал баряад ябааша таанад! Өөрын галай гэрэл соо, өөһэдын носоогшо галаа барин ябыта, хамаагүй! Минии гар таанадта иимэ юумэ ушаруулха: таанад зобожо хэбтэхэт!

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Ерэмияа 11:22

Тиихэдэнь Түмэн Сэрэгтэ Эзэн иигэжэ айладхаа: – Би тэдэниие хэһээхэб! Залуушуулынь дайн дажарта алуулха, үхи хүүгэдынь туража үхэхэ.

Ерэмияа 15:3

Би, Эзэн, тэдээндэ дүрбэн янзын гай тодхор ушаруулхаб: тэдэ дайнда алуулагдаха, һэеыень нохойнууд шэрэхэ, огторгойн шубууд болон газарай арьяатан тэдэниие хүнэһэлжэ һалгааха.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 48:15

Моһааб болон хотонуудынь һандаргагдаа, эгээл бэрхэ залуу зониинь алуулагдаа. Энэ болбол Би, Түмэн Сэрэгтэ Эзэн, хаан, айладхана мүн!

Ерэмияа 49:26

Тэрэ үдэр залуу зониинь үйлсэнүүдтэ алуулагдаха, бүхы сэрэгшэдынь усадхагдаха.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 6:11

Эзэмни, тэдэнэй урдаһаа Танай уур хилэнгээр би мүн лэ халинхайб, досоогоо энээниие багтаажа ядажа байнаб». Тиихэдэм Эзэн намда иигэжэ хэлээ: – Уур хилэнгыем үйлсэдэхи үхибүүд болон сугларһан залуушуул дээрэ адха. Үбгэд, һамгад баряанда абтаха, үндэр наһатай үбгэдшье баряанда туугдан абтахал.

Ерэмияа 9:22

Зоной һэе хүүрнүүд задагай талмайнууд дээрэ шэбхэ мэтэ хэбтэхэ, таряа хадагшын һүүлээр хэнэйшье суглуулхагүй таряанай боолтонууд мэтэ. Эдэ үгэнүүдые минии соносхохые Эзэн захираа».

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Ёһээл 2:20

Хойто зүгһөө ерэһэн угсаатаниие таанадһаа холодуулхаб. Тэдэниие сүл хооһон дайда руу ябуулхаб. Заримашуулынь Дабһата далай тээшэ, нүгөөдүүлынь Дундада далай руу талииха. Эдэ зон ехэ хоро хүргөө, тииһэнэйнгээ түлөө харюусаха. Үхэһэн хүнүүдтэл тэдэ үжэжэ, үмхэй муухай үнэр гутажа захалха».

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Левит 26:25

Хэлсээ эбдэһэнэй түлөө таанадта үһөөгэй һэлмэ эльгээхэб. Өөһэдынгөө хото соо хоргодоо һаатнай, яра шарха эльгээхэб, дайсадай гарта үгэхэб.

Амоос 4:6

Энээнэй түлөө Би танай хотонуудаар үлэсхэлэн хооһон байдал тохёолдуулааб, хүдөө нютагуудаартнай шэмхэшье таряан үлөөгүй. Теэд таанар Нам руу эрьеэгүйт! Энэ болбол Би, Эзэн, тунхаглана мүн!

Амоос 8:3

Тиигэбэл, ордоной хүхюу дуунууд сурхирса уйлаха абяан боложо хубилха. Хэды олон үхэһэн бэе хаа-хаанагүй хаяатайб! Ааляарыт!

Хаггай 2:17

Би таанарые болон хэрэг ажалыетнай халуун һалхи, мүндэрөөр сохин байгааб, теэд таанар үшөөл һанаа ороогүйт, Нам руу эрьеэгүйт.

Хуули дабталга 28:21

Эзэмдэхэеэ ошожо байһан газарайтнай хүрьһэнһөө таанадые үгы болготороо Эзэн таанадта тарбаган тахал үбшэ халдаажал байха.

Хуули дабталга 28:22

Эзэн таанадые уушханай ханяадан, хумхаа үбшэн, халууралга, хабдараар нэрбүүлэн сохихо, ган гасуур, хуурай һалхи эльгээжэ, ургасыетнай һалгааха. Таанадай хосортор эдэ үбшэнгүүд хойноһоотнай дахан ябаха.

Хуули дабталга 28:60

Египедтэ таанадай хаража һүрдэһэн үбшэнгүүдые Эзэн эльгээхэ. Тэдэнь таанадта халдаад, һалахаяа болихо.

Хуули дабталга 7:15

Эзэн таанадһаа элдэб хамшаг зайсуулха, Египедтэ үзэһэн хараһан аймшагтай үбшэнгүүдые таанадта халдуулхагүй, харин дайсадтатнай тэдэниие һүжэрөөн тарааха.