Амоос 3:2 - Библи

² Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Амоос 3:2 Iomraidhean Croise

Эхин 10:32

Нойн хүбүүдһээ эдэ олон обог аймагууд үдэжэ, хожомынь ами аминдаа арадууд болоһон гэхэ. Үерэй удаа тэдээнһээл бүхы дэлхэйн арад түмэн эхи абаһан түүхэтэй.

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Исай 63:19

Танай хэзээдэшье ударидаагүй, мүн тиихэдэ Танай арад түмэн гэжэ хэзээдэшье нэрлэгдэжэ байгаагүй зондол адли болобобди.

Ерэмияа 1:15

Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 10:25

Танда мүргэдэггүй үндэһэ яһатан дээрэ, мүн Таниие тоодоггүй улад зон дээрэ уур хилэнгээ адхыт. Тэдэ арад зонииетнай алаа, һалгаагаа, хюдаа, орон нютагыемнай һандаргаагаа.

Ерэмияа 11:22

Тиихэдэнь Түмэн Сэрэгтэ Эзэн иигэжэ айладхаа: – Би тэдэниие хэһээхэб! Залуушуулынь дайн дажарта алуулха, үхи хүүгэдынь туража үхэхэ.

Ерэмияа 13:21

Өөрэйншни һургаһан зониие шамда захирхыень дээрэшни Тэрэнэй табибал, ши юун гэхэбши? Түрэжэ байһан эхэнэр шэнги үбшэндэ баригдахалши.

Ерэмияа 14:10

Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 9:25

Эзэн иигэжэ тунхаглана: «Египедэй, Иудын, Эдоомой, Аммооной, Моһаабай болон элһэн сүл губида ажаһуудаг, һаншагайнгаа үһэ тайрадаг зониие Минии шүүбэрилхэ саг дүтэлжэ байна. Эдэнэр бэлгэеэ отолуулаагүй. Харин Израилиин улад зон бэлгэеэ отолуулһаншье һаа, энэ ёһололой далда удхые – Намтай хэлсээгээ сахиха гээшые дүүргээгүй».

Эзэкээл 5:9

Бүхы жэгшүүритэй үйлэ хэрэгүүдэйтнай түлөө Би энэ болотор хээгүй, дахин бэшэ хэхэшьегүй муу юумэ таанадта хэхэб.

Эзэкээл 9:6

Хүгшэн зониие, залуушуулые, эхэнүүдые, хүүгэдыешье алагты. Харин магнай дээрээ тэмдэгтэй зондо гар бү хүрэгты. Нангин үргөөһөөм эхилэгты. Тиигэжэ нангин үргөө соо байгааша ахамадуудһаа тэдэ эхилбэ.

Даниил 9:12

Огторгой доро үзэгдөө-харагдаагүй, харин мүнөө Иерусалимтай тохёолдогшо тэрэ ехэ гай тодхор маанад дээрэ буулгажа, маанад болон удамаршад тушаамнай айладхалаа тэрэ бэелүүлээл.

Һошээ 2:13

Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Һошээ 5:3

Израиль, Би шам тушаа бүхы юумэ мэдэнэб. Ши Намһаа буруу хаража, ондоо бурхадта мүргэжэ байнаш.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Амоос 3:3

Хоёр хүн уулзахаяа болзолдоогүй байжа хамта алхална юм аал?!

Амоос 6:1

Арадай удамаршад, бүхы Израилиин түшэг тулгуубари таанадта, Сион уула дээрэ хашалгүй байгаашадта, Самариин гүбээ дээр амархан һуугаашадта гай тодхор тохёолдохо!

Михей 2:3

Тиимэһээ Эзэн иигэжэ айладхана: Анхарагты, Би таанадта нэгэ гай тодхор тохёолдуулха гэжэ байнаб. Тэрэ таанадай хүзүүн дээрэ тудаад, һалахаар бэшэ байха. Энэ муу сагта таанад бардам сэхээр ябажа шадахаяа болихот.

Наум 3:4

Эдэ бүгэдэ Нинэвээ хотын янхан забхай ябадалһаа, эльбэ жэльбэ хэрэглэн, арадуудые урьха зангадаа оруулжа байһанһаань болоо.

Хэрэгүүд 17:26

Бүхы дэлхэйгээр нютагжахынь тула амидарха саг болзорыень болон байрлаха хилэ хизаарыень тогтоон, ори ганса хүнһөө бүхы хүн түрэлхитэниие Тэрэ бүтээгөө.

Римэйхиндэ 2:9

Харата бузар юумэ үйлэдэжэ байһан хүн бүхэндэ, нэн түрүүн еврей хүндэ, баһа ондоошье яһатанай хүндэ зоболон ба бэрхэшээл тудаха.

Коринфынхидтэ 1-дэхи 8:3

Тиихэдэ Бурханда дуратай хүниие Бурхан мэдэхэ.

Хуули дабталга 10:15

Теэд гансал танай үбгэ эсэгэнэртэ Эзэн дурлажа, тэдэнэй уг удам болохо таанадые бусад арадуудһаа шэлэн абаа. Мүнөөшье болотор таанад Тэрэнэй шэлэн абаһан арад зандаат.

Хуули дабталга 26:18

Эзэн таанадые Өөрынь хубиин арад түмэн гээд мүнөөдэр айладхана. Өөрынь захяа заабаринуудые сахин ябаха тухай Тэрэ захирна.

Хуули дабталга 32:9

Эзэн Өөрын хуби болгон Израилиин арадые, Яковай уг удамые шэлэһэн юм.

Хуули дабталга 4:32

Урданайнгаа үе саг һанаад үзэгты, алтан дэлхэй дээрэ хүниие Бурханай байгуулһан үдэрһөө хойшо, дэлхэйн нэгэ захаһаа нүгөө заха хүрэтэр энээндэл адли агуу хэрэг байгаа юм гү, энээндэл адли юумэн дуулдаһан гээшэ гү? Иимэ гайхамшагта хэрэг хэзээ нэгэтэ болоо һэн гү? Үгы!

Хуули дабталга 7:6

Энээниие юундэ хэхэбта гэхэдэ, таанад Эзэн Бурханайнгаа нангин арад түмэн гээшэт. Дэлхэй дээрэ байгааша арадуудай дундаһаа таанадыел Өөрын арад болгохо гэжэ Эзэн Бурхантнай шэлэһэн байна.

Пётрой 1-дэхи хандалга 4:17

Зарга шүүбэриин эхилхэ саг дүтэлөөд байна. Тиихэдэ Бурханай хүнүүд хамагай түрүүн зарга шүүбэридэ орохо. Хэрбээ заргаяа бидэнһээ эхилбэл, Бурханда һүзэглэхэеэ арсаһан хүнүүд ямар хойшолонтой байхань гээшэб?