Фессалоникиинхидтэ 1-дэхи 2:19 - Библи

¹⁹ Һүүлэй һүүлдэ таанад лэ манай найдабари, манай баяр, манай Эзэн Иисүүсэй ерэхэдэ илаһандаа бахархаха шалтагаамнай болонот.

Шэнэ Хэлсээн

¹⁹ Һүүлэй һүүлдэ таанад лэ манай найдабари, манай баяр, манай Дээдын Эзэн Иисусай ерэхэдэ илаһандаа бахархаха шалтагаамнай болоно гээшэт.

Фессалоникиинхидтэ 1-дэхи 2:19 Iomraidhean Croise

Һургаал 12:4

Һайн эхэнэр нүхэртөө титим болохо, харин нүхэрөө эшэгүүридэ оруулдаг эхэнэр тэрэнэй яһан соо бии болоһон эдеэрэ мэтэ.

Һургаал 16:13

Хаан үнэн ёһоной үгэнүүдые шагнаха дуратай. Үнэниие яридаг хүниие хаан хайрладаг.

Һургаал 17:6

Үтэлһэнэй жаргал аша гушанар болодог. Эсэгэ хүн хүбүүдэйнгөө һүр алдарынь болодог.

Һургаал 4:9

Сэсэн ухаан гээшэ шинии эгээл ехэ баялиг боложо, толгой дээрэш һайхан сэсэгэй титим табиха».

Исай 62:3

Эзэнэй гарта алдар солын титим, Бурханайнгаа гарта хаанай титим болохош.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Марк 8:38

Хэрбээ забхай, нүгэлтэ энэ дэлхэйн зоной дунда байхадаа Намһаа, Минии һургаалһаа эшэбэлтнай, Хүн түрэлхитэнэй Хүбүүн Эсэгынгээ алдартай Бурханай Эльгээмэлнүүдтэй хамта ерэхэдээ, таанадһаа эшэхэл.

Иоанн 21:22

– Һөөргөө бусажа ерэтэрни энэ шабиингаа амиды байхые Минии хүсөөшье һаамни, шамда ямар хэрэг байнаб? Ши Минии хойноһоо дахаад яба! – гэжэ Иисүүс хэлэбэ.

Коринфынхидтэ 1-дэхи 15:23

Гэхэдээ хүн бүхэн өөрынгөө ээлжээгээр, хамагай түрүүн Христоос, тиигээд Тэрэнэй ерэхэдэ, бүхы Тэрэнэй хүнүүд амидыруулагдаха.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Филиппынхидтэ 4:1

Инаг хайрата аха дүүнэрни, би таанадые ехэл үгылжэ байнаб. Таанад намайе баяр жаргалаар дүүргэнэт, таанадаар би омогорхоноб. Инаг хайрата аха дүүнэрни, иигэжэл Эзэндэ үнэн сэхэ байгты.

Фессалоникиинхидтэ 1-дэхи 2:20

Таанад үнэхөөрөө манай бахархал, манай баяр болонот.

Фессалоникиинхидтэ 1-дэхи 3:13

Тиигэбэл Эзэн Иисүүсэй Өөрынгөө хүнүүдтэй ерэхэдэнь, Эсэгэ Бурханай урда нүгэлгүй, арюун сэбэр байхынтнай тула Эзэн таанадые бэхижүүлхэ.

Фессалоникиинхидтэ 1-дэхи 4:15

Мүнөө бидэ таанадта Эзэнэй һургаал номнонобди: Эзэнэй ерэхэдэ, амиды байгаа бидэ үхэһэн хүнүүдһээ түрүүн Тэрээнтэй уулзахагүйбди.

Фессалоникиинхидтэ 1-дэхи 5:23

Бидэндэ амгалан тайбаниие үршөөжэ байһан Бурхан таанадые бүримүһэн арюун гэгээн болгог, Эзэн Иисүүс Христоосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье зэмдэг дутагдалгүй хадагалагдажа байг.

Фессалоникиинхидтэ 2-дохи 1:4

Тиимэһээ бидэ һүзэглэгшэдэй бүлгэмүүдэй урда таанадаар омогорхонобди. Бүхы хашалан мүрдэлгэнүүдтэ, зоболонгуудта һүзэг этигэлээ алдангүй таанадай тэсэбэритэй байһандатнай омогорхонобди.

Фессалоникиинхидтэ 2-дохи 1:7

харин зобожо байһан таанад, мүн бидэ, баясахабди. Эзэн Иисүүсэй һүр хүсэтэй Эльгээмэлнүүдтэйгээ тэнгэридэ аһажа байһан гал соо харагдахадань, Бурхан эдэ бүхэниие бэелүүлхэ. Бурханиие буруушааһан хүнүүдые, Һайн Мэдээсэлыень баримталдаггүй хүнүүдые Эзэн Иисүүс хэһээхэ.

Фессалоникиинхидтэ 2-дохи 2:1

Эзэн Иисүүс Христоосой ерэхэ болон бидэнэй Тэрээнтэй хамта байха суглаан тухай хэлэбэл, аха дүүнэрни,

Тидтэ 2:13

Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.

Яковай хандалга 5:7

Зай, аха дүүнэр, Эзэнэй заларан ерэтэр тэсэбэритэй байгты. Таряашаниие хараад үзыт, тэрэ газарһаа ургаса абахын тула ехэл тэсэбэритэйгээр намарай болон хабарай бороо хүлеэдэг.

Яковай хандалга 5:8

Таанадшье тэдэ таряашанда адли ехэ тэсэбэритэй байгты, зоригоо бү алдагты. Эзэнэй заларжа ерэхэ үдэр ойртоод байна.

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Пётрой 2-дохи хандалга 1:16

Манай Эзэн Иисүүс Христоосой ерэхэ тухай хэлэхэдээ, бидэ хэн нэгэнэй зохёоһон үльгэрнүүдые дабтаагүйбди. Бидэ өөһэдөө Тэрэнэй һүр жабхалангые үзэһэн гэршэнэр гээшэбди.

Пётрой 2-дохи хандалга 3:4

«Ерэхэб гэжэ үгөө таанадта үгөө бэшэ һэн гү? Тиигээд хаанаб Тэрэтнай? Үбгэ эсэгэнэрнайшье наһа бараа, теэд бүхы юумэн юртэмсэ дэлхэйн бүтээгдэһэнһээ хойшо тэрэл хэбээрээ байнал!» – гэжэ хэлэхэ.

Иоаннай 1-дэхи хандалга 2:28

Үхибүүд, мүнөө таанар Христоостой нэгэн хамта байгты. Тиигээ һаа, Тэрэнэй бусажа ерэхэдэнь, бидэ айхые мэдэхэгүйбди, эшэхэгүйбди.

Иудын хандалга 1:24

Таанадые нүгэлдэ унахаһаатнай аршалжа, Өөрынгөө Алдарай урда тээ хирэгүй сэбэр, баяртай байлгажа шадаха,

Гэршэлгэ 1:7

Хаража байгты: үүлэн соогуур Тэрэ ерэхэ. Бүхы хүнүүд, мүн жадаар хадхаашадшье Тэрээниие хараха. Газар дэлхэйн бүхы арадууд Тэрээниие шаналан хайрлаха. Үнэхөөрөө тиихэ. Болтогой!

Гэршэлгэ 22:12

«Иигээд Би һаядаа ерэхэб! Хүн болгониие хэһэн хэрэгэйнь зэргээр шагнаха, хэһээхын тула шагналаа, хэһээлтэеэ Өөртөө абажа ябанаб.