Фессалоникиинхидтэ 1-дэхи 1:5 - Библи

⁵ Һайн Мэдээсэлые таанадта асархадаа, бидэ ганса үгэнүүдые хэрэглээ бэшэ, үшөө Арюун Һүлдын хүсэ хэрэглээбди. Һайн Мэдээсэлэй үнэн зүб байһыень харуулаабди. Таанадай дунда байхадаа, танай аша туһада яажа амидаржа байһыемнай таанад мэдэнэт.

Шэнэ Хэлсээн

⁵ Һайн Мэдээсэлые таанадта асархадаа бидэ ганса үгэнүүдые хэрэглээ бэшэ, үшөө Нангин Һүлдын хүсэ хэрэглээбди. Һайн Мэдээсэлэй үнэн зүб байһыень харуулаабди. Таанадай дунда байхадаа, танай аша туһада яажа амидаржа байһыемнай таанад мэдэнэт.

Фессалоникиинхидтэ 1-дэхи 1:5 Iomraidhean Croise

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Марк 16:20

Тиигээд шабинарынь хаа хаанагүй ябажа, эндэ тэндэ номножо байба. Эзэн тэдэндэ хамһалсажа, хэлэһэн үгэнүүдэйнь үнэн зүб байһые гайхамшагта үйлэ хэрэгүүдээр баталдаг байгаа.

Лука 1:1

Эрхим хүндэтэ Теофил! Манай дунда болоһон ушар ябадалнууд тухай туужа олон зон бэшэхэ гэжэ һэдэнэ.

Хэрэгүүд 11:21

Эзэн тэдэнээр байлсажа, ехэ олон зон Тэрээндэ һүзэглэн хандаба.

Хэрэгүүд 16:14

Тэдэ эхэнэрнүүдэй дунда Тиатир хотын Лидия гэжэ нэрэтэй, улаан бүд наймаалдаг Бурханда һүзэглэдэг эхэнэр бидэниие шагнажа байгаа. Эзэн Павелай хэлэжэ байһан үгэнүүдые энэ эхэнэрэй дуулажа абахын тула оюун ухааень нээбэ.

Хэрэгүүд 2:33

Иисүүс Эсэгынгээ баруун талада дэгдүүлэн, найдуулһан Арюун Һүлдэдэнь хүртэбэ, тиигээд Тэрэ Һүлдөөрөө бидэниие нэбтэрүүлээ. Мүнөө таанад энээниие харанат, дууланат.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Римэйхиндэ 15:13

Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.

Римэйхиндэ 2:16

Тон энээндэл адляар номноһон Һайн Мэдээсэлэймни ёһоор тэрэ Үдэр Иисүүс Христоосой ашаар бүхы хүнүүдэй нюуса бодолгонуудыень Бурхан гэмнэн шүүхэ.

Коринфынхидтэ 1-дэхи 1:24

Харин еврейнүүдэйшье, бусад арадуудайшье дундаһаа Бурханай дуудаһан хүнүүдтэ энэ мэдээсэл – Бурханай һүр хүсэн, Бурханай оюун ухаан болохо Христоос гээшэ.

Коринфынхидтэ 1-дэхи 10:33

Ямаршье юумэ хэхэдээ, би өөрынгөө аша туһада бэшэ, харин бүхы хүнүүдэй абарагдахын тула, тэдэнэй аша туһада оролдодогби.

Коринфынхидтэ 1-дэхи 3:16

Таанад Бурханай һүмэ гээшэт, зосоотнай Бурханай Һүлдэ оршоно гэжэ таанад мэдэхэгүй аалта?

Коринфынхидтэ 1-дэхи 3:6

Би үрэнүүдые тариһан, Аполлос уһалһан, харин Бурхан ургуулһан байгаа.

Коринфынхидтэ 1-дэхи 4:20

Ушарынь гэхэдэ, Бурханай хаан орондо үгэнүүд бэшэ, харин һүр хүсэн шухала.

Коринфынхидтэ 1-дэхи 9:14

Тон тиигэжэл номнолгоороо хоолойгоо тэжээжэ байхыень Эзэн Һайн Мэдээсэл номногшодто захираа юм.

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Арюун Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг.

Галадуудта 2:2

Бурханай хүсэһэн хадань би иишээ ерээ һэм. Дэмы юумэ хэжэ байгаагүйгөө тодорхойлхын тула би бусад арадуудта номнодог һургаалаа эгээн хүндэтэ багшанарта баһа хөөрөөб.

Галадуудта 5:5

Харин бидэ Бурханай үршөөл хайрада хүртэжэ, өөһэдынгөө этигэлээр абарагдахабди гэжэ найданабди.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Эфесэйхиндэ 3:20

Досоомнай хүсэ шадалаа ажаллуулжа, бидэнэй гуйжа хүсэхэ гү, али һанажа бодохоһоо үлүү юумые бүтээхэ аргатай Бурхан алдаршаһай.

Филиппынхидтэ 2:13

Ушарынь гэхэдэ, Бурхан Өөрөө сэдьхэлдэтнай хүсэлнүүдые бадараадаг, хэхэ ёһотой юумэеэ хэжэ байха тээшэ таанадые хүтэлдэг.

Филиппынхидтэ 4:9

Минии хэлэжэ, юумэ хэжэ байхада намһаа һуража, ойлгожо абаһан бүгэдые бэелүүлжэ байгты. Тиигэбэл зүрхэ сэдьхэлдэмнай, һанал бодолдомнай амгалан байдал үршөөдэг Бурхан манай дунда оршожо байхал.

Колоссынхидтэ 2:2

Тэдэниие урмашуулхын, хайра дураарнь нэгэдүүлхын тула, үнэн зүб ойлгосо үгэдэг баталаатай баялигаар элбэг байлгахын тула би тиигэжэ хүдэлнэб. Тиигэжэл тэдэ зон Бурханай нюусые, Христоосые мэдэхэ.

Фессалоникиинхидтэ 1-дэхи 2:13

Бурханда үргэлжэ баясхалан хүргэжэ байха ондоошье шалтагаан бидэндэ бии. Таанадта Бурханай үгэ асархадамнай, таанад Тэрэниие хүнүүдэй үгэдэл бэшэ, харин Бурханай үгэдэл шагнажа, угтажа абаа һэнта. Тэрэ үнэхөөрөө Бурханай үгэ байгаа, та һүзэглэгшэдэй дунда ажаллажа байгаа.

Фессалоникиинхидтэ 2-дохи 2:14

Бидэнэй таанадта номноһон Һайн Мэдээсэлэй ашаар абарагдахынтнай тула Бурхан таанадые дуудаа. Эзэн Иисүүс Христоосой алдарые хубаалсахаар Тэрэ таанадые дуудаа.

Тимофейдэ 2-дохи 2:10

Бурханай шэлэжэ абаһан хүнүүдэй Иисүүс Христоосой ашаар абарагдан, мүнхын алдарта хүртэхын тула би эдэ зоболонгуудые дабажа байнаб.

Тимофейдэ 2-дохи 2:8

Минии номноһон Һайн Мэдээсэлэй ёһоор үхөөд амидырһан Давидай үри һадаһан болохо Иисүүс Христоосые һанажа байгаарай.

Еврейнүүдтэ 10:22

Тиимэһээ үнэн сэдьхэлтэйгээр, дүүрэн һүзэг этигэлтэйгээр, бузар һанал бодолнуудһаан сэбэрлэгдэһэн зүрхэ сэдьхэлтэйгээр, сэбэр уһаар угаагдаһан бэетэйгээр Бурханай ойро ошоёл.

Еврейнүүдтэ 6:11

Таанадай найдажа байһан юумэнэй үнэн зүб байхын тулада таанадай хүн бүхэн эсэстэ хүрэтэрөө зүдхэмжэтэй байһай гэжэ хүсэнэбди.

Пётрой 1-дэхи хандалга 1:12

Өөһэдынгөө аша туһада бэшэ, харин һүзэглэгшэ таанадай аша туһада тэдэнэр алба хэнэ гэжэ Бурхан тэдэ лүндэншэдтэ элирхэйлээ, тиимэһээ тэнгэриһээ эльгээгдэһэн Арюун Һүлдын дамжуулһан Һайн Мэдээсэлые айладхаһан хүнүүдые таанад мүнөө сонособот. Тэрэ нюусые Эльгээмэлнүүдшье мэдэхэ хүсэлтэй байна.

Пётрой 1-дэхи хандалга 1:3

Манай Эзэн Иисүүс Христоосой Эсэгэ Бурханда баяр хүргэе! Үхэһэн Иисүүс Христоосые амидыруулхадаа, Бурхан агууехэ үршөөл хайраараа шэнэ амидарал бидэндэ үршөөгөө. Тиин маанадые амиды найдалаараа дүүргээ,

Пётрой 1-дэхи хандалга 5:3

Таанадта даалгагдаһан хүнүүдые захирха гэжэ бү оролдогты, харин тэдэндээ һайн жэшээ харуулжа байгты.

Пётрой 2-дохи хандалга 1:10

Тиимэһээл, аха дүүнэр, Бурханда дуудуулһанаа, шэлэгдэжэ абтаһанаа баталхые һайса оролдогты. Тиигэбэл таанад зүб замһаа хадуурхагүйт.

Пётрой 2-дохи хандалга 1:19

Тиимэһээ таанад лүндэншэдэй айладхаһан юумэнүүдтэ бүришье ехээр этигэжэ байгты. Үдэр мандаад, үглөөнэй толон зүрхэ сэдьхэлдэтнай бадарха үе саг болотор харанхы газарта аһажа байһан зуладал адли лүндэншэдэй үгэнүүдтэ анхаралаа хандуулбал, таанад зүб юумэ хэхэт.