YASUA 8:2 - Bible en langue Bulu

² Wo ye bo tison Ayi a njô bôte wé avale fe ô nga bo Yérikô a njô bôte wé: akum yʼété a biyem bia ye bo mfaʼa wônan ane biôm ya nsa. Ve wo, kele sobô mvuse tison.

Kalate Zambe Nnomo a Mfefe Mfefé Nkôñelan

² Wo ye bo tison Ayi a njô bôte wé avale fe ô nga bo Yérikô a njô bôte wé: akum y'été a biyem bia ye bo mfa'a wônan ane biôm ya nsa. Ve wo, kele sobô mvuse tison.

YASUA 8:2 Iomraidhean Croise

2 Minkte 13:13

Nté te ôse, Yérôbôam a nga lôme ngab bezimbi éziñ é ke sobô e mvuse bôte ya Yuda; ajô te bôte ya Yuda be nga tele avale di: nkane bita Israél ô too be ôsu, bezimbi ke be nga solô be too be mvus.

2 Minkte 20:22

Eyoñ be nga taté na ba loñ ayenga a yia bia, nde Nti a nga telé bôte ya té metyamaʼan e be bone bʼAmon, Môab a e bôt be too minkôle ya Séyir mbe be nga zu be Yuda na be wosane nye, nde be nga wôane zañe jap.

MINKANA 13:22

Mbamba môt a kalane bendaé élik, vʼakume mbo abé e ne maʼan asu zôsôa môt.

MINKANA 28:20

Zôsôa môt a ye jaé a bibotan, ve nyô a nʼôjejaʼa ya bo kum, ba ye bo te nyoñe nye ane nyô a ne te bijô.

YEREMIA 17:11

aval ôkpwa wo bôʼôbô e metyi ô nji biaé yôp, avale te nyô a nyoñ akum ékotekote yôp a né; akume te da kôlô be nye éyoñ a ngenan a vee, a a yené vʼakut amané yʼényiñe jé.

YEREMIA 51:12

Betaʼane nlinga wo wosane mimfine ya Babilôn! Yemetaʼane mmomban, telaʼane bemombô, kômane mevôme ya yabe asoé! Amu Nti a bili jam a kômbô bo, a a bo jam a nga tote na a bo bôte be too Babilôn.

DEUTERONOME 2:35

Bi nga nyoñe foʼo ve mimbame biyem a akum ese bi nga koone de e bitison bi nga nyoñ.

DEUTERONOME 20:14

mia ye baʼale ve binga, bongô, mimbam biyem, a jôm ése mia ye koone je e tison été. Mia ye bo akume ya besiñe benan avale mia kômbô, amu Nti, e Zambe wônan, a veya mia de.

DEUTERONOME 3:2

Nde Nti a nga jô ma na: Te ko nye woñ! Ma ye ve nye e mo môé a nkane bita wé ôse a e si jé. Wo ye bo fe nye ane ô nga bo Sihoñ, njô bôte Beamorééñ a nga too Hesboñ.

YASUA 10:1

Eyoñ Adoni-Sédék, njô bôte ya Yérusalém a nga wôʼô na Yasua a nyoñeya Ayi a jiane nye ase, a na a boya Ayi a njô bôte wé avale fe a nga bo Yérikô a njô bôte wé, a na bôte ya Gabaoñ be nga bo élate mvoʼé a Israél, a be ntoo fe ézezañe jap,

YASUA 10:28

Môs ôte ôbien ñwô Yasua a nga nyoñ Makéda, a jiane nye a nkpwaté mekôn, nalé fe njô bôte wé. Ane a nga jiane be a môt ase a nga too été. Teke môt éziñ a nga liʼi te wu, a a nga bo njô bôte ya Makéda avale fe a nga bo njô bôte ya Yérikô.

YASUA 11:14

Ane bone bʼIsraél be nga sa akum ese ya bitison bite a mimbam biyem; ve be nga jiane bôt bese a meyo me nkpwaté mekôn, akekui be nga mane wôé be bese, jôm ja vebe teke liʼi.

YASUA 6:21

Be nga jiane jôm ése é mbe tison été a nkpwaté mekôn: befam a binga, bongô a minnôm, benyak, mintômba a bijakas.

YASUA 8:12

Ajô te Yasua a nga nyoñe bôt bebé toyini mewôm metan, a solé be zañe Bétél a Ayi, be too mfaʼa jôp da dim a tison.

YASUA 8:14

Eyoñ njô bôte ya Ayi a nga yene nalé, émien a bôte bé bese be nga jiʼa kôlô si, a bôte ya tison be nga kui atan, éyoñ abendé é vebaneya, a ke tôbane Israél, na be wosane nye zôsôô a Araba. Njô bôt a nji ke yeme na bôt ba wosane nye be solô mvuse tison.

YASUA 8:19

Ane bôt be mbe asoé be nga jiʼa kôlô, môt ase vôm a nga solô, a ke, nté a nga same wô, be nga kui tison, a nyoñe je, a bo avôle ya diʼi je a nduan.

YASUA 8:24

Eyoñ Israél a sondôya mane wôé bôt bese be nga too ayi, e mefup, e nkôte si mfaʼa be nga tôñesane be, a na, be nga mane wu a meyo me nkpwaté mekôn, jôme teke liʼi, ane Israél ase a nga timan e mfaʼa Ayi a jiane nye a meyo me nkpwaté mekôn.

YASUA 8:3

Ajô te Yasua a nga kôlô si baa be bôte bese ya mewosan a ke mfaʼa ya Ayi. Ane a nga tobe biwôlô bezimbi ya mewosan toyini mewôm mela bi ke a alu,

YASUA 8:7

éyoñe te mia ye kôlô asoé denan a nyoñe tison. Nti, e Zambe wônan, a ye ve je e mo menan.

YASUA 8:8

Eyoñ mi nyoñeya tison, mia ye diʼi je a nduan. Mia ye bo avalʼane njôane Nti ô né. Tabaʼan ntyel, ma ve mia abendé.

YASUA 8:9

Ane Yasua a nga suu be be ke, nalé be nga ke sobô. Be nga sobô e zañe Bétél a Ayi, be too Ayi mfaʼa jôp da dim. Alu te Yasua a nga bômbô baa be bôte bese vôme wua.

YASUA 9:3

Bôte ya Gabaoñ fe be nga wôʼôtan avale Yasua a nga bo Yérikô a Ayi.