YAKOB 5:5 - Bible en langue Bulu

⁵ Mi nga bi ényiñ é ne ngu a édima e si nyô. Mi nga ve minleme mienane bidi e môse ba tyiʼi biyem.

Kalate Zambe Nnomo a Mfefe Mfefé Nkôñelan

⁵ Mi nga bi ényiñ é ne ngu a édima e *si nyô. Mi nga ve minleme mienane bidi e môse ba tyi'i biyem.

YAKOB 5:5 Iomraidhean Croise

MINKANA 17:1

Efuse nkôte belet é ne mvaé évôvoé été, a dañe nda é ne njalan a tit e metyamaʼan été.

MINKANA 7:14

me nga bili mvôla mveane metunaʼa ya nlatane ngbwa, den me tôéya mintiñetane miam,

EKLEZIASTE 11:9

A ndômane môt, vaʼak éyoñ ô ngenane ndôman, nleme wôé ô boʼo wo na ô vak nté melu ô ngenan ésoé, wuluʼu mezene nleme wôé wo liti wo a avale mise môé me lôô; ve yeme na mfaʼa ya mam mete mese, Zambe a ye zuu wo ntyiʼane mejô.

EZAYI 22:13

éyoñe ji yenane mefôn a mevak! Ba wôé beta biyem a tyiʼi bone biyeme tyiñ , bi di bia diban a woon a nyuban: njaʼan a nyu amu akiti bia ye wu!

EZAYI 3:16

Nti a jô na: amu bengone ya Siôn be ne mebun, A ba wulu metyiñ me dene, mise ki me kele ma fombô mefep, amu ba ke ba moʼo dulu ne do do do, mengôñ be beʼe mebo mme ma duñ ne woñ woñ woñ.

EZAYI 47:8

Eyoñe ji, vôʼôlôʼô e jame di a émvumvute minga, e wo wo tabe si a ndi ése a jô e nleme wôé été na: ma, teke jôm éfe ve ma! Ma ye bo te liʼi nkus, ma ye bo te kandane bone bam!

EZAYI 56:12

Zaʼan, ma zu jeñe woon, a bia ye jalé biabebien a binyunyui bi ne ngu! A akiti bia ye fe bo nalé: abim e liʼiya e nʼétua abui.

YEREMIA 12:3

Ve wo, a Nti, wo yeme ma, ô lôô ma, wo yeme nleme wome be wo. Wôé be ane mintômba e vôme ba tyiʼi betit, teléʼé be asu môse ya ñwôane bôt!

YEREMIA 25:34

Yônan a bebaʼale mintômba, betaʼane tyiñe yôp! Bumane tyia a beyaʼale mimbame biyem! Amu mimôse mia ye tyiʼibane tyiñ a tabe mmialan mi kpwaneya. Mia ye ku avale jôm é ne tañ anen é ne bo.

EZEKIEL 16:49

Ekobe Sodom, monyoñ, nje ji: A mbe mebun, a nga bili belet abime da yian, a nga too mvoʼé te jôm ja tyelé nye nleme yôp, émien a bengo bé, vʼa nji ve mo mʼéngôngo a nzôzoé môte ngu.

EZEKIEL 39:17

Wo, a mona môt, avale di Nti nyô ane Zambe a jô na: Sulaʼan, zaʼan boʼone ndôkaʼan mi soʼo mevôme mese, asu metunaʼa mam, mme mamiene ma ve asu denan, anene metunaʼa e minkôle yʼIsraél yôp! Mia ye di minsôn a nyu metyi.

Am 6:1

Bidim a bôt ba nyiñe mvaé e Sioñ, a ba ba nyiñ e nkôle Samari minlem teke tyebe yôp, ba yené biwôlô bi bôt e mise me Israél ase, a bôt ba zu jeñe mvolan e be be.

LUKAS 16:19

E nkukume môt éziñ ô nga too a beʼe bitôtoʼo mengômesan, môs ôse ve sandé ényiñ a mimvôman.

LUKAS 16:25

Abraham a nga yalane na: A mone wom, simesaʼane na ô nga bi akum éyoñ yʼényiñe jôé, a na mfaʼa Lazar, a nga tôbane minjuk, éyoñe ji a volebaneya nleme va, ve wo wo wôʼô mintaé.

BERÔMEÑ 13:13

Nwulaʼane zôsôô , aval ane a môs , saa e mbia ndian a e nsoʼone bilam, saa ébamba a e mbia bivôé, teke mintañete nge aban .

1 Tim 5:6

Ve wu wo simesane ve mimvôman, ô ne ñwuan, ô kusa bo vevee.

2 Tim 3:4

Bekoñe bôt, mbia minlem, ndim amu mebun, benyeʼe mimvôman a lôte Zambe.

2 Pi 2:13

Ba ye nyoñe maʼane ya ékotekote mboone jap. Ba yene mvaé na, be jalé mbia minkômbane miap a môs . Ntabane wop ézezañe bôt, ô ne ôson a ékolé ôbak, éyoñ ba tabe bisulan bi ndiane bienan be wôʼô mvaé ya meduʼane map.

YUDE 1:12

Bôte bete bebien mbe ba ve ndiane wônan ya nyeʼane bobenyañ mvin, éyoñ ba di te wôʼôson a toñe ve bebien. Be ne minkut mi ne tee mendim, mmie mite mia dutuban a évuñulu. Be ne bilé bi ne tee bibuma, ñwuan biyoñe bibaé, ntéane si.

NLITAN 18:7

Abim a nga nyeʼe étôtok a nyanga, abime te vaʼane nye éndeñelaʼa a awu. Amu a jô e nleme wé été na: Ma ma dañ, a me nji bo nkus, a teke me yeʼe veʼele yen awu.

SAMUEL ÔSU 25:36

Eyoñ Abigayil a nga kui be Nabal, a nga koon a boʼo dina e nda jé ane dina njô bôt; a mbe mevak a sulé ane mvôfôm. Abigayil a nji kañete nye jôm, akekui éfufube ya mametyé.

SAMUEL ÔSU 25:6

mvoʼé é boʼok asu ényiñe jôé, mvoʼé é boʼo fe a nda jôé a mvoʼé é tabeʼe be jôm ése é ne énjôé!