YAKOB 4:9 - Bible en langue Bulu

⁹ Miabebien yemane na mi ne bingôngol, jaéne meyep, yônan. E vioé wônan ô kôñelaʼan awu a mevaʼa menan jame da teʼe nyô.

Kalate Zambe Nnomo a Mfefe Mfefé Nkôñelan

⁹ Miabebien yemane na mi ne bingôngol, jaéne meyep, yônan. E vioé wônan ô kôñela'an awu a meva'a menan jame da te'e nyô.

YAKOB 4:9 Iomraidhean Croise

NEHEMIE 8:9

Néhémie ngovina, Esdras ntuni a ñyeme bekalate, nalé fe belevite, be nga bo ésaé ya yeʼele bôt. Be nga jô bôte bese na: Môse wu ô ne ntelan ngumba asu Nti, e Zambe wônan. Te taban ôlun été nge e miliʼi été! Amu bôte bese be nga yôn éyoñ be nga wôʼô mejô ya kalate metiñ.

Yb 30:31

E mvete jam ja yian éyoñe ji vʼa jia ôlun. A ndiñe wome ki wo luʼan a tyiñe ba ba yi du.

MINKANA 14:13

Nlem ô ne tat e vioé été, wôna amané mevak me ne suʼulan ôlun.

EKLEZIASTE 2:2

Me nga jô vioé na: Akute jame le! Mevaʼa ke na: Ma volô jé?

YEREMIA 31:13

Eyoñe te éndune ngon ja ye vak a abôk, nalé fe bendôman a minnôm; ma ye kôñelan ôlune viab mevak a ma ye volô be minlem; ma ye ve bʼavak mvus éndeñelaʼa ya minsisime miap.

YEREMIA 31:9

Ba zu be yônôk, a ma yaʼale be ézezañe minjaʼane miab été; ma kee be mfaʼatôñe mendim e né, nkone zen , e vôm be se nguleya kolé ôbak; amu me nʼésaa asu Israél, a Efrayim a ne ntôle mone wom.

MINYÔN 5:15

Avaʼa ya minleme miangan e maneya, mebôʼô mangan me veñesaneya du.

EZEKIEL 16:63

ndemben wo ye simesan angôʼé a wôʼôson, ndemben wo ye bo te beta kui anyu amu ôsame wôé, éyoñe ma ye kôm étome ya mam mese ô nga bo asu dôé, nalé Nti, nyô a ne Zambe a jô.

EZEKIEL 7:16

Befam awu bap ba tup, be ne e beta minkôle yôp ane bezume ya mimbiʼili; bese ba tat, môt ase amu ékobe jé.

METIAS 21:41

Be nga yalane nye na: A ye wôé bingôngole bebaʼale bete mbia ñwôan, a kee afup e mo bebaʼale befe mbe ba ye ve nye bibuma éyoñe ja yian.

METIAS 5:4

Mvom a bôte ba wôʼô ôlun, amu ba ye volebane minlem.

LUKAS 16:25

Abraham a nga yalane na: A mone wom, simesaʼane na ô nga bi akum éyoñ yʼényiñe jôé, a na mfaʼa Lazar, a nga tôbane minjuk, éyoñe ji a volebaneya nleme va, ve wo wo wôʼô mintaé.

LUKAS 6:21

Ebotan a mia mia wôʼô zaé éyoñe ji, amu mia ye jaé! Ebotan a mia mia yôn éyoñe ji, amu mia ye vak!

LUKAS 6:25

Bidim a mia mebum me ne minlem éyoñe ji, amu mia ye wôʼô zaé! Bidim a mia mia woé éyoñe ji, amu mia ye ku ôlun a e milik été!