YAKOB 4:8 - Bible en langue Bulu

⁸ Subaʼane Zambe bebé, ndemben a ye subu mia bebé. Sôbane mo menan, mia bebo mam abé a lumane minleme mienan, mia e bôt mi ne minleme nkaban.

Kalate Zambe Nnomo a Mfefe Mfefé Nkôñelan

⁸ Suba'ane Zambe bebé, ndemben a ye subu mia bebé. Sôbane mo menan, mia bebo mam *abé a lumane minleme mienan, mia e bôt mi ne minleme nkaban.

YAKOB 4:8 Iomraidhean Croise

KALATE METATAʼA 18:23

Abraham a nga zu bebé a jô na: Ye wo ye fe bo na zôsôôa môt a wu baa mbo abé ?

1 Minkte 28:9

Mfaʼa wôé, a mone wom Solômon, yeme Zambe ésoo wôé a saane nye a nlem ôse, a nsisim ô ne nkômesan, amu Nti a fase minlem mise a a yeme nkômban ôse. Nge wo jeñe nye, a ye bo na ô yene nye; ve nge wo liʼi nye, a ye wua wo fé nnôm éto.

2 Minkte 15:2

nyô a nga ke tôban Asa a jô nye na: Vôʼôlôʼô ma, wo Asa, Yuda ase a Bényamin! Nti a ne be mia éyoñ mi ne a Nye; nge mia jeñe nye, mia ye yene Nye. Ve nge mia liʼi Nye, Nye fe a ye liʼi mia.

Yb 16:17

Ve da mo mam me nji kuli metyi a meyeʼelane mam me mbe mfuban éyoñ ése.

Yb 17:9

Ve zôsôa môt a ngenan a yeme e zene jé été, nyô a bili mo me ne mfuban a dañe dañe bo ngu.

Yb 9:30

Toʼo me nga ye woban e mendim me ne éfumulu été, toʼo me nga ye sôbe mo a sobô,

EZAYI 13:15

Ba ye jii ba bese ba tôbane be mekoñ a ba bese ba ye bili nkpwaté mekôn wo ye wôé be.

EZAYI 29:13

Nti a jô na: Bôte ba ba subu ma bebé vʼa nkobô, biyaé biab étam mbie bia wumulu ma, ve minleme miab mi ne mʼôyap. Woñ ba liti na ba ko ma ô ne vʼatiñe ya bôt, ve nyeʼelan ô nga veban.

EZAYI 58:2

Ba jeñe ma môs ôse, ba kômbô yeme mezene mam avalʼane ayoñe bôt e ne zôsôô , nde e nji liʼi metiñe Zambe a nga telé. Ba sili ma mintyiʼane mejô mi né avalʼane zôsôô a yian, ba yene mvaé ya subu Zambe bebé, be jôʼô na:

YEREMIA 4:11

Melu mete, ba ye jô bôte bete a Yérusalém na: évuñulu ja diʼi ja vuñ, e mebôbône minkôle ya nkôte si, e zene ngone yʼayoñe bôte dam, saake asu ya seʼese nge tyaʼa mvoñ.

YEREMIA 4:14

Sôbe nleme wôé mfaʼa yʼabé a Yérusalém, nalé wo ye nyiiban! Mbia minsimesan mia ye tabe be wo a kui éyoñ évé?

MINYÔN 3:57

E môse me nga loone wo, ô nga subu ma bebé a jô na: Te ko woñ!

EZEKIEL 18:31

Wuʼane mbia be mam bese be nga bo mia bewôé bôt ôyap; boʼone miabebiene mimfefé minlem a mimfefé minsisim, amu jé mia yiane wu a ayoñ Israél?

ZAKARI 1:3

Ajô te jôʼô be na: avale di nde Nti a ne ngul ése a jô na: Bulaʼane be ma, nalé Nti a ne ngul ése a jô, a ma ma ye bulane be mia, nalé Nti a ne ngul ése a jô.

MALAKI 3:7

Ataté melu bʼésoo mi nga kôlô minjôane miam été, mi nji ke baʼale mie. Bulaʼane be ma a ma ye bulane be mia, nalé Nti ya minsamba mewosan a jô. Ve mia jô na: Bi beta bulan aya?

METIAS 12:33

Veʼane feʼe na élé é ne mbamba élé: ébuma jé ja ye bo abeñ; ve veʼane feʼe na ja kon: ébuma jé ja ye kon: ébuma jé ja bo na be yem ane élé é né.

METIAS 15:2

Amu jé beyéʼé bôé ba tyame biyem bi bôbetô? Amu na be ne te sôbe mo éyoñe ba di.

METIAS 27:24

Eyoñ Pilat a yeneya teke mvolan éziñ a na zôʼé é ne ve betebet, a nga nyoñe mendim a sôbe mo asu nsamba bôt a jôʼô na: Me ne mfuban ajô metyi me môte nyô; ve mia mia ye tôban.

Mm 15:9

A nji liti nkandan éziñ e zañe jap a bia. A nga tune minleme miabe fe ve a zene ya mbunan.

2 Ko 7:1

Amu bi bili avale mengakaʼa te, a bôte ma dañe nyeʼe, e ntunane biabebien e mfaʼa avale mvin ese ya minsôn a nsisim . E sondaʼane telé biabebien étyi e nkoone Zambe woñ été.

1 Tim 2:8

Ajô te ma yi na befam be yeʼelan vôm ase be beteʼe mimfuban mi mo yôp, teke ayaa nge meluman.

HÉBRE 10:22

e nsubaʼane ñhe bebé e be Zambe a minlem mi ne tee meduʼan, a nya mbunan a minleme mfuban teke bijô e mone môt ya nlem été a menyôl me ne nsôban a mfubane mendim.

HÉBRE 7:19

Amu atiñe Môze te ngule ya ve nya mvoʼé . A na, e mbamba ndi nlem a nga veban nye ate bia subu Zambe bebé.

YAKOB 1:8

Amu a ne môt a nee nleme nkaban, nyô a yeñelan.

YAKOB 3:17

Ve feʼe ja so yôp, ôsusua, é ne mfuban , évôvoé, mvaé, ja late bôte ngbwa, ja ko éngôngo, ja wume mbamba bibuma, teke ôbangam nge bebaduʼu.

1 Pi 1:22

Eyoñe ji, amu mewôʼô menane e benya mejôô, mi maneya tune miabebien, nde mia ye nyeʼesan ane bobenyañ, tee meduʼan éyoñ ése.

1 Pi 3:21

Jame te e mbe ndeme nduan wo nyii mia éyoñe ji. O nji bo ntunane mvine ya nyôl, vʼô ne mintiñetane mi mbamba mone môte ya nlem e mfaʼa Zambe. Wo nyii mia amu ñwôman Yésus Krist,

1 Jn 3:3

A e môt ase a telé avale ndi nleme te e be nye a telé émien étyi, amu a ne étyi.

SAMUEL ÔSU 14:35

Ane Saül a nga lôñ ataʼa metunaʼa Nti; ataʼa metunaʼa te é mbe di ôsu Saül a nga lôñe Nti.