YAKOB 1:21 - Bible en langue Bulu

²¹ A na, vaʼane mvin ése a nkpwala ôse wo nemban. Nyoñane mejô me ne mbéane be mia a évôvoé nlem , mme me ne ngule ya nyii binyiñe bienan.

Kalate Zambe Nnomo a Mfefe Mfefé Nkôñelan

²¹ A na, va'ane mvin ése a *nkpwala ôse wo nemban. Nyoñane mejô me ne mbéane be mia a évôvoé *nlem, mme me ne ngule ya nyii binyiñe bienan.

YAKOB 1:21 Iomraidhean Croise

EZAYI 2:20

Môs ôte, môta binam a ye wua bivôlevôla bezambe be argent a or bé e be bekoé a angem; bezambe émien a nga bo, A kute meboñ mé ôsu viap,

EZAYI 29:19

Ba ba sili bebiene si ba ye dañe dañe vak e be Nti a bingôngole bi bôt bia ye fôn amu Nyô yʼIsraél a nʼétyi,

EZAYI 30:22

Argent ane nyañan e bengunemelane benane nyô, mia ye yene nye ane te mfuban , avale te fe or a ne be ñwoʼon. Wo ye mialan menyiñ yʼété ane jôm é ne mvin: wo ye jô be na: Kôlaʼane va!

EZAYI 61:1

Nsisime Zambe. Nyô a ne Nti, ô ne be ma, amu Nti a nga woʼo ma mbon. A nga lôme ma me kate ba ba sili bebiene si mbamba mefoé; me sôbe meveñe ya ba be ne minleme ntyaʼan, me kate minkôme foé ya éto fili jap a mimbôk nsuane wop;

EZEKIEL 18:31

Wuʼane mbia be mam bese be nga bo mia bewôé bôt ôyap; boʼone miabebiene mimfefé minlem a mimfefé minsisim, amu jé mia yiane wu a ayoñ Israél?

EZEKIEL 36:25

Ma ye miame mia mendim me ne mfuban e nyô, a mia ye bo mfuban; ma ye tune mia mfaʼa ya mvine jenan ése a bengunemelane benan bese.

SOFONI 2:3

Jeñane Nti, mia bôte bese ya si minlem mi ne ne mieññ, a mia tôé abendé dé! Jeñane nya ntyiʼane mejôô, jeñane njeʼebane minlem! Ndôʼôtô na mia ye fam e môse ayaa Nti da ye bo.

METIAS 5:5

Mvom a bôt be ne bivôvoé minlem amu ba ye nyoñe si nyô ane ngab élik.

YOANES 6:63

Nsisime ñwô wo ve ényiñ, ve minsôn mi nji volô jôm éziñ; e mame me nga kobô mia me ne nsisim , me too fe ényiñ.

YOANES 6:68

Ane Simon Pierre a nga yalane nye na: A Nti, bia ye ke e be za mfe? Ke wo ô bili mejô mʼényiñe ya nnôm éto,

Mm 10:33

Eté été, ma te lôme bôt be zu loone wo, ô boya mvaé ane wo te zu koone bia. Bia bese ba, bi ne asu dôé, mfaʼa ya vôʼôlô mam mese Nti a veya wo na, ô kate bia.

Mm 13:26

A bobejañ, mi kusa bo mvoñe bôt Abraham nge ki ba ba ko Zambe woñ, Mbamba Foé ya nyiane nyô, a nga lômbane be bia.

BERÔMEÑ 1:16

Amu me nji wôʼô Mbamba Foé ôson, amu a ne ngule Zambe, mfaʼa nyiane ya môt ase a buni, ôsusua Beyude, wôna Begrék.

BERÔMEÑ 11:17

Ve nge mintyaé miziñ mi nga tyiʼiban, ve wo, ôlivié ya fé, ô nga bemban e mintyaé mivoʼo mi nga liʼi ôlivié ya nlame na, wo fe ô nyoñe ngap afoʼo ndi ya nya ôlivié.

BERÔMEÑ 6:17

E mvaʼane Zambe akéva! Amu vôme mi nga to belo bʼabé, mi nga ve éveʼela ya nyeʼelan mi nga nyoñ mewôʼô ma so nlem .

1 Ko 15:2

a nye mia ye nyiñe nye, nge mia baʼale nye, avale me nga kañete mia nye; nalé momo, wôna mi nga buni e zesé.

2 Ko 7:1

Amu bi bili avale mengakaʼa te, a bôte ma dañe nyeʼe, e ntunane biabebien e mfaʼa avale mvin ese ya minsôn a nsisim . E sondaʼane telé biabebien étyi e nkoone Zambe woñ été.

EFEZE 1:13

E be nye fe, mi nga wôʼô bebela nkobô, E Mbamba Foé a nyii mia. Avale dada te fe mi nga buni be Nye; A Sitame Nsisim ô mbe ngakaʼa, Mfufube Nsisim a nga lômbane be mia,

EFEZE 4:22

Eyoñe mi liʼiya ényiñe jenane ya melu mvus, mia yiane vaa nnôme môt, ñwô ôte wo ndaman amu minkômban mi ne meduʼan.

EFEZE 4:25

Mi kandane ya minsos, môt ase a kobôʼô ñhe nyô mbok benya mejôô, amu bi ne bibuʼa, bana a ba bevok.

EFEZE 5:4

Mbia bifia, minkobô mi ne tee fek nge mbia fianga, nalé a nji yian. Ve vaʼan e mvean akéva.

1 Tes 1:5

E ne été na, nkañetane Mbamba Foé wongan e be mia ô nji bo ve zesé nkobô, ve ngu, ésaé Mfufube Nsisim, mbamba ntôane mam. A e ne été, ane mia yeme na, e nga kui be bia nalé amu mvaé jenan.

1 Tes 2:13

Amu ajô te mfaʼa wongan, bi ne te jôʼé ve Zambe akéva éyoñ ése: éyoñ mi nga nyoñ ajô Zambe bi nga bo bi kate mia, mi nga nyoñe de, saa aval ane ajô môt, ve aval ane jôm ébien é né, e ne na, ajô Zambe. E nde fe da bo ésaé e be mia bebuni .

Tt 2:11

Amu mvame Zambe é yenéya, anjeñe nyian asu bôte bese.

HÉBRE 12:1

Ajô te bia fe, amu bi ne mbômaʼane a abime abui bengaa te, e ñwuʼane mbeʼe ôse a abé da bômane bia e si, a mate mbi a njiban ôse ya meveʼele me ne bia mveban,

HÉBRE 2:3

wôna bia bebien bia ye fam aya nge bia bi avale nyiane di éngbwemese? Nyian, wu Nti a nga taté kat, ô tabe ñyemetane be bia a ba be nga wôʼô wô,

HÉBRE 4:2

Amu bi nga wôʼô Mbamba Foé avale fe ane bôte bete, ve foé be nga wôk é nji veʼele bo mvolan e be be. Amu éyoñ be nga wôʼô je, be nji nyoñe je a mbunan.

YAKOB 4:8

Subaʼane Zambe bebé, ndemben a ye subu mia bebé. Sôbane mo menan, mia bebo mam abé a lumane minleme mienan, mia e bôt mi ne minleme nkaban.

YAKOB 5:20

yemane na, nyô a dutu mbo abé a liʼi mbia zene wé, a ye nyii nsisime wé, a a ye bo mam abé abui na, me jamban.

1 Pi 1:22

Eyoñe ji, amu mewôʼô menane e benya mejôô, mi maneya tune miabebien, nde mia ye nyeʼesan ane bobenyañ, tee meduʼan éyoñ ése.

1 Pi 1:9

a nyoñe nyiane ya minsisim mienan ane maʼan.

1 Pi 2:1

Ajô te, vaʼan avale nkpwala ese, minsose mise a nsisime bebaduʼu aval ese, minyamete a bibôta.

1 Pi 2:11

A bôt ma nyeʼe, ma lebe mia aval ane bewulu dulu a beyeñe na, mi saʼale minkômbane ya minsôñ mise, mmie mite mia wosane Nsisim.