Tt 3:6 - Bible en langue Bulu

⁶ Nsisim ate nye a nga miase be bia abui abui, amu Yésus Krist Nyii wongan,

Kalate Zambe Nnomo a Mfefe Mfefé Nkôñelan

⁶ Nsisim ate nye a nga miase be bia abui abui, amu Yésus Krist Nyii wongan,

Tt 3:6 Iomraidhean Croise

MINKANA 1:23

Nge mia kôñelan a wôʼô melebe mam, éyoñe te ma ye sôé mia nsisime wom, ma ye bo mia na mi yeme mejô mam.

EZAYI 32:15

Akekui Nsisim ô soya yôp a mialane be bia, a na nkôte si ô veñesaneya afube bilé bia wume bibuma, a na afube bilé bia wum e yené ane afan.

EZAYI 44:3

Amu ma ye sôé nyô a wôʼô évé mendim a atôñe mendim e si é ne nkôte yôp; ma ye sôé Nsisime wom e mvoñe bôte jôé, a ébotane jam e be bone bôé.

EZEKIEL 36:25

Ma ye miame mia mendim me ne mfuban e nyô, a mia ye bo mfuban; ma ye tune mia mfaʼa ya mvine jenan ése a bengunemelane benan bese.

YOANES 1:16

E jôm é ne nye njalan e nje bia bese bi nga nyoñ, mvam é bete mvame yôp.

YOANES 16:7

Ma kate foʼo mia bebela na, e ne mia beta mfi na me ke. Amu nge ma bo te ke, Mvolô minlem aa ye ke zu be mia. Ve nge ma ke ki, ma ye ke lôme mia nye.

YOANES 4:10

Ane Yésus a nga nyoñe nkobô a jô nye na: Nge wo too yeme éfaʼa Zambe a yeme fe môt émien a jô wo na: Nyuʼu me mendim, ve ô ye viane jaʼajaʼé nye, a nye ki a te ye ve wo mendime mʼényiñ.

YOANES 7:37

E môse wo suʼulan, e ñwô wo dañe beta môse ya Abôk, ane Yésus a nga kôlô si a yôtane na: Nge môt a wôʼô évé, a zaʼa be ma a zu nyu.

Mm 10:45

A mbe jame ya semé, e be bôte be mbe ntyiʼane metyele be nga litane Pierre; nalé fe meyoñ bikuu, mveane Mfufube Nsisim ô nga mialane e be be.

Mm 2:33

Mbetane yôp e mbo nnôme Zambe, nde a nga nyoñe Mfufube Nsisim a mbe ngakaʼa e be Esaa, a nga miase nye avale mi lô a mia wôʼ ô di.

BERÔMEÑ 2:4

Nge na, ye wo biasé abui afu nleme Zambe, abui njibane dé, a abui ésôs dé, ô vuane na, abui afu nleme dé te e ne mfaʼa ya dutu wo na ô kôñelane nlem ?

BERÔMEÑ 5:5

A ndi nlem é ne te soo mejôbaʼane, amu nyeʼane Zambe ô nga miaseban e minleme miangan, a Mfufube Nsisim a nga vebane be bia.

BERÔMEÑ 8:2

Amu atiñe Nsisim ényiñ e nga vaa ma atiñ abé a awu.

EFEZE 3:8

e me ne medib akoʼo ya mimfufube mise, me nga nyoñe mvame ya kate bikuu afoʼo Krist e ne teke akobô, a faé éfufup ane Zambe

EFEZE 4:2

A nsuane bebiene si, a évôvoé, a njiban, jibaʼane mia mia e nyeʼan été.

1 Tim 6:17

Jôʼô minkukume ya si nyôna na, be bo te bo mebun, a telé ndi minleme jap e be akum e ne teke jôme ya tabe je ndi ve e be Zambe nyô a ve bia biôme bise abui abui na, bi wôʼô mevak.

Tt 1:4

Ma tili Tite, nya mone wom ya mbunan ô ne bia fufulu, mvam a mvoʼé bi boʼo be wo, bi soʼo be Zambe Esaa a be Krist Yésus nyii wongan.