NLITAN 10:1 - Bible en langue Bulu

¹ A me nga yen éwôlô éngele éfe é soʼo yôp. E nga beʼe nkut , étôtok é nga bôman asu dé. Asu dé e mbe aval ane jôp, a mebo mé aval ane minsum mi nduan.

Kalate Zambe Nnomo a Mfefe Mfefé Nkôñelan

¹ A me nga yen éwôlô éngele éfe é so'o yôp. E nga be'e *nkut, étôtok é nga bôman asu dé. Asu dé e mbe aval ane jôp, a mebo mé aval ane minsum mi nduan.

NLITAN 10:1 Iomraidhean Croise

METIAS 17:2

A nga veñesan ôsu viap a asu dé e nga faé ane jôp. Mengômesane mé ve zu bo éfumulu ane éfufup.

EZEKIEL 1:28

Efufub é nga bômane nye é mbe ane ji ntutum ô ne minkut môse mveñ: étôtoʼo Nti le é nga yené. Ayene me nga yene jame te, nde me nga ku asu é butu si a me nga wôʼô tyiñe môt éziñ a mbe a kobôʼô.

NLITAN 5:2

A me nga yene ngungule éngele, ô mbe ô kobôʼô tyiñe yôp ô jôʼô na: Za a yiane kui kalate, nge vaa besitam yʼété?

DANIEL 10:6

Nyôle jé é mbe é funaʼane akoʼo é nʼédima, asu dé vʼane feleves, mise mé me funaʼane bisiʼi bi nduan, mo mé a mebo mé bi vianeʼe ngeñeban ane nséane mvot. Eyoñ a kobô, vʼane wo wôʼô éduñe nkunda bôt.

NLITAN 4:3

Nyô a nga too éto njôane yôp a mbe a funaʼan akoʼo ba loone Yaspe a di ba loone Sardôan. Etôtok é mbe é bômaʼan éto njôan a minkôkô mi émerôd.

NLITAN 8:13

A me nga wôʼô ndôé é yeleʼe ôzolom yôp é jôʼô tyiñe ngule na: Angônda jam! Angônda jam! Angônda jam e be bôt be too si nyô amu nloñane metoñ beéngele belaa mbe ba yiane beta loñ.

NLITAN 1:7

Mi lôô, a zu ézezañe minkut, a dis ese da ye yene nye, e ba bebiene be nga jii nye akoñ: meyoñ mese ya si nyô ma ye tabe ôlun été amu nye. Yaa! Amen!

Mm 26:13

Me too zen , a njô bôt, bebé zañe môs , me nga yen éfufup é soʼo yôp, a dañe ji jôp. A é nga bômane ma, a bôte bia be be bi mbe nsamba.

LUKAS 21:27

Eyoñe te ba ye yene Mona môt a zaʼak e minkut été a abui ngul a étôtok.

DANIEL 7:13

Me nga ke ôsu a fombô miñyenan mi nga kui be ma a alu: vevea jôm a funaʼane môt a nga so minkute yôp été. Nde a nga zu vôme nnôme môt ô mbe, amu be nga zuu nye ôsu vié.

MINYÔN 3:44

ô nga sobô minkute yate na meyeʼelane mangan me bo te kui be wo.

EZAYI 54:9

Mfaʼa wom da ye bo ane melu Noé: me nga kane ngana na: mendim me Noé ma ye bo te beta mialan e si nyô; avale te ma kane ngana na: ma ye bo te beta wôʼô wo ôlun, nge bo wo ayok.

EZAYI 19:1

Nkulane mejô wo wosan Ejipte. Tame yen ane Nti a bete nkut wo wulu avô, a zu Ejipte. Bemomo bezambe yʼEjipte ba fôʼôban vôm a too, a nleme bôte yʼEjipte wo bili be atek.

JIA JA DAÑ ABEÑ 5:15

Mimbiene mié mi nʼane bifumulu mekône me marbre me bete metine me or a ne mfuban . Eyekaʼa jé é nʼane Libañ, a yené ane besédre.

LEVITIK 16:2

Nde a nga jô Môze na: Kobôʼô monyoñ Arone na a bo te nyiin e vôme wom a nʼétyi éyoñ ése, a dañedañe na a bo te tulan éyé é tyele e zañe nda éndelé, a tebe ôsu ébutaʼa é nʼéwolo yʼélate yôp: éyoñe te a ye bo te wu, amu ma suan ébutaʼa te yôp me too e nsume nkut été.

NKÔLAN 16:10

A nga bo na, Aron a kobôʼô ékôane bôte ya Israél, ane be nga fombô mfaʼa ya nkôte si a yene étôtoʼo Nti é zaʼa nkut été.

NLITAN 18:1

Wôna me nga yen éngele mfe a sise si a soʼo e yôp. A nga bili beta ngu. A si é nga faé a étôtoʼo jé.

NLITAN 18:21

Eyoñe te ngungul éngele éziñ ô nga nyoñ akok e ne anen, akoʼo ba koʼo de bidi a wua de mañ été a jôʼô na: Avale ngule di nde ba ye wua Babilôn, beta tison, ba ye bo te beta yene nye.

NLITAN 20:1

A me nga yen éngele a sisik, a soʼo e yôp. A nga bili édibaʼa ya beta yee, a beta adite ngôkop.